وعليكم السلام ورحمة الله وبركاتة
يامرحبا بـ اخونا وحيد
العمر كلة يارب تعيشة برضا الله وطاعتة
نجي لاسئلتك الان
اولا انا موب طبيب جلدية لكن عندي خبرة بسيطة
بخصوص البشرة الدهنية لازم تنظفها بشكل يومي بغسول وجة ماركة محترمة
لان الدهن على الوجة سبب رئيسي لظهور حب الشباب !!
نجي لحلاقة الدقن
وشش لك بالغثاء وحلقة الدقن بشكل يومي !!
من تبداء تحلق دقنك فانت فتحت على نفسك باب لا يمكن اغلاقة ابدا
لان حلق الدقن بالموس يسبب ظهور الشعر بشكل غليظ وكثيف ويجرح البشرة
ويمكن تحلق دقنك بشكل غلط فيبداء الشعر ينمو للداخل
ويسبب لك حبوب لونها اسود واسمرار للرقبة والوجة !!
ولا تصدق دعايات جيليت و موس ابو ثلاث شفرات وصفاء الوجة
لانها تحلق الشعر بعمق وهالشي يسبب جروح للبشرة واسمرار وظهور الحبوب
اختصرها عليك شوف الشباب اللي يحلقون الدقن كيف تكون بشرتهم غليظة وسمراء
ولو تكاسلوا عن الحلاقة ايام تشوف الشكل كيف صار
وشوف الشباب اللي ما يستخدمون امواس الحلاقة كيف شعر الدقن خفيف والبشرة صافية !!
ومرتاحين من شغلة حلاق وموس وكريمات تخفف تهيج البشرة
ياخوي بما انك لسى ما استخدمت الموس فما انصحك ابدا ولاتقولي عمري 17 او 50 !!
اما بخصوص منتجات محددة للاسف ما اتعامل مع هالشي
موب فاضي لها !!
وعلى فكرة مافيها شي اذا الرجل اهتم بنفسة
طبعا بشرط مايكون مثل النساء ولا يتشبه بهن ولا تكون كل اهتمامة
الخشونة مطلوبة ولكن هناك فرق مابين الاهتام بالبشرة والنعومة
اعتقد فاهمني زين وش اقصد بالنعومة
والرجال مخابر مو مظاهر
ومبين من كلامك انك رجال ابن رجال
وهالشي خلاني ما اطلع الا وانا راد عليك
اخيرا اعذرني جاوبت عليك باستعجال وافكاري مشتتة
اخيك (غير مسجل)
__________________
اليوم .. انا الشخص الذي كنت انتقده بالأمس، تصرفاته ، أفكاره ، اسلوبه ..ولا أعلم من أكون بالمستقبل !!
التعديل الأخير تم بواسطة (غير مسجل) ; 22-07-2009 الساعة 02:11 AM