السلام عليكم ...

أشكركم جميعا على الردود وهذا عشمي فيكم ..

كلامك اختي أميرات هو اللي أستناه لكن للمعلومية أطفالي عمرهم صغير(3 سنوات_سنة)

يعني عمرهم يحتاج احد يلعب معهم وبنات سلفتي مزعجات لحد لا يوصف يعني حتى لو جات مرة من خاطري أجيبهم رحمة في نفسي من طفش اولادي اللي يسوو فيني ورحمة في اولادي اللي يبغوا يلعبوا أجيب بنات عمهم يلعبوا وأجي على نفسي في موضوع الأزعاج ...لأن المشكلة في جيتهم ان بدل ما يصيروا اولادي اللي يحوسوا وراي بالبيت يصيروا اولادي وبنات عمهم يجروا وراي رجلي على رجلهم ... يعني يجي في نفسي أصرخ فيهم أو ارجعهم لأمهم وهم أصلا بالموت يروحوا بيتهم ...

لدرجة صرت أجيب الشبس وبعض الحلويات علشان أطردهم بطريقة مؤدبة ولأنهم من النوع اللي (يغسلوا الفضايح وينشروها)وما أبغى أسبب مشكلة في العائلة اذا بنات أطفال طلعوا علي كلام اني طردتهم من بيت عمهم!!!

في نقطة برضوا بهالموضوع:ان زوجي مو من النوع اللي يتكلم معاي في شغله كثير،وزوجها يتكلم معاها في بعض أمور الشغل(في جزء من شغلهم مشتركين فيه مع بعض)وأحيانا زوجها يقولها أشياء زوجي ما يكلمني فيها وتجي هي تقولي عنها(اذا شي مضايقها من الموضوع)،(بدعوى اكيد زوجك يكلمك عن شغله )،ولما أسأ زوجي عن هالأشياء يتضايق ويقولي(شي ما يخصك ،،أو مالك دخل)أنا ما أزعل أحترم رأيه،،لكن اللي يضايقني اني أسمع هاللكلام من سلفتي مو منه.يعني أتضايق من شي وممكن أتخانق مع زوجي فيه ومو من حقي اني أفهمه أو استفسر عنه لانه ما يخصني) ,,,

باختصار ... قاعدة تخرب في تفاهمي مع زوجي بطرقة عفوية هي ما هي حاسة فيها...وألقي نفسي ضايعه مو عارفه الطريق الصح من الغلط في التعامل.

الفرصة صعبة لتغيير البيت في الوقت الحالي مع الظروف المالية التعبانة ،وفي احتمال انهم ينتقلوا لمدينة أخرى لكن ما ادري متى....

أشكركم للتواصل .

سبحان الله اختي ام حمزة

بالضبط ...اعيش حاليا نفس معاناتك مع سلفتي

بعض الاحيان اقول غبية في تصرفاتها ...وبعض الاحيان اقول خبيثة

سببت لي الالم النفسي الشديد بسبب تدخلاتها الغير طبيعية في حياتي ...ودائما عندها جملة مشهورة فيها

وهي (( بحسب الميانة))

تتدخل في حياتي بحسب الميانة ...يعني تقول اني مثل اختها .. وهذا في رايها يعطيها الاحقية انها تدخل حتى غرفة

نومي و تفتش فيها ...تدخل غرفةاولادي و تفتش حتى في دواليب ملابسهم ..بحجة ان احنا صديقات

لي معها اكثر من 25عشرين سنة ...وانا بحكم اني ساكنة في بيت العائلة ...وابو ازواجنا يكون خالها

وهي بحكم انها ساكنة في منطقة بعيدة نوعنا ما عنا ...فتلاقيها تتصل علي معدل من 5 الى 7 مرات في اليوم

تسأل عن الحال والاحوال

تتصل على خالها اللي احنا ساكنين في البيت معه ..تسأله عني ...وش طبخت ...وش وسويت ...وين رحت ..وين جيت

وهو بحسن نية ..كبير في العمر ...يعطيها تفاصيل حياتي بالكامل

وبحكم ان بيت العائلة موجود ...ف كل اسبوعين تجي اجازة مع زوجها و اولادها وبناتها..وعندهم غرفة في البيت ...يعني تقيم عندنا في البيت ..وفي كل اجازة او مناسبة تكون موجوده في البيت معي

من لحظة ما توصل ...وبما اني انا اللي ساكنة في البيت ..فكل شي تحت يدي ...يعني كل اغراض البيت انا اشتريها

ولكن لا حق لي فيها ..لاني انا ساكنة في بيت العيلة

اذا كل شي انا اشترية واضعة في البيت هو ملك للجميع ...لا املك حتى الملعقة التي اشتريها بنفسي

وهذا يعطيها الحق ...انها من اول ما تدخل البيت ...تفتح الثلاجات ...وتفتش فيهم ...وانا وافقة ....لا يحق لي ان اقول لها ماذا تفعلين ..لان هذ


وانا بطبعي استحي من اني اردها

ولكن تفاقم الامر مؤخرا ...تخطت كل الحدود والخطوط الحمراء

بدأت تتدخل في حتى زوجي ..بحكم انه وابن خالها ...وتمون عليه

حاولت المح اني متضايقة ..ما احب احد يدخل في حياتي الخاصة

وهي لا تفهم

الي ان حدث الانفجار بعد علاقة اكثر من 25 سنه معاها

قلت لها توقفي عن التدخل في حياتي ..يكفي

معلش اختي نزلت المداخلة قبل ان اكملها واعدلها

كانت اول ما توصل البيت ...تفتش في الثلاجات ...تدخل مستودع البيت الذي به كل اعراض البيت ..والمؤونه التي انا اشتريها

تفتش فيها ... وتنتقد النقص ..بطريقة غير مباشرة

كل هذا من حقها ...لان هذا بيت خالها ..

وتقيم في البيت معي كل اجازة .. وفي كل المناسبات العائلية .. لان هذا ليس بيتي ...بل بيت خالها


اتمنى اني اقطع علاقتي بها تماما ...لان لم اجني من هذه العلاقة الا التعب النفسش الشديد

ولكن ... اخاف من ان تحدث مشاكل في العائلة ..وخاصة بين الاخوان (ازواجنا))

وزوجها قمة قمة في الاخلاق والذوق ...لا يستحق اني اتصرف بهذه الطريقة

ولكن هي ... وبعد المواجهه الصريحة جدا معها ...لم تتغير

هذه هي كل ما اتت من منطقتها ... تمشي وراي مثل ظلي ... تشوف انا ما اقول ..ما اكل ..ما افعل ...

كل ما كبرت في السن ..زاد عندها حب الفضول ...تحب عن تعرف كل شي عن كل شخص

وانا ايضا اريد حل

واعذريني عزيزتي ام حمزة على الاطالة

انا ظنيت اني فقط انا من اعاني من سلفته

على فكر ...هي عملت مشكال مع الكل بسبب تدخلاتها في حياتهم ..خاصة اخوات زوجي ...بنات خالها

والكل اوقفها عند حدها ...و الى ان اتى الدور علي

اتمنى ان تتعظ ...

اختي اميرات انا قلت سابق اني احترم خصوصية زوجي في شغله ولا أسأله الا عن الأمور عامة(كيف الشغل؟ان شاء الله كل شي تمام؟ صار معك شي جديد؟؟)بدون دخول في تفاصيل ما افهم فيها...

يا اختي افرضي قالها زوجها شي عن شغله هي مالها حق تتضايق وتجي تقولي اللي مضايقها لان هذا بحد ذاته فضول على شغل زوجها كأنها تقوله (انت ما تعرف تتصرف او ترد)...

اختي فافي انا لو مكانك كنت من الاموات بالسكتة الله يحفظك ,,,

اشكركم جدا

بعيد الشر عنك اختي

وما كتبته ما هو الا غيض من فيض

السلام عليكم ...

أخواتي أنا الأسبوع الحاي مضطرة أسافر عند زوجي أنا وأولادي لظرف ما(خير إن شاء الله)..
والمفاجأة غير السارة ان سلفتي بتسافر هناك هي وزوجها وبناتهم(وهذا اللي ما اتمناه واخر ما انتظره)بما ان عائلة زوجي مجتمعة هناك...(مع العلم ان فترة السفر من 5 ايام _اسبوع)

أخر ما أفكر فيه أسكن جنبها حتى في السفر،،لكن إذا ما كان عندي حل ثاني(ولاني ما ابغى أسبب مشكلة أو أحسس أحد اني ما ابغى اسكن جنبهم)بتعامل بطريقة رسمية جدا واذا فتحت اي موضوع من مواضيعها النكدة ووجع الراس....

هنا السؤال:أعطيها اياها بأسلوب ما،،أو كاش في ووجهها او انتظر لين نرجع من السفر حتى ما أسوي مشكلة في العائلة انا في غنى عنها...يعني أخلي الوضع هادي وأطنش وأتعذر لين نرجع أو أقول اللي عندي وأفتك من الهم وما همني أحد؟؟

انتظر ردودكم ... وآسفة ثقلت عليكم ...

أختكم... أم حمزة

انا مو خالصة من مكالماتها عشان اشوفها ....

تخيلي الباب عالباب وما نشوف بعض!

هذا كله عالتلفون ،،ونبرة الصوت في بيان الحزم في الكلام تكون واضحة جدا...

اتمنى من المشرفين حذف الموضوع حتى ما تشوفه هي بالصدفة لانها تدخل الانترنت لكن مو شرط توصل لمنتدانا...

او يتحول لقسم المواضيع المحجوبة واقدر اتواصل بطريقة ما واوصلكم اخر التطورات...

وشكرا