السلام عليكم ورحمة الله وبركاته

انا زوجتي ولله الحمد حامل بالشهر الاول واعراض الحمل عندها قويه مرره

مثل الاستفراغ ووجع الرأس والمغص

لكن مايخوفني هو اي مره تاكل على طول تستفرغ يعني مافيه سوائل او اي شي في بطنها

مادري وش العمل

والشي الثاني اليوم رحنا لدكتورة لأنها كانت تعبانه مره من قل الاكل طبعا الدكتورة اللي تتابع لها مو موجوة

فرحنا لدكتورة ثانية وسوتلها كشوفات وتحاليل وقالت ان الحمل بالاسبوع التاسع والمفروض على الحسبة الاولى انه بالخامس

يوم فهمناها قالت انه حجمه كبير وعادي

هل الكلام هذا صحيح

ارجو المساعدة

الله يتمم عليها يارب
عموماً عادي بالنسبه للوحم ... والاستفراغ طبيعي 100 %
بس أنت حاول تغير لها جو يعني طلعها برا البيت لان النفسيه لها دور كبير وخلها تأكل برا
يعني عند أهلها ..أهلك ... مطعم ..
لان أكل البيت دائماً تكرهه الحامل
خلها تكثر سوائل ... مويه كل ساعة لازم تشرب كأس علشان مايجيها جفاف
ولو حسيت أنها تعبانه مرة لازم تأخذ مغذي ..

تأكل خيار .. خس .. توست محمص ... بسكوت مالح ...

بالنسبه للصداع طبيعي مع ألم المعدة والغثيان والجوع ...
فيه حبوب تخفف الوحم نافيدوكسين بس خلها تسأل الطبيبه عنها تحسن بنسبه 50%
وان شاء الله ماتضر ..

بالنسبه للاسابيع طبيعي الطبيبه يكون حسابها أكثر من الحامل
دائماً المستشفى يزيدون بالاسابيع ...

عموماً الله يقومها بالسلامه ويتمم عليكم ويرزقكم بالذريه الصالحة يارب

__________________

انا لما حملت 3شهور مااكلت ولاشي حتى المويه احس فيها ريحه وكل شي اكرهه

لكن ماصار شي بالجنين لان اصلا حجمه صغير جدا وراح يكتفي بالموجود من جسم الام

الله يعين الغثيان والتعب والصداع وضيقة الصدر كلها أشياء طبيعية

وفي ناس تزيد عندهم الأعراض ويزيد الاستفراغ لدرجة يتنومون في المستشفى ويعطونهم مغذي في الوريد

حاول تغير لها المكان تطلعون ولا تجيب لها أخل مختلف

لأن حتى الأكل اللي تكون تحبه قبل الحمل تصير تكره بزيادة

والله يتمم لها على خير

في حبوب توقف الإستفراغ كنت أستعملها رهيبة الصراحة

الله يكون بعونها لأن من أصعب فترات الحمل بالنسبه لي هي وقت الوحم لأن وحمي كمان قوي وزي حالة زوجتك المهم أنت كن قريب منها وساعدها لأن قربك منها يهون عليها التعب شوي