الجزء الاول: الى كل اخت حامل تفضلي من تجربتي الخاصة مشروبات الوالدة المهمة

14-06-2009, 05:57 PM

ملَك شادي

عضو متألق

تاريخ التسجيل: May 2006

المشاركات: 6,393

الجزء الاول: الى كل اخت حامل تفضلي من تجربتي الخاصة مشروبات الوالدة المهمة

السلام عليكم ورحمة الله وبركاته
حبيباتي الحوامل والي بدهم يولدو
واخص هنا المغتربات لانو هما بالغالب الي بحتاجو هالموضوع
اما من تحظى بقربها من اهلها ماشاءالله اعتقد ان الوالدة ستكفي وتوفي
عموما هالموضوع بهديه لكل الحوامل والامهات والبنات
من تجربتي اريد اخباركم عن الشوربات والمشروبات التي تعد خاصة للوالدة يعني التي يكون لها اهمية خاصة لها

وساكتب طريقة الاعداد والفوائد

المشروبات

مشروب القرفة
اهميتة مهم جدا لانو عشبة حارة ينشط الرحم و يحركه من الداخل فتخرج بقايا الولادة بسرعة
ولاتستهينو ابدا بالامر هادا وازا شعرتو اول النفاس انو الدم خفيف فما يغركم ابدا لانو انا صار معي هيك فمااهتميت بالقرفة كتير
ولكن اخر النفاس زاد الدم كتير وبعدين طول وبالنهاية طلع عندي بقايا من الولادة واضطريت لاخد حبوب تنظيف والحمدلله مشي الحال والا كنت حعمل عملية تنظيف

فانتبهو يا سيدات لازم تشربو كل يوم قرفة حتى لو مافي اشي كبير ملاحظينو بس خدوها لغاية متطهرو من الاربعين
بالنهاية هي سوائل يعني بتساعد في ادرار الحليب

اما طريقة اعدادها سهلة جدا طبعا عالنار يكون في ماء بيغلي وتضيفي كبشة قرفة وتتركيهم عنار هادية كتير 10 دقائق
بعدين بتشربيها بالعافية إن شاء الله بعد التحلية وممكن اضافة جوز الهند على وشها انا ماكنت اضيفو
ممكن تحليتها بعسل
وممكن تعملي كمية تحطيها في تيرمس ليوم واحد يعني اشربي 2 او 3 كبايات مافي ضرر بالعكس

مشروب الاعشاب
اهميتة
مدر رائع للحليب
يحسن طعم الحليب فيحبه الرضيع اكتر
مهدء ومحسن للمزاج لدى الوالدة المسكينة الي بتداهمها كابة بعد الولادة يبعد الشر عني وعنكو احساس صعب جدا وانتو فاهمين طبعا
ايضا منظف للرحم
مانع خيالي للغازات والنفخة الي بتصير مع الوحدة اول الولادة والي تؤدي للامساك والي بصير مدمر ومؤلم جدا بسبب الغرز وانتو عارفين
مدى المها
اضافة انو مهم جدا ان لاتصاب الام بالنفخة لانها تنتقل مباشرة للطفل وتدايقه جداااااااا و تزعجه حرام

طريقة الاعداد
تحضري ماء مغلي
وانتبهي بعد الغلي توضعيه في اناء تنكة او ابريق وتضعي الاببريق على الطاولة يعني الفكرة الي بدي تفهموها مايكون تحتو نار عشان الاعشاب
تضل بفايدتها وللاسف القرفة مابنفع ماتنغلى لازمها طبخ يعني بس برضو بضل فيها فايدة كبيرة لانو فايدتها ما تنطلق الا بعد الغلي عشان تطلع
الزيوت الطيارة
نكمل طريقة الاعداد
تضعي كمية من كل من ينسون و شومر وكراويا يكونو حبوب مش بودرة
وتغطي عليهم 5 دقايق وتصبيهم وتحطي عليهم سكر وتشربيهم بالهنا
ممكن تحطي معهم بذور كمون لانو كمان طارد للغازات رائع

الحلبة

للامانة انا ماشربتو ابدا ابدا ابدا لانو طعمها وريحتها مقرفة خاصة الريحة وانا بتحسس وبقرف جدا من اقل ريحة لهيك
ماشربتها وللاسف ضيعت علية فوائد كبيرة لكن شو اعمل
بس الي تقدر تتحمل الريحة تشربها لانها رائعة
منظفة للرحم
مدرررة للحليب بشكل تحفة فعلا

طريقتها زي القرفة

التلبينة
روعة
مدرة للحليب
ويكفي انو الرسول عليه الصلاة والسلام وصى بها
وقال عليكم بالتلبينة

وهي فيها دقيق شعير الي في فيتامين ب الي مهم للاعصاب الي نقصو بسبب الكابة للوالدة
لهيك كان الرسول عليه الصلاة والسلام يوصي بالتلبينة للبيوت الي فيها عزاء بعيد الشر عنا وعنكم وادام علينا وعليكم الهدوء وراحة البال
وهي تعطي طاقة وصحة باذن الله و تمنع الكابة او تخففها و كاملة للصحة باذن الله وتساعد عالنوم الهادئ

طريقتها انا كنت اتبع احدى هالطريقتان

ملعقتين شعير مع كوب ماء على النار بعدين بنحط كوب حليب وعسل

او

ملعقة دقيق شعير مع كوب حليب عالنار مع عسل او سكر

يحركو على نار هادئة جداااا لغاية ميصبحو لزجين زي السحلب
وتشرب بالهنا والصحة

انا كنت اتبع الطريقة الاخيرة اكتر شي لانواسهل واسرع

والله زكرتوني فيها زمان كتير مشربتها
بس هية مفيدةب الفترة الاولى اكتر عشان لسة انتاج الحليب مابكون مستقر ومهم نسعى لزيادته ليستقر على الانتاج الكتير
لكن بعد 3 شهور يستقر انتاجه
ركزو على الغذاء ومدرات الحليب قد متقدرو وحتى بعد كزا شهر

ممكن تعتبروها وجبة افطار او عشاء

والعصير ثم العصير ثم العصير الطبيعي طبعا
انا كنت اشرب كتير عصير جزر
من المعصرة يعني مش معلب او صناعي لا
البرتقال مش كتير محبذ لانو بعمل حموضة بالحليب وبعمل اسهال للطفل لانو البرتقال مسهل
لكن برضو مهم البرتقال لهيك لو اكلتيه كل يوم حبة منيح للحديد والفيتامين وتقوية جسمك

هذا الجزء الاول من الموضوع اما الجزء الثاني فهو عن الشوربات وبعض النصائح الغذائية من تجربتي

تجدو الموضوع على هذا الرابط

http://www.66n.com/forums/showthread...63#post2173163

__________________

{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت

14-06-2009, 07:11 PM

جداوية و أفتخر

عضو مميز

تاريخ التسجيل: Feb 2008

المشاركات: 2,089

إن شاء الله إذا ولدت أسويها بس الحلبة على جنب طبعا

16-06-2009, 11:11 AM

colors

عضو متألق

تاريخ التسجيل: Feb 2007

المشاركات: 2,121

صحيح القرفه والحلبه والأعشاب كلها طيبه للي في النفاس

والحلبة مره ممتازة لكن ريحتها الله المستعان

الله يعطيك العافية عزيزتي ما قصرتي

19-06-2009, 06:39 PM

(نهر الامل)

كبار شخصيات المنتدى

تاريخ التسجيل: May 2005

المشاركات: 3,570

جزاك الله خير

و يعطيك العافية

تحياتي

__________________
ارجو الدعاء لامي بان يفرج همها و يسهل امرها و ينصرها و يقويها يارب

27-06-2009, 08:56 PM

مستكة_مستكة

كبار شخصيات المنتدى

تاريخ التسجيل: May 2005

المشاركات: 9,448

بارك الله فيكي حبيبتي

__________________

مبروك للمبدعات

و المشاركات في اقسام التغذية و الطبخ خلال شهر مارس 2010

http://www.66n.com/forums/showthread.php?p=2393848#post2393848

03-07-2009, 02:57 AM

بنت الذوق

عضو جديد

تاريخ التسجيل: Apr 2009

المشاركات: 43

الله يعطيكي العافيه .......

__________________

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه