اخي الفاضل

اولا موضوع الطلاق ما تفكر فيه

انت الآن زعلان ومقهور


اخي ضع قانون لك في البيت

اولاد ما رح نقول انو تروح معك تسكن رح نترك هذا للأخر


انت توقول انك تنزل 15 يوم فقط


في هال15 يوم اريد كذا وكذا وكذا


مشاريعك كلها تتوقف انتي لي


ثم انت لا يخلو الامر تتركها قليلا من وقت لآخر تشوف اهلها

وتشاركها بعض الاجتماعيات


هي تدلع عليك


اخي الدين الاسلامي نزل على مراحل ومش بيوم واحد

وهكذا لازم تكون حياتنا


مثلا بالبدايه انها لا تطبخ

قل :حبيبتي انا اريد ان اشم رائحة هالطبخه بالبيت واريدها من يدك فقط


اخي والله اكثر الصبايا هيك هالايام

اتذكر جاره لنا كانت ترمي الغسيل لانه عفن ولم تغسله

والآن هي خطبت بنتها ومازال زوجها معها


اسرار االبيت لازم تتوقف فورا ومره على مره رح تتوقف ما تخاف


وبالقليل من الشد والرخي رح تتغير

ومن ثم تطلبها لعندك مكان سكنك قرب العمل بالبدايه يومان


ومن ثم ثلاث ايام وووهكذا


الحياة الزوجيه بدها نفس طويل وصبر

الله يهدي سركم ويقربكم من بعض

__________________
http://live.gph.gov.sa/
اللهم اني استودعك اولادي

هذا غلط كبير المفروض تكون مشتاقه لك ومتلهفه عليك

الله يهدي سركم وتصلح الاحوال

__________________
http://live.gph.gov.sa/
اللهم اني استودعك اولادي

لكل اللي يقول له رجعها
اقولهم : هى رمت الشريحه وطلعت
بالعربي لا تتصل عليا
هى بايعه

كل ما افكر واقول لازم يرجع لها
بس اقول مافي صفه وحده تخليني اقول من جد لازم ترجعلها
الا انه يحبها

هى اعتقد ما تحبه يمكن تحب فلوسه اكثر وتحب انه مطاوع لها اكثر
لكن انها تحبه كشخص ,,, واضح انه لا

لان اللي يحب شخص يدور رضاه بابسط شي زي عسيل ملابسه

اخوي لو انا مكانك بدخل اهلي بالموضوع

وراح اشوف الوالد والوالده ايش يقولوا

__________________
يارب ...والباقي وحدك تعلمه

الله يعينك يا اخي وربي آلمتني قصتك وانا اول فتاه اتعض الله يعوضك خير منها

__________________
اللهم يسر زواجي واجمعني بزوجي
وارزقني الستر انا واخواتي بالدنيا واللآخره

والله في كلام هنا يرفع الضغط ويجيب السكر, اقصد اللي يقولون لهالمسكين "انت ماعرفت تحتار" انتم يا اما انكم تكذبون على انفسكم وعلينا او انكم مو عايشين في منطقتنا المليانه عقد (اسف على الصراحه الزايده)

والله اني يوم قريت موضوعك جاني هم ماقدرت انام, شفت الكلمات اللي وصفت فيها نفسك؟ انا اصف نفسي فيها تمام وزود على كذا اني في حياتي ماقد كلمت بنت ما تحل لي وانا مو راعي هالحركات ونففففففسسسس الشي ايضا اهلي يبغوني اتزوج من قرايبنا وانا رافض.... وانا اعترف وبالفم المليان اني اطلب الجمال في زوجة المستقبل وهذا ماهو عيب بل من حقي واللي يقول انه الجمال مو مهم يا اما انه يكذب على نفسه او انه مو طبيعي, و على فكره هذا هو كللللل هم "اهلي" كل شوي يسؤلوني "شف هذي وش رايك فيها؟ هذي وشلون عيونها؟ هذي شعرها عجبك ولا لا؟....." واذا قلتلهم ياناس لاتنسون الاخلاق تراها مهمه انا ما ابي وحده جميله واخلاقها تعبانه يقولون وبكل برود "احنا ما نقدر نفصفص البنت, اذا تبغى الاخلاق خذ قرايبك احنا عارفينهم" او يقولون "المكتوب ما منه هروب" وانا ما ابغى اقولهم ليش ما ابي من قرايبنا لان في اسباب عندي يكمن هم مايعرفونها وممكن تصير فيه حساسيات.

مثل ما قال اخوي البيوت اسرار بزيااااااااااده والواحد ممكن وبكل سهوله ينخدع. وانا مالي الا اني اقول توكلت على الله واطلب من امي انها تدعيلي دوم وارجوكم كل من يقرى كلامي هذا يدعيلي ان الله يوفقني بوحده اذا نضرت اليها سرتني واذا غبت عنها حفضتني.

اما انت يا اخي فانا ما اقول الا الله يعينك, وحاول انك ماتعجل بالطلاق وشف احد من "الحكماء" من طرف اهلها وحاول انك تبينلها تبعات وعواقب اللي ممكن يحصل وكيف ان بلدنا مليااااان بكاملات الاوصاف العوانس فما بالك بوحده مطلقه؟

الله يوفقك ويسهل امرك

"ان مع العسر يسرا ان مع العسر يسرا"

تصدق كلمة جايه على الجرح تمام

ما تنلام هالموضوع بالذات مرعب وصحيح يطير النوم من العين ...

وما قلنا أن الجمال مو مهم .. ومن غير الطبيعي أن الانسان يتزوج شخص شكله مو عاجبه

الجمال مهم عشان يكون في اعفاف للنفس .. بس كل الي قلناه أنكم يا الشباب لا تفصلون

الجمال كأنكم تفصلون ثوب .. يعني لا تقعدون توصفون وصف زايد .. بس أهم صفة

انصحك فيها أنك تقول ابي بنت ارتاح لها .. صدقني هالشي راح يغنيك عن التعب والمعناة

اهتم بهذا الشي ..

وبالنسبة للأهل ما يحتاج اقولك ازيد من الشاب .. إذا الشاب يقول ابيها حلوة مرة

أهله يقولون نبيها حلوة عشر مرات .. اساساً الناس كيف تختار حق عيالها

وشلون يقيمون البنت ... خلونا ساكتين بس

لكن لا تتشائم أخلص النية وادعي ربك يسهل لك .. وأهم شي الراحة النفسية

وإذا جلست تتكلم مع البنت راح تفهمها وتعرف طبعها .. البنات بشكل عام شفافات

ويكشفون عن شخصيتهم بسرعه

وإن شاء الله خير .. لا تتعقد

ومش ضروري الأقارب أفضل .. لأن الأقارب أحياناً يصيرون عقارب

بعض الناس يكونون حلوين وبس يتناسبون إلا تقوم العداوة

ما أدري ليش !!





أعتذر لصاحب الموضوع لكثرة ردودي

__________________

عندي تعليقات بسيطة على الي ردوا على كلامي

بس حبيت اوضح أمور

أولاً أنا ما أشجع على الطلاق ابداً أبداً ما عاذ الله

لأن الطلاق تجربة مريرة جداً يبقى ألمها محفور داخل النفس إلى آخر العمر

ثم أنه أبغض الحلال .. والشي الآخر أنني مدركة أن سبب مشكلة أخي ( ساعة لندن )

هي عدم نضج زوجته .. وهذا باين في تصرفاتها .. و أكبر دليل رميها للشريحة

هذي تصرفات أطفال .. لأنها لو كانت مستوعبة أن هذا الرجل زوجها ماهو غريب أو عدو ما كان

سوت كذا .. بس هي ماخذه الموضوع تحدي الله يهديها

البنت هذي ضحية .. ايه نعم ضحية تربية غير صحيحة .. أهي لو حاصل لها أم تربيها وتفهمها

ماكان عملت كذا .. بس ما حصل لها إلا أهل دلعها لين خربوها .. علموها أن أهم شي

في الدنيا اهي والباقي مو مهم .. ما علموها ايش تضحية وايش تحمل مسؤلية

وإن شاء الله .. الله يرسل لها من ينصحها ويعقلها حرام بيوت تهدم عشان اسباب تافهه

و رجاءً الأهل الي مدلعين بناتهم ويشوفونهم صغار ولا يقدرون يتحملون مسؤولية

يخلونهم عندهم .. ماله داعي هالتجارب المرة


وانت يا أخوي ساعة لندن ولكل الأخوان والأخوات الي قالوا كيف نعرف البنت ونحتك فيها

اقولهم صح الأخ وكل الشباب والبنات ضحية مجتمع معقد .. واحنا ندفع ثمن قانون انرسم لنا

من قبل غيرنا ..

الاسلام حلل الرؤية الشرعية .. تجي بعدها الملكة .. طيب اجلس تكلم معها

معقولة كم شهر الانسان ما يعرف الي قدامه وكيف يفكر .. والله من طريقة الكلام الانسان

يعرف ايش مستوى تفكير الي معه .. ولا انفي خلو موضوع الزواج من المفاجأت بس ما تكون بهذا

العنف .. يعني معقولة وانت جالس معها فترة الخطوبة ما فهمتها ولا عرفتها !!

والله حتى لونها سحارة كان عرفتها .. حتى لونها اذكى وحدة في الدنيا كان فهمتها

وبعدين اهي شكلها كانت تتصرف معك على طبيعتها بس انت الي فكرتها ابتتغير

والدليل انها بقت تعاملك مثل ماكنت اول .. مش مستوعبه ان الخطوبة انتهت

وانت مش مستحمل انك تعطي وتضحي وتتحمل انت وحدك .. خلاص فاض الكيل

إلا اللهم إلا إذا ما شفتها إلا ليلة الدخله .. هنا اقول معك حق والله يعينك



الأخت miss. fofo تقولين يحسب عليها مطلقة .. ادري انها مو سهله بس هالحالة الي عايش فيها

الأخ سهله ويقد يتحملها .. هل كل يوم هواش شي يطاق .. هل الانانية شي ممكن نتحمله

هل عدم الاحترام شي نقدر نمشيه .. يا أختي في صحيح شي مر لكن في حاجة أمر منها

والي يشوف الخطأ بعينه وبعدين يستمر عشان كلام الناس لا يلوم إلا نفسه ولا يقول نصيب

وأن هذا الي الله كتبه لنا ( } مَّا أَصَابَكَ مِنْ حَسَنَةٍ فَمِنَ اللّهِ وَمَا أَصَابَكَ مِن سَيِّئَةٍ فَمِن

نَّفْسِكَ ) يعني مدامك عرفتي انك مو متفقين واسمريتي تحملي نتيجة سكوتك

وخوفك



أخوي M A X و أخوي السيف المهند ... هذي ثاني مرة تتوجهي لي انتقاد للتعميم .. بس معليش

ما كان قصدي التعميم كنت أقصد أن الكثير من الشباب كذا تفكيرهم وأكيد مو الكل بس من السرعه

في الكتابة ما أنتبهت اكتب كلمة تدل عليها (وَمَا أَنسَانِيهُ إِلَّا الشَّيْطَانُ أَنْ أَذْكُرَهُ ) ..

عموماً مشكورين على التنبيه

__________________