تزوجت من 11 شهر وبعد 5 شهور من الزواج حصل حمل علما بان اول 3 شهور مكنتش العلاقه الزوجية طبيعيه وبعدها انتظمت وانا ماخدتش اى علاج عشان يحصل حمل وتحليل زوجى كان كويس بس نسبه اللزوجة عالية شوية والدكتور كتبله علاج وفى نفس الشهر اللى اخد فيه العلاج ده حصل حمل بس للاسف الحمل مكملش وحصل اجهاض فى اخر الشهر الثالث بدون معرفه السبب
بعد الاجهاض الدورة نزلت بعد اليوم الاربعين من الاجهاض زى الولادة
وبعد كده الدورة مواعيدها اختلفت عندى رحت للدكتور كتبلى كلوميد بدون اى تحاليل للهرمونات ادانى منشطات بدون ما يعرف ان التبويض فيه مشكلة او لا ورحت عملت متابعه تبويض فى اليوم 13 وطلع عندى بويضتين فى كل مبيض حجمه كويس قوى يعنى اربع بويضات فى شهر واحد حجمه تقريبا فوق 20 مم الدكتور قالى كويس جدا التوبيض كده كويس وادانى فى اليوم ده ابرتين تفجير بس برضه محصلش حمل والدورة مش عارفه احسب ليها معاد كانت قبل الجواز مش بتتاخر عن اليوم ال 28 وبعد الزواج كانت بتيجى قبل معادها كمان لا تتعدى اليوم ال 28 بعد الاجهاض بقت بتيجى فى حدود اليوم 29 او ال30
مش عارفه اعمل ايه بصراحه
معنى ان فيه الكمية دى من البويضات اللى حجمها كويس قوى ان التبويض كويس وطبعا السونار بيقول ان الرحم والمبايض كويسة وحصل حمل مرة بدون اى ادوية بالنسبالى بس ايه سبب الاجهاض معرفش وهل ده مرتبط بان الحمل مش بيحصل بسرعه عندى وان فيه سبب عندى لده
وايه سبب انى مش عارفه احدد يوم معين للدورة كل شهر بمعاد مختلف وبقيت اتعب قبل البيريود ما تيجى بكام يوم واحس بتقل وشد فى ظهرى
-- باقى احتمالين لان الحمل بيتاخر اما الانابيت وده هل ممكن يكون فيهم مشكلة مع انى حصل حمل قبل كده ؟؟؟ ولا ده امر مستبعد ؟؟
-- الاحتمال التانى يكون التهابات هى سببت الاجهاض وبتاخر الحمل مع العلم انى مش بعانى من افرازات غريبة كلها افرازات شفافة او بيضاء ومش بعانى من ريحتها او من حكه
ارجوا افادتى والرد على اسئلتى لانى محتارة جدا ومش فاهمه ايه بيحصلى وخايفه اروح لدكاترة يجربوا فيه علاج يبوظ الدنيا اكتر مش يظبطهالى




تم تعديل العنوان ليتوافق مع المضمون...الاشراف

اختي الكريمة
ارى ان كل شي عندك طبيعي وكون ان الدورة تتاخر يوم او يومين او ثلاثة شي
عادي كلنا كذا غالبا الدورة ماتجي بيوم محدد بالضبط

وحدوث الاجهاض في الحمل الاول لايعني انه سيحدث اجهاض في كل مرة

الاجهاض مرات يكون رحمة من رب العالمين
فقد يكون الجنين مشوه او فيه اي خلل ويجهض قبل ان يولد بعاهة مستديمة

لاداعي للقلق مادام ان كل شيء عندك طبيعي

ربي يرزقك بالذرية الصالحة [B][/B]

متشكرة على ردك

ينقل الى مكانه الانسب..النسائيه والتوليد

__________________

بسم الله الرحمن الرحيم


آمل أن تكونوا بأتم صحة وعافية جميعاً بس بدي آعرف دورتي منتظمة آولا .10.5.2009.3.6.2009.28.6.2009 15.4.2009 شكران