ليش ليش لما الرجال يعرف ان زوجته تحبه ومستحيل تزعل منه مهما سوى ومع ذلك يحاول استفزازها ورفع ضغطها هذي العادة اكره بزوجي ما يراعي اني حامل واوقات يقول كلام ثقيل ويرجع يقول كنت امزح , نقطة ضعفي حبه اتمنى بيوم ازعل منه واخذ موقف والله امس زعلني زعل ورحت ازور اهلي فكرت انام عندهم عشان ينقرص شوي ما قدرت شفته ما دق ولا سال رجعت دقيت اطمن عليه شوفتو كيف قلبي طيب وماا اقدر ازعل منه نفسي اثقل واحسسه اني مأخده بخاطري بس ما ااقدر والله الحب ابتلاء وخاصة ادا الزوج عرف ذا الشي مشكله نفسي اكون قاسية وقويه , تصدقون حتى اهلي يقلولون نتحداكي نتامي عندنا يوم عارفين ماااقدر ابعد عنه احس لو عدى يوم ما شفته ولا شميت ريحته اني مخنوقه هبله صح , قولولي ايش اسوي ابغاه يشتاق ويحس فيني ابغاه يحس بنفس احساسي تجاهه ابغى يصير مجنون مثلي انا عارفه انه يحبني بس ابيه ينجن ؟؟

عفواً تم تعديل العنوان ليتضح المضمون.. الاشراف

الله مايحرمكم من بعض دائما المراءه عاطفيه وتعرف اتبين حبها وجنونها بس الرجل افعال انا زيك كنت اقول نفس الشي يعني اذا صار عنده حراره ورشح اقعد جنب راسه طول الليل واعصر برتقال وليمون واهتم بي اكله واخاف عليه كثير بالمقابل ما اشوقه يبادلني نفس الشي كنت اتنرفز اقول هل انا هبله ولازم اثقل ولا اعيش على طريقتي واتعامل ببساطه بالشي الي احسه حتى لو هوا غير

لما عملت عمليه ومرضت يالله لو تشوفي خوفه وحبه لي امبين بعيونه والكل لاحظ عليه وكان مضايق فتره نومي بالمستشفى كل اشوي يدق علي قلت ياريت من زمان مرضت كذا عشان اعرف غلاتي وبعدها الحين رجعت ريما لعادتها القديمه بس انا متاكده من حبه ولكن التعبير زيررروووووو كل ما اقله ليش كذا يقلي يعني ايش اعمل قوليلي كيف اسوي او يقولي فاضي حق شغل البزارين اصير اضحك عليه

لا مو هبله

انا مثلك تماما ..

لكن بقولك معادلة افهميها


كلما زعلتي من مزحه وبينتي هذا الزعل.. رح يزيد باغاظتك لانه عرف مفاتيحك

الحل ببساطة طنشــــي .. اذا حاول يقهرك اسكتي أو ابتسمي وابلعيها

بيني له انه ما همك .. بعد فترة رح يوقف مزحه واغاظاته ويبحث عن شيء ثاني


بالنسبة للحب.. انا مثلك احبه ويحبني لكن مو لازم كل دقيقة ابين له حبي

يا حبيبتي اثقلي .. ولازم تعرفي انه الرجل "صياد" بطبيعته ويحب يطاااارد المرأة مو هي اللي تطارده لانه رح يعافها بعد فترة

ما اقولك لا تحبيه .. حبيه وموتي عليه بس حبي نفسك علشان يقدر يحبك اكثر

اذا رحتي عند اهلك لا تتصلي عليه كل شوي .. استمتعي بوقتك معاهم

اذا عندك صديقة لا ترني كل شوي عليه تبغى شي ولا شيات ! << اكيد تسوينها لأني كنت اسويها

اذا هو مشغول وبرا البيت .. رجااء اتركيه على راحته لغاية ما يرجع لانه خوياه ما رح يفهموا اتصالك حب .. رح يقولوا وزارة الداخلية كل شوي تتصل عليك ويتمسخروا عليه ويطلع حرته فيك

خلك رقيقة.. خلك بعيدة .. وخله يتعب عليك

والله يهدي القلوب ويسخره لك يااا رب

__________________

مرسي للي ردو
انا كنت اول كل شوي ارسل واتصل الحين مااا اتصل ابدا حتى هوا صار ستغرب لدرجة بيوم اتأخر برا وهو قاصد رجع قال ما وحشتك ولا ارسلتي ولا اتصلتي ( الرجال عجايب )
وانا عند اهلي اتصلت لما شوفتها اتأخر عليه بس
يارب يارب يارب يسخر لي زوجي
وترى لما يمزح معاي مااا زعل بالعكس اضحك حتى هو يقول انتي صايره متبلده مو زي اول دمعتك على خدك
يعني الرجال غريبين جداااا ومزاجهم عجب المهم ربنا يديم الخير والسعاده بينا صح هيا مش مشكله صعبه بس اووقات الزوجه تكون نفسيا مش مستعده للمزح لكن غصبن عني لازم اتقبل لكن الرجال يا ويلي لما يكون زعلان او معصب ما يتقبل المزح يعني لازم يراعو شوي وياليت كان عندنا دورات تثقيف للتعامل مع الزوج او الزوجه خلال فترات الحمل والدوره الشهريه , يا عالم والله حواء ضعيفة وبرئيه ووقت ما لقيت الحب مستعده تقدم روحها فداء لزوجها بس الله يهدي بني ادم المزاجي:14:

جداااوية صدقيني الرجال يشبهون بعض انا مثلا زوجي يحبني ومايصبر مني لكن لما اكون عند اهلي نادرا لما يتصل او رسايل تدري ليش يقول عشان نشتاق لبعض ....مثلا لو كان دايما يتصل او يرسلك رسايل بيصير نوع من الطفش.... وبعض الرجال مايعرفون يعبرون عن مشاعرهم والله.......نحن النساء بطبعنا حساسات بقوووة....على العموم الله يخليلك زوجك ياعيوني.....تقبلي مروري

طنشي طنشي باقولك كل ما اعطيته وقت وتفكري فيه اكثير بتعود على ذلك ويصير كل شئ عادي
بالنسبة له مثلا لما تروحي لبيت اهلك اصبري ولا تتصلي بع راح يفقدك ويتصل هو ويستغرب ليه ما اتصلتي به لو فيه اي شئ كالعادة انت اقلبي هذه العادة انبسطي واعتني بنفسك اكثر من غير ما تنتظري يقولك اي كلام ولا تساليه لماذا او هل اعجبك او ما رايك خليه هو وحده يلتمس التغيير وراح تشوفي النتيجة الرجل بطبيعته غيور على مراتو مهما كانت ربنا يابرك في زواجكم ويسعدك يارب

__________________
اللهم اني اعوذ بك من درك الشقاء وسوء القضاء
اللهم اني اعوذ بك من زوال نعمتك وتحول عافيتك و فجأة نقمتك ومن جميع سخطك امين رحمتك يارب ان لله وان اليه راجعون