أسفه أختى موت من الضحك
على رأى الأخت وحشتنى مصر
هو الخير عنده أنه يجوز مفيش اى اعمال صالحه غير كده
لاحول ولاقوة إلا بالله
الله يهديه
اعملى كما الاخوات قالوا ويارب يهديهولك يارب

__________________

حتى أنت يا أختي هداك الله
الناس الغرباء و امرأة كادت تكون في سن أمه استطاعوا التاثير عليه و تسييره على أهوائهم و انت زوجته عجزت على ذلك؟
اعزفي عزيزتي على نفس الوتر
اعرفي مفتاح زوجك و ادخلي اليه من خلاله
بما أنه ضعيف الشخصية فالاولى ان تؤثري فيه أنت لا الناس الغرباء
و المعروف, الاولى ان يؤديه تجاه أهله لا تجاه الغرباء وليسعد أهله قبل الناس الآخرين

عموما الآن و قبل كل شيء عليك أن تتفاهمي بكل حزم مع زوجك و ليس وحدك فقط بل أمام رجال من أهلك
فليضع لك اعتبارا فوق الكل و ليقم بواجباته كاملة تجاهك و قولي له: لا اريد ان يضرني شيء من جهتك, المراة التي تزوجتها ضرتني و شوهتني بكلامها, خذي موقفا جادا و حازما.

بالتوفيق

__________________

المشكلة إني زعلت كم مرة بسبب هذا الموضوع ورحت عند أهلي وقلت له ياأنا ياهي أنا صح رضيت في الموضوع أو بالأصح غصب عني رضيت بما إنها كبيرة سن وشرطت عليه إنه مايجيني شر منها ولا مشاكل لكن بعد كم شهر سببت لنا المشاكل اللي قلتها وصارت تحرشه علي وتحاول تفرق بيني وبينه فخيرته بيني وبينها وهو حاقد عليها وزعلان عليها على اللي سوته لكن ماأدري كيف استعطفته وقال بأنه راح يرجع لها وبعدين شخصية زوجي مع الناس كذا لكن معي لا يحط حرته فيني ويعاندني ويتسلط علي لكن مع الناس غير وبعدين أنا من التوع اللي ماأحب المشاكل ولاإني طويلة لسان مرة أحترمه يعني اللي قاهرني إنها يوم طلقها قسما بالله إنه تسبه وتعايره بقبيلته وتتحسب عليه وهي اللي غلطانة ومع ذلك ماكأنها سوت شي ويقول بيرجع لها أنا قلت إنت سامحتها على اللي سوته فيك لكن أنا لا لدرجة إنها أرسلت وحدة تكلمني تحسب إني ماأدري عن موضوع زواج زوجي لكن أنا قلت لها أنا دارية بالموضوع من أوله لآخره وترسل لزوجي رسايل حتى هو انجن منها الظاهر تبغاني أقراها وأزعل على زوجي وتصير بينا مشاكل حتى هو يقول والله إنها تكذب في رسايلها وحتى هو يقول إنها تبغى تقهرك وتزعلك علي لكن أنا مع إني صغيرة والله عاقلة أعرف الصح والغلط ومستحيل أسمع في زوجي أول أتأكد من الموضوع وأصارحه وتكلم عليها عشان الرسايل فتقول ماقصدي إني أسبب بينكم مشاكل لكن من قهري إنك طلقتني
أنا اللي قاهرني إنه عارف بحركاتها ولفها ودورانها لكن تستعطفه ويرجع يسامحها ويبغى يرجعها حتى عمتي أم زوجي حاقدة عليها لأنها كلمتها تشتكي من ولدها وماخلت كلمة ماقالتها عنه وزعلت عمتي عليه لأنه ماقالها عن زواجه وهو حرصها إنها ماتعلم أحد وراحت تدق على أمي تحرشها على زوجي يعني سببت لنا مشاكل مالها نهاية
هل تأيدوني إني أخيره بيني وبينها وقاعدة أفكر وأقول هذا وهي ماكملت 4 شهور سببت لنا مشاكل طبعا زوجي يقول بأعطيها فرصة لأن مابقى لها إلا طلقة وأنا رافظة إنه يرجع لها لأني ماني ناقصة مشاكل وخايفة إنها تهدم بيتي تكفون أنا نفسيتي مرة تعبانة ساعدوني

ارفضي ارفضي ارفضي الف مرة

أرأيت أنها الشيب و العيب؟ تعاير و تسب و تتحسب و تفعل ما تفعل و يغفر لها و يحن عليها و يرجع لها؟
أخبريني لو كانت شابة و جميلة و عزباء, ماذا كانت تفعل و ماذا كان تصرف زوجك معها؟؟؟
كوني حازمة و جادة, يا أنت يا هي و للمرة الاخيرة ايضا
اخبريه بنسيان هذا الموضوع نهائيا و الا عاقبته تكون وخيمة
خيريه و أشعريه بانك بايعة, يا أنت يا هي
فيظهر أن زوجك وضعك في جيبه و اطمأن و يظهر أنه ضامنك له و تحت جناحه مهما عمل

__________________

بصراحه اختي انا لو مكانج
اخيره بيني وبينها
وبقوه بعد

__________________

__________________

يابنت الحلال الله يرحم والديك اهدي وفكري فالموضوع زين. ترى ماحد يعرف تفاصيل وخفايا الموضوع غيرك خذي وقتك وفكري.

من الواضح ان هذي راعيت مشاكل وبتخرب عليك حياتك لااااااااااا تسمحينلها مثل ما انتي قاعده تسوين الان, انتي قلتيها! طلقها مرتين وماعاد بقى الا وحده يعني بالعربي الفصيح هانت. وخليني اعلمك شي عنا حنا معشر الرجال! ترانا مانحب اللي كل شوي تهدد وتتوعد "ودني بيت اهلي" "يا انا يا...." ومن هالكلام هذا. ممكن زوجك ياخذ فكره سيئه عنك ويفكر انك سطحيه واي شي يخليك تطلبين الطلاق.... يا انا ياهي وش معناها بلله؟ ترى هذا يقلل من قيمتك وتصيرين هينه عليه انتبهي الله يحفظك ترى والله هالكلام خطير ويمكن ماتبين نتايجه الا بعدين, لازم تبينين لزوجك انك معه فالحلوه والمره يعني هو مسكين انخدع من هالادميه وانتي تجين تزيدين همه وتنكدين عليه؟ هو واضح انه يشكيلك همه ويوريك مسجاتها يبغى الدعم منك. خلييك في صفه داااااااائما.

واذا على قولتك هو ضعيف شخصيه مع اني ما اعتقد وختلف مع اللي يقول ان زوجك يبغى يكون بطل ومن هالامور, هو مسكين يبي يسوي خير مثل ماهو واضح وانضحك عليه وكلنا قد انضحك علينا وياللأسف... الحين اللي صار بيسوي خير فهالدنيا صار يبي يكون بطل وضعيف شخصيه؟ مااحسنتوا الظن لا والله.... على العموم اذا هو فعلا ضعيف العبي بشخصيته انتي ولاتقولين هو غير معي الا ماتلقين مفتاح له (ان كيدكن عظيم) وش معنى يعني هي اللي على قولتك حاقد عليها خلته يفكر يرجعلها؟ واذا عجزتي خلي امه واخته يعينونك عليه.


لاتقولينله اختر بيننا. انتي حطيه في موقف يجعله يختارك من دون ماينسئل اصلا! عن طريق كونك زوجه صالحه, ولا تفهميني غلط انا ما اقولك لاتفضفضينله انتي بعد. مو مشكله انك تقولينله انك متضايقه منها وانه خداعه وانها تبي التفرقه لكن قولي هذا كلي "بالرفق" اللي ماكان في شيء الا زانه ومانزع من شيء الا شانه

فالاخير بقولك وبشدد عليك مره ثانيه خليك طويلة بال وحاولي قدر الامكان ماتدخلي احد في مشاكلكم لا امك ولا وامه ولا احد الا في حالة الضروره القصوى ترى هذي عشره وانتي لسى فالبدايه واحمدي ربك ان زوجك مو واحد سافل يضرب ويهين يحقر.