بسم الله الرحمن الرحيم والصلاة والسلام على اشرف الخلق سيدنا محمد وعلى اله وصحبه اجمعين
اما بعد
انا يا اخواتي طالبه النصح والمشوره وما خاب من استشار
انا بتكلم بي اسهاب وابي افضفض قد يكون الموضوع عند البعض منكم تافهه ولكن انا احس اني بنفجر من كثر ما انا كاتمه بقلبي وما عندي احد افضفض له وحتى لو عندي اخجل بصراحه من فتح ها المواضيع
مشكلتي زوجي
طبعا كا أي زوجين تمر علينا مشاكل كثير وتنحل الحمدلله بس لنا فتره مو قليله وانا تقريبا عايشه بروحي
زوجي ما يطلع من الشغل حتى الساعه 6 ونص او 7 المساء هذا اذا ماكان فيه مره ضغط غير كذا له سنتين من مشروع لمشروع يحاول يحسن الوضع والحمدلله مع ان منصبه حلو ومن النوع الي يجهد نفسه في شغله بس كل هذا على حسابنا انا واطفالي يعني يصلي المغرب ويرجع ياكل ياذن العشاء ويطلع لمشروعه يرجع 12 او 1 في الليل واذا يوم اجتماع الشباب ما يقصر لازم يروح لمشروعه ويرجع لهم يكمل السهره عندهم واذا طفشت احيانا يحطني انا واولادي في مول ويروح يخلص اشغاله ويرجع ياخذنا ويوم من ايام الويكيند مخصص لنا يطلعنا ويمشينا وبرضو تكون فيه مشكله احيانا يقول حتى الطلعه صارت طفش وممله ليه لاني احيانا احتاج اغراض من مكان معين او يصادف مناسبه واروح اكمل النواقص يقول ما صارت تمشيه صارت تخليص امورك وحنا نبي ننبسط طيب انا ما عندي مشكله انت ما تجيبني هنا الا في الويكند واذا طلعت بوسط الاسبوع تكون لاماكن قريبه لنا لان حظرتك مشغول وحتى لو ماكنت مشغول ترجع متاخر وما ترضى يعني يفتح ها الموضوع كل شهر مره ويكون على نار اذا قربت الساعه 9 علشان يرجع ويكمل السهره مع اصحابه واذا قلت له انت اصلا ماتكون معنا الا ها اليوم قال صدق ما يبن فيك الحين مو مطلعك قبل كم يوم اقوله حتى لو طلعتني كل يوم انا اطلع الحالي ابي شريك معي مو اطلع انا واعيالي لحالنا فلا تحسبه طلعه قال اجل مره ثانيه ما فيه طلعه اذا كان كله واحد عندك طبعا ها الكلام احيانا ينقال بس احب اعطيكم نبذه عن وضعي
نجي له هو
عنيد مستحيل يعبر عن حبه لي وجها لوجه مستحيل يعتذر واذا حاول يكون بطريق غير مباشر بسرعه يزعل بس كنت اذا راضيته يرضى احيانا يتلفض بي الفاظ الله يهديه بس ولكن ما تطلع الا اذا كنا متمشكلين لما ازعل او يشوفني متضايقه نادر يسئلني وش فيني عنده كرامه غير طبيعيه وعزة نفس يحب يعاندني احيانا احس اني مخنوقه معه يعني الظاهر للناس اني معي حريه بس احيانا يوقف على اشياء تافهه اذا بطلب من مطعم لازم اكلمه اذا ابي اغراض من السوبرماركت لازم اتصل عليه واقول بطلب والرد المعتاد لالالا اذا جيت اجيب يعني احس انها امور من سلطتي لاني انا الي جالسه مع العيال في البيت متناقض احيانا يفكر دايم اني اعانده واني اقول راي غير رايه لمجرد العناد كم مره اكلمه واقوله محتاجه زوج معي احتاج حنان انا توني صغيره ابي اشبع ها الجانب ينعدل كم يوم وبعدها خلاص كثير من امور منزلي مؤجله لحد ما يجمع كم فلس لان الفلوس تروح على المشاريع بس خلي يطلع مشروع وتطلع الفلوس من تحت الارض بس مع ها الكلام هو مو بخيل بس يفسفس الفلوس ما يقدر يجمع اذا صار معه شي حطه في مشروع وانا متعوده على العز والفخفخه وتنازلت عن كثير بس ما شفت تعويض اذا صار احيانا معه مبلغ ما يقصر بس لازم انشب في حلقه ويعطيني مصروف الحمدلله كويس بس احيانا ما يكفي لاني انثى واحتاج كماليات احيانا وهو مو من النوع الي اطلع معه كل فتره ويشتري لي ساعه والا طقم والا خاتم لاء معتمد على ها المصروف واذا جت الاعياد يزيدني بس برضو احتاج احيانا ذهب لو خاتم يعني ابي احس بي اهميتي عنده ترا هذا كله نبذه بس انا عاده نفسي افضفض حتى الكلام يمكن ما يكون مرتب

نجي للمشكله
هو قبل 4 شهور دخل مشروع وانا احيانا اوفر من مصروفات البيت بحسب اتفاقنا واحيانا امسك له افلوسه علشان ما يفسفسهم
كنت رايحه لاهلي بجده قبل فتره فا قلت له واحنا في المطار وطبعا المصروف خلص له فتره قلت له في المطار ابي فلوس للاولاد قال ما عندي قلت خير ان شاء واروح انا والاولاد لمدة10 ايام بدون مصروف قال عاد ما معي ما باقي في الحساب الا 800 ريال قلت هات 500 قال وانا ما يصير معي شي قلت يا سلام مينا اهم انت والاالاطفال الي يحتاج حليب وبامبرز والا الي يبي يطلع ويلعب وينبسط مثل الاطفال واذا فكرنا نطلع ونتمشى ونتعشى من وين ان شاء الله والا تتوقع اني بقول لبوي يعطيني لان ابوي ما شاء الله عنده خير واذا رحنا له احيانا ما يرضى اجيب شي من برا واحيانا الوالد يحول لي مبلغ بس من جد ها الشهر كنت مفلسه والوالد مو مجبور يصرف على عياله
المهم
قال اقعدو لا تروحون قلت لا والله من جدك انت قال ما معي الا ميتين ريال وعطاني اياهم قلت انا عارفه انك بتقول ها الكلام والصراحه اول مره يمد لي 200 عاده 500 والا 1000
قلت هات الفيزا قال احتاجها وعليها مبالغ قلت انا عارفه انك بتقول ها الكلام لذالك تراني اخذت من الفلوس الي انوفرها قال كم وقلت له 500 لاني ما ابيه يتعود ما يصرف حتى لو معي المهم تغير وجهه وانقلب قال اجل هاتي الميتين قلت اسفه الميتين ما تكفي حتى عشا بمطعم المهم زعل واول ما نادو على الرحله قال يالله قومو قلت تو الناس نجلس نص ساعه في الطياره قال يالله بروح اصلي اجل واول مره يتركنا ويروح وبا العاده يقول اجلسو تو الناس وبرضو با العاده اذا قلت له ابي فلوس يقول لي كان اخذتي من الي موفرينهم بس نكون في المطار فا تفوت المهم وصلت عند اهلي وكلمت عليه لان اهلي كانو في الاستراحه وقلت له وصلنا للاستراحه قال كل شي اوكي قلت الحمدلله قال على خير وقفلنا
طبعا جلس 5 ايام ما اتصل علي وانا يا بنات ها الموضوع مزعجني لاني اذا رحت يغط ما يتصل علي الا بعد 5 ايام او اسبوع وكم مره افاتحه با الموضووع حتى مره كنت مسافره وارسلت له رسالة حب ووله تدرون متى رد علي بعد 4 ايام وقال اعذريني انا عارف انني مقصر بس والله اني مشغووووووول مره والله انها حامت كبدي يا نا س انا انثى احتاج اهتمام ابي واحد يدلعني يهتم فيني يخاف علي احيانا احسه يحبني واحيانا ما اهمه المهم نرجع للموضوع لما اتصل سئل عن الاولاد وونص المحادثه انا حافظته لانه دايم يقوله ما قال فقدتك اشتقت لك يكلمني كنه قبل ساعه شايفني بعدها بيومين نزل الراتب وقلت له حول لي مصروفي وحول المصروف لما شيكت على الحساب لقيته خاصم 500 والله يا بنات ورب الكعبه انه طاح من عيني وعافته نفسي سلامات انا اشتغل عندك علشان تخصم علي هذا بدال ما تزيد تنقص يعني انا خدامه عنده مو زوجه وام اولاده وان مصروفي ماله دخل بروحاتي لهلي هذا غير وهذا غير انا بعد ها الحركه عفته وانسدت نفسي ومالي خلقه من جد مدري وش جاني اول مره احس بي نفور شديد اتجاهه لدرجه ما قدرت حتى اسئله رجعت واستقبلنا في المطار ويوم جاني وش اشوف الشعر ما حلق وهو قبل ما اروح بسبوعين كل يوم بيروح يحلق ولا راح وحالته حاله اول مره بصراحه يستقبلني كذا احسه الدنيا ساحبته في ذا المشاريع انا يوم شفته بي الحاله هذي على طول كشيت منه عجزت اناظره وغصب عني لان قلبي شايل عليه ويوم شفته كذا صديت بزياده الحين انا اكشخ قبل ما ارجع ولمين مو لك وانت جايني العيون مورمه وكنك جاي من استراحه اعوذ بالله قام مد يده علي وصافحته قال كيف حالكم قلنا الحمدلله وسلم على اولاده قال هذي شنطتكم قلت ايه ومبين على نبرة صوتي اني متضايقه هو سكت وقلب ولا كلمني بعدها وانا ما كلمته قام اخذنا لمول وانا با العاده اذا جيت في يوم ويكند نروح لمطعم محترم خير ان شاء الله ها المره مسحبنا في مول وناكل فاست فود من قهري والله ما نطقت بكلمه حطنا في البيت وطلع ما شرف الا الساعه 3 اعتقد الفجر المهم دخلت بنام والله انه ما سئلني وش فيني وليش متضايقه كني ما هميته رحت انا وجا ينام انا بطرف السرير وهو با الطرف الثاني وبس يتقلب يبي الي بالي بالكم بس كرامته ما تسمح له يقرب المهم بعد 6 ايام الاخ بدا يقرب شوي شوي خايف اني اصده بيجس النبض ما يبي ينرد كرامته ما تسمح له طبعا حنا خلال ها الايام نتلكم رسمي يعني ابي الغرض الفلاني ابي اروح كذا وبس المهم لما قرب لي ما صديته بس احس نفسي مضغوطه ومجبوره وبنص الموضوع قال لي تكلمي فيه شي ما رديت عليه حسيت انه مو وقته وكان ودي اتكلم بس قريت مره لوحده استشاريه قالت لا تتكلمون با المشكله خلال ها الشي ولا قبله ولا بعده بس تحسفت ياليتني متكلمه
من بكرا حاول يحظني بس القلب صاد ومقفل تركته ونمت من بكرا وهو نايم قرب يده شوي شوي بس على طول غيرت وضعي وكملت والله اول مره احس في ها الشعور يعني قرفانه وصاده مره مره وحس اني ما ابي المهم بعدها بيوم كنت تعبانه ورحت للمستشفى ولما رجعني راح يكمل السهره مع اصحابو ولما رجع وشافني والله ما سئلني وش فيني وانا برضو مطنشه من بكرا دخل بينام والاولاد ما نامو يلعبو ويتهاوشو وانا اهاوش هذا وافك هذا لحد ما انقرفت وصرخت عليهم وتعرفون اطفال يرجعون للموال ثاني مره صاح واحد منهم الا هو طالع من الغرفه وشافني على النت لاني من جيت اذا شفته مسكت النت قال شي والله ما توقعته وهو الشعره الي قصمت ظهر البعير وخلتني من جد افكر با الانفصال طلع وقال وش ها الصراخ قلت شد شعرو وبكا الثاني و ما كملت كلامي قال يا اجلسي معهم والا انقلعي انتي وياهم اهناك انا عادتن من النوع الي ارد بس مدري ليش ها المره سكت ولا علقت ولا تكلمت من كثر ما انا كارهه تحسفت حتى ارد عليه وهذي مشكلتي الي عندها وقت تقرا وترد علي اكون لها من الشاكرين لاني تعبت من كثر ما انا ساكته وكاتمه الي بقلبي

حمليها خفيف


طولي بالك وصلي على النبي انتي مشتاقه لزوجك

ومشتاقه للغزل

انما شو نعمل اكثر الرجال يحبو يعبرو عن مشاعرهم بالتطبيق العملي


واللي نشوفو بالمسلسلات هو للمسلسلات فقط



يحاولون انو يوصلو للرجل انو لازم هيك تعامل زوجتك

ولكن من دون فايده




ووقت قال لك انقلعي مش قصدو ولكن حاسس وعارف انك زعلانه



ووقت سألك وانتو بالعلاقه الحميمه كان لازم ترردي وتقولي انك مشتاقه له ولكلامه

مش دايما النظريات تكون صح ميه في الميه


يعني النظريه اللي تنطبق على هذا الرجل لا تنطبق على الآخر





نصيحه مني حمليها خفيف وقومي رتبي حالك وكأن شيئآ لم يكن

عندك اولاد ولازم تكون اعصابك هاديه لتربيهم تربيه صالحه



غنجيه ومن ثم عاتبيه ولكن بطريقه جميله كيد النسا

__________________
http://live.gph.gov.sa/
اللهم اني استودعك اولادي

والله يا اختي ما اقدر العب على نفسي اذا سويتها كيف عارف اني زعلانه ويقول انقلعي والله قلبي شايل عليه كثير ماني طايقه اطالعه ابدا ابدا

كلنا شايلين بقلبنا

انما كلامهم قاسي شو نعمل



بدل ما يربو اولادهم نازلين تربيه فينا




اكثري من الاستغفار

وآية الكرسي


تلاقي نفسك ارتحتي



حاولي دايما انو تتعاملي مع اي مشكل بروح رياضيه


اذا تلاقي زوجين سعيدين مش معنى ذلك ان زوجهها مهناها لا

انما زوجته عرفت وفهمت كيف تتعامل معه




قومي وغيري جو البيت واضحكي ورشي عطور



خليه يندم على كلامه ولكن بطريقه اجابيه مش بسلبيه

__________________
http://live.gph.gov.sa/
اللهم اني استودعك اولادي

انا الحمدلله في البيت امزح واضحك مع اولادي واذا جا ادخل للغرفه غصب عني بس وقت الاكل ناكل سوا

لا حبيبتي غلط

ما تدخلي غرفتك تزيدي كآبه وهذا غلط


خليه يسمع ضحكتك بالبيت وانك مش فارقه معك



لان بعض الرجال وقت يلاقي زوجته زعلت مره تانيه يزيد عناد وكلام قاسي


ولكن وقت يلاقيها ولا فارقه معها يوقف عند حدو



استقبليه اليوم بإبتسامه وضحكه وكأن شيئآ لم يكن



وشوفي ردة فعله




اغلقي باب الشيطان يريد ان ينكد عيشك


ورددي حسبي الله ونعم الوكيل


وقبل ما يرجع زوجك بساعه ابدي بآية الكرسي ردديها كثيرا




عشان كل الشياطين تطير وتصفى النفوس

__________________
http://live.gph.gov.sa/
اللهم اني استودعك اولادي

بس يا اختي انا كل مره اتنازل ومع كثر التنازل حقوقي ضاعت وكل ما صار زعل تطلع منه كلمه تسد النفس انا اول مره اتصرف معه كذا فا ابيه يكون درس له والا كل مره بيقول ايوه عادي مثل كل مره مصيرها بترضى بس ايش رايك استمر على موقفي بس اتكلم معه رسمي

غاليتي وفقك الله/
لاحظت من خلال كلماتك إفتقاد حياتك لجلسة مصارحة وديه لينه
إنتي بعد كل موقف تتضايقي وتشيلي بقلبك
أو تواجهي الموقف بكل عصبية بهذه الطريقة ماراح تتوصلي لحل .
إذا تضايقتي أو إتخذتي موقف ما صارحيه بهذا الشئ وضحي له الموقف
ومدى تأثيره عليكِ إما بالمواجهه أو برسالة
أو بأي طريقةً كانت المهم توصلي له صدق إحساسك.
أما موضوع خصم الـ 500 من المصروف
لو تجاهلتي الموقف أفضل لأن بتصرفك هذا تثبتي له
أن لك مصروف محدد وغير قابل للخصم وكأنك موظفة عنده.
إحسني النية تجاه هذه الموقف
لاتجعلي للشيطان طريق لحياتك
وزوجك يعمل ويتابع بالمشاريع ويصبر على الضغط الجسمي
من أجلك أنتي وأبناءك فشجعيه على ذلك وأجعلي دعواتك ترافقه دوما ..
ولاتشكلي له الضغط النفسي فيهرب منكِ إلى السهر مع أصحابه
فهم بالتأكيد يخففون عليه الشئ الكثير من خلال مناقشاتهم
في مجال عمله أو اللعب والضحك معهم .

أيضا الكلمة التى قالها لكِ ربما كانت حالته النفسيه سيئة ومتعبه
ولم يقصد بها جرح مشاعرك أو إهانتك . فلاتتحسسي من كلمة وقت الغضب .
تقربي إلى زوجكِ أكثر وحتى لو بمجال عمله ومشاريعه
شاركيه بالأفكار والإقتراحات كوني عونا له لا عليه.
ولاتنسي شكره والثناء عليه والدعاء له دوما .

__________________

أختي صراحة الله يعينك ... بس فعلا انتي مو الوحيدة اللي زوجها بهذا الطبع ..

نصيحتي ،، اهتمي بنفسك أكثر من قبل داخل البيت ،، حسسيه انك ترتبي عمرك مو له هو ،، إنما لنفسك ،، اضحكي والعبي مع الاولاد قدامه ،، جهزي الاكل اطيب من قبل وبطريقة تشهي أكثر ...

الرجل لمن يحس انه زوجته لها حياتها المستقلة ،، وانها مستمتعة فيها ،، يتعلق فيها أكثر ... لا تحسسيه انه هو محور حياتك ،، حسسيه انه جزء منها ...

تعدلي أكثر من قبل + خليكي بشوشة ونكتي واضحكي + بينيله انك مشغولة بأشياء ثانية تهمك غيره = شوفي المفعول السحري..

وطمنينا عنك !!