أرى نفسي اني زوجه طيبه وحنونه ومحبه لزوجها وهذا لا يكفي أرى نفسي أفتقد لأسس الحياة الزوجيه الصحيحه مثلا من سلبياتي ( أحيانا ) ماعندي صبر (احيانا ) ماعندي أسلوب في الرد حريصه على زوجي أكثر من اللازم اذا سافر على الطريق كل شوي اكلمه اذا حطني عند أهلي لازم اكلمه اشوف وصل بيت اهله واذا مارد اكلم اي احد من اهله اشوفه وصل

ماأدري كيف أغير من نفسي لي خمس سنوات زواج وعندي طفلين
اريد مشورتكم يا أعضاء المنتدى

اختي الكريمة انا كنت مثلك ولكن للاسف خسرت ثقتي في نفسي وخسرت معها الكثير لانني احببت وكبر هذا الحب حتى اصبح مرض
حاولي ان تتركي زوجك يتنفس قليلا بدونك كي يعرف مكانتك عنده

__________________

	بسم الله الرحمن الرحيم اللهم اهدي زوجي الى طريقك المستقيم

وليش تتصلييين على اهله؟؟؟
اكيد هو متضااايق حركاتك!!

لا ياااختي حاااولي تمسكي نفسك
كذا مو زين لا لنفسك ولا لزوجك

شكلك ماعندك شعله غيره
تراه يمل منك ومن اسلوبك ويحس نفسه بسجن
لاتتصلي عليه
خليه هو يتصل عليك
سلي نفسك باشياء ثاانيا
اشغلي نفسك ياأطفالك


خليه هو يشتاق ويتصل

حبيبتي:اذا ماحاولتي الحين بيصير مرض مو حب هذا
الله يكون بعونك


والصبر ضروري بالحياه الزوجيه
موفقه

__________________
[ ﯾٱﻟﻟہ ﺣﺳﻥ ﺂﻟﺧٱﺗﻣہ

لاتضيقين الخناق على زوووجك

عارفين هالحركات كله من حبك له وناتج من ايحاءات سلبيه يمليها عليك ضميرك تتوقعين انه جاه شي وعشان كذا تدقين على أهله إذا ما رد عليك

خلي التفائل شعارك ولا توسوس لك نفسك إنه جايه شي

يا أختي ما يصير كذا عطي زوجك متنفس وما فيه مانع تتصلين تتطمنين وتسلمين لكن مو بهالصوره

لأن كل شي إذا زاد عن حده إنقلب لضده

وبالتوفيق

__________________
إن بعض القول فن ، فاجعل الاصغاء فناً ..
>> المعرف لرجل <<

شكرا على الرد أخواتي
أولا . سبحان الله والدي توفى بسبب حادث سير وهذا الشي سبب لي خوف اني ممكن افقد الي احبه بنفس الطريقه وأدري ان اتصالي مايرد الي ربي كاتبه فأحيانا زوجي يسوق السياره وهو يكون فيه نوم حرصا مني ادق اطمن وصل أو لا
ثانيا : كان أساس موضوع مشاركتي اني أفتقد أحيانا للأسلوب التعامل معه ما عندي صبر أتحمل لأي مشكله كذلك أفتقد لأساليب الرد المناسبه بالذات في النقاش معه

الله يعينك حبيبتي

اذا سافر استودعيه الله واذا جاك الشيطان يوسوس بك تذكرني انك استودعيه ربك و رح ترجعين لوضعك
على انك ماتعرفين تتناقشين معاه اذا عصبتي حاولي انك تعدين لـ100 واذا ماقدرتي اطلعي من المكان ودوري لك شي تروقين عليه هو غيري وضعيتك يعني اذا كنتي واقفه اجلسي او اذا كنتي جالسه انسدحي...

وعلى الرد المناسب اصلا اذا تنرفزتي ماراح تعرفين تردين عليه حتى لو رديتي ماراح تدرين ايش الكلام اللي طلع منك

يا بندورة العسولة ..
والله كأنك تتكلمين عني ..
سبحان الله نفس الشئ ..لكن أحياناً ما ادق علشان ما ازعجه ..
وانا ادري انها وساوس من الشيطان لأنه يجلس يلعب براسي ...و يمر قدامي شريط سريع للأحداث ..
انه بيموت لا سمح الله واترمل وتتيتم بنتي واأحداث كثيرة لدرجة اني أحياناً ابكي من لا شئ ..



لكن ..

الحمد لله قدرت اسيطر على نفس ..وتوكلت على الله حق التوكل ..

و أقول مهما بلغ حرصي إلا ان قدر الله نافذ ..فصرت ادعيله واستودع الله فيه ...

والحمد لله ارتاحت نفسي وارتحت من الوسوسة اللي مالها داعي ..

ممكن احياناً الحرص الزائد يسبب مشاكل لك مع زوجكـ ..

حاولي تشغلي وقتك بشيء مفيد اذا خرج زوجك لسفر او لاي مشوار ، اقرائي القرآن ،كتب مفيده .. الخ

وادعي الله بأن يشرح صدرك واكثري من الاستغفار

اسال الله الكريم لك التوفيق ولزوجك وكل ماهو خير ..

اخوكــــ

__________________