في ايام تمر على اقول برسل حق زوجتي هديه لها او لولدي عشان اذكرها فيني ويمكن تحن للرجوع واحلم فيها انها استانست وتبي ترجع وليمن ارجع لعالم الواقع اذكر مشاكلنا فاتراجع و في ايام ياتيني شعور اقول لا ما في فايده لاني حاولت وايد و تكون وقتها عندي فرصه اكلمها هي او ابوها لكن هالتناقض بافكاري يخليني ما اتكلم واعيش حياتي لانه احنا مفترقين من 3 سنين فاقول لنفسي اذا هي تبي ترجع لازم يكون تحرك من طرفهم مو انا اروح واتعنى واحاول مع هذا واكلم ذلك وبالنهايه ما اوصل لشي حتى ما اكلمها ولا اقعد معها لانها ترفض فلماذا احاول واتعب نفسيتي خلني عايش ليمن الله يهديها

اخوي توكل على الله وأستخير
اذا زوجتك ما بدت با الصلح كون انت قدها وابدء با الصلح
ترى في شيطان بينكم موقف الصلح
وهو الي يدخل براسك ها الوساويس ويضعف من عزيمتك
تعود من ابليس وتوكل على الله
واكسر حاجز المشاكل
مهما كبرت المشكله لازم لها حل
اتمنى لك التوفيق اخوي
^_^

__________________
::: لا تقنط من الواقع فإصلاح الموجود خير من انتظار المفقود :::

الذي اعرفه انها مو مستعده للرجوع وانا ما عندي اي تواصل معاها وحاولت قبل 4 اشهر مع اهلها وابوها لكن ما فادني بشي ولا حتى كلمت زوجتي والحين اذا مثلا ارسلت هديه يمكن تردها علي مثل ما سوتها من قبل يعني ما في يدي شي خاصه اني حاولت اكلمها كذا مره لكن ما عطوني فرصه يعني حلولي كلها خلصت و مالي غير الله خاصه اني ولدي بعده ما دخل المدرسه وليمن الحين ما يسال ليش هذا وضعنا بعده صغير

ترى صعبه المرأه تبادر بطلب العوده او احد من طرفهم
حاول انت يمكن ربي هداها

__________________

المشكله انا خربتها كذا مره اشوف ابوها ليمن اخذ ولدي وما اسلم عليه ولا اكلمه
عشان هالتناقض ما اتوقع انه راح يوقف معاي ويساعدني

يارب يالف بينكم
3 سنوات كثير
اشيع انك بتدور على زوجة ... وجرب احد عاقل يوصل الموضوع ويقولهم انا عرضت اصلح (كانه مو مرسول منك) وشف
زاذا مانفع شف حياتك

اقتباس:

المشكله انا خربتها كذا مره اشوف ابوها ليمن اخذ ولدي وما اسلم عليه ولا اكلمه

صراحة اسمح لي اشعر أن شخصيتك فيها كبرياء بزيادة !!

ليش ماتسلم على أبوها ؟؟

السلام لله ياأخوي !!

سلم عليه وتعوذ من الشيطان الرجيم ..

وتنازل عن كبريائك شوي .. وتكلم معاهم بإسلوب مؤدب ولطيف ..

ماكان الرفق في شيء إلا زانه ومانزع من شيء إلا شانه .. أو كما قال صلى الله عليه وسلم !!

!

__________________

طيب ماعندك نسيب عاقل ومتفهم يحاول يرجعكم لبعض او يخليك توصل لها لو حتى با التليفون وتتفاهمون.

ما ادري العالم وش مستفيدين من جلوس بناتهم عندهم مطلقات، توفيق البنت ببيت رجلها.

الله يسترنا ويستركم با الدنيا والاخره يارب.

الكبر .. والنفس الأمارة بالسوء تقف بينك وبين نفسك المؤمنة المطمئنة التي تبحث عن الخير والصلاح
ليس عيباً ان نسامح ولن يقلل ذلك من قدر أنفسنا طالما نحن ندرك جيدا من نكون
حاول التقرب لوالدها .. ستجد نفسك قد تقربت منها
بادر بالسلام .. سيرد عليك والدها .. صدقني
الأب يريد الخير لأبنائه وكونك لا تعطيه وجه لن يأمن جانبك ..

كن جرئياً من أجل ان تستعيد حياتك وزوجتك وأبنك .. ويكفى ما فات