المشاركة الأصلية كتبت بواسطة تركي العالمي

السلام عليكم

الحين انتي كلامك كله تبين تفهميننا منه انك كذاب، ويطلع عليك كلام.

أخوي أنا مابي أفهمكم على أنه أنسان كاذب لان بصراحه فهمتوا ولا مافهمتوا ماراح ينفعني بشي على كثر مابي كيف أردعه لان ماتتناقله الناس يتعبني وشي طبيعي مو في كل مره لما يجي أحد ويقولي عن الكلام الي قاله اجلس أسمعه شريط حياتي وأطلع اسراري لكل العالم

اولاً:

مادام انه شايف فيك ها العيوب وراه للحين متمسك فيك، اذا على العيال يا انك تربينهم ، او اذا يبيهم ياخذهم، اما انه يطلع عليك ها الكلام ويقول ان فيك كل ها العيوب وللحين متمسك فيك فهذا شيء مناقض للعقل وللواقع وللفطره.

وممكن انتي من ها الناحيه تحجين اهله واهلك بها الكلام ، وتقولين لهم ، يعني انا فيني كل ها العيوب الي تنقال عني او با الاصح الي يقولها عني وللحين متمسك فيني ، او ما يبي يطلقني ، هذا مقعول عقلاً وشرعا ً؟؟؟؟

أهلي عارفيني زين وماعندهم شك فيني وماهم مصدقينه يمكن أنت فهمت غلط أنا أقصد أهله وبحكم القرابه الي بيننا فهم ايضا أهلي يعني قرايبي أما عائلتي فهم بالتأكيد معي00

وبالنسبه لحججك قلتها لهم من زمان من أول مايطلع علي كلام وحجتهم أنو متمسك فيني عشاني بنت خالته وعشان أولادي الاثنين وعلشان يحبني برغم عيوبي00
واذا على عياله اذا يبيهم ياخذهم، قولي انك ما عندك مانع انه ياخذهم ، وشوفي وش بيقولون الناس وهو وش راح يقول.

بصراحه ما ادري الناس وين عقولهم.

ثانياً:

الان نتكلم عنك انت.

طيب من كلامك انتي اختي وتقول انك تسوين وتقدمين له كل الكام الي كتبتيه فوق من تجهيز وتزين واحترام وتقدير، حتى انك تسمحين له انه يسهر في الويك ايند، فمبين عليك من ها الكلام انك عاقله وفاهمه ومنتب جاهله او مثل ما يقول هو تحبين التملك.

ولكن بنفس الوقت اختي قلتي عنه انه ظالم، ممكن تقولين لي وش ظالم فيه، او وش ظلمك فيه، هل هو فعلاً ظالم وانتي تقدمين له كل الي قلتيه؟؟؟؟

تدري أخوي جعل الي سويته معاه في ميزان أعمالي

أخوي زوجي عند أدمان في حب النساء بشكل ماتتخيله وهو بنفسه قالي لو تعطيني الدنيا كلها ولو تجددي بنفسك كل يوم وكل شوي أنا أنسان طبعي كذا فيني حب النساء

زوجي ظلمني بخيانته ظلمني بعدم عدله ظلمني أيضا بالكلام الي يقوله عني ظلمني بأشياء ثانيه صعب ذكرها وحصرها

ام انك تقصدين انه ظالم با الكلام الي طلعه عنك؟؟؟

ثالثاً:

ممكن اعرف انتي ليش تركتي بيتك؟؟ وليش تطلبين الطلاق؟؟؟ وليش هاالفتره كلها وانتي تطلبين الطلاق وهو للحين مصمل ما يطلق وانتي ما تبين ترجعين نهائياً؟؟؟ هل لأنه تزوج ثانيه؟؟؟

تركت بيتي لانه مو قادر على فتح بيتين ولانه كذب علي واستغل طيبتي ومقصر معاي وهو بنفسه قال أنا ماعندي قدره على فتح بيتين وبحاول وأكيد بيحاول على حسابي00

طيب يا اختي واذا تزوج ثانيه ، وش المشكله، اوكي مقدرين مشاعرك ولكن موب لدرجه انك تخربين بيتك مره وحده وتنهين حياتك بسبب زواجه من ثانيه، بدال ما تخسرين جزء من حياتك راضيه تخسرين كل حياتك.....!!

أخوي صعب أوصلك كل مشاكلي السابقه معاه وأحصرها في اسطر

وانا مو علشان تزوج لا لوجود أسباب ثانيه بعضها قوق كتبتها وبعض صعب ذكرها
رابعاً:

المجتمع الي تتكلمين عنه مجتمع كلنا عايشين فيه ومتربين فيه وعارفين خفاياه، فأسمحي لي اختي انتي حطيتي نفسك المظلومه بها المجتمع كلع وانتي المنكوب امرك، وان ها المجتمع ظالم وما اخذ حقك، ترى ها الكلام ما يطلع من شخص عاقل فاهم رب أسره ومربي اجيال.

حتى وان كان ، لازم وانا اخوك توقفين مع نفسك وتحاولين تواجهين واقعك وتحاولين انك تاخذين حقك بأيدك.

وصدقيني اختي ان الله مع الحق وين ماكان ومتى ماكان.

الله يوفقنا ويوفقك.