مثل ما بتعرفوا ولدت قبل 8 أشهر تقريباً و بنتي بتكمل ال 8 أشهر في 22 الشهر الحالي

بعد الولادة كان موعد الدورة الشهرية مضطرب يعني شهر تتأخر اسبوع و الشهر يلي وراه تتأخر أسبوعين إلى أن كملت 6 شهور من الولادة انتظمت الدورة
أتتني 29 / 4
29 / 5
28 / 6

يعني هالشهر من المتوقع إنو تيجي 28 أو 29 7
أنا بصراحة ما بعرف أيام التبويض عندي متى بس كل شهر بحس بآلام تشبه آلام الدورة بس شي بسيط

اليوم كانت تيجيني آلام متل آلام الدورة و قوية يعني ألم في أسفل الظهر و أسفل البطن و إذا ضغطت على بطني بتألم مع إنو اليوم المفروض يكون ال 18 من بداية الدورة و المفروض التبويض بيوم 14 و كنت أحس كإنو الدورة إجتني من كتر الإفرازات

هل معقول أكون حامل ؟؟ لإني سمعت إنو الحمل يصاحبوا آلام تشبه آلام الدورة
أنا كتير خايفة بنتي لسه صغيرة و مش مقررة أحمل الآن
يا ريت يلي مرت بنفس حالتي تطمني

ما بقدر أعمل فحص الآن لأنو موعد دورتي بعيد يعني لبعد أسبوعين تقريباً و أنا أعصابي رح تتلف من هون لأسبوعين




تم تعديل العنوان ليتوافق مع المضمون..الاشراف

في حال وجود حمل أو عدمه التحليل ما رح يظهر النتيجة الصح لأنو باقي على الدورة أسبوعين

طيب انت مش عاملة مانع ولا احتياطات؟؟؟

انا في 19 الشهر بصير فهود 8 شهور اكبر من بنتك 3 ايام


حللي دم باسرع وقت

__________________

لا والله يا ملك ما ركبت لولب ولا باخد حبوب بس ماشية على العزل

الله يستر

و حتى لو طلعت حامل ما عاد فيني أعمل شيء

الله يخليلك فهودي و يخليلي حلا يا رب

يا ستي اذا خايفه قد كذا من الحمل اعملي مانع كويس مش نص كم

بس حمل ما اعتقد يبان من الان مالك الا تصبري وبعدين اذا ما نزلت الدوره اعملي فحص..

واذا نزلت انتبهي على نفسك ودوري مانع اضمن..


بعدين مين اللي قالك انه يوم الاباضه عندك يوم 14!!!

انتي يوم الاباضه عندك يوم 17 مش 14 بناء على التواريخ اللي حطيتيها طول دورتك 31 يوم
ولما تكون طول دورتك 31 يوم اذا يوم الاباضه المتوقع هو يوم 17 او 18

اذا الايام المهمه عندك حسب التواريخ اللي حطيتيها هي اليوم 14-15-16-17-18

وانتي تقولي عندك (الم اسفل البطن + افرازات كثيره) هذي علامات تبويض ان شاء الله ..

ان شاء الله اكون افدتك..

__________________

والله ريحتيني يا كريستالا الله يطمنك متل ما طمنتيني

أما عن المانع فالدكتورة رفضت توضعلي لولب إلا بعد عمر 25 يعني بعد السنة و كتير حذروني من حبوب منع الحمل لأنها تؤخر الحمل لما بدي أحمل والله احترت شو أعمل فاتكلت على الله و لجأت للعزل و الله يستر

هذه العلمات كلها علامات التبويض وان شاء الله ليس هناك حمل وان شاء الله تعملي مانع جيد اذا كنت لاتريدين الحمل ولكن اطماني هذه علامات الاباضه حتى لو كانت باليوم ال18 كما تقولين لان دورتك طويله وبالنسبه للمانع خليكي على الطبيعي انا سنتين على المانع وماااخذت حبوب ولا حطيت لولب فقط على الخارجي اهم شي زوجك يكدر يسيطر على الموضوع وخلص

__________________
[rainbow]ياربي احفظ غاليتي[/rainbow]

ام سنو أشكر مرورك و ردك كمان طمني

أنا هيك كنت مقررة أبقى على الطبيعي بس كل شهر أعصابي عم تنهار لحد ما تيجي الدورة