السلام عليكم اختى

انا كمان مخطوبة من اقل من شهر

وحسيت نفس الاحساس بتاعك ده

جانى حرارة وفقدان شهية ووجع فى معدتى مستمر ورفض تام للاكل حتى المية ماكنتش بشربها

لدرجة انى خلعت الدبلة من ايدى وقعدت اعيط لامى واقولها مش عايزة الخطوبة دى

بس صدقينى احساسك ده احساس طبيعى جدا

لاننا بنكون داخلين مرحلة جديدة فى حياتنا

واكيد بنكون قلقانين من الطرف الاخر ومن الموضوع عموما

وبنحس اننا بنراقب نفسنا فى كل تصرفتنا مع الخطيب

على اساس خايفين من اى رد فعل او حكم منه على تصرفتنا

بس حبيتى انا فكرت وقولت لخطيبى انه انا هتصرف على طبيعتى جدا معاك من غير اى تصنع

وهو اذا لقى شىء فيا مش بيحبه اذا كان فى طريقة ملابس او اسلوبى او حتى كلامى يقولى وانا هغيرها

انتى كمان قولى له كده وخليك طبيعية جداااااا معاها اوعى تتصنعى اى شىء

على فكرة مع الوقت وواحدة واحدة هتبتدى ترتاحى له اكتر وتبتدى تتكلمى معاه ويحصل بينكم تفاهم

لا تستعجلى اى شى وخلي الامور ماشية بطبيعتها وباذن الله ربنا يكتب لك الخير

وانتى دايما ادعى نفس الدعاء اللى بدعيه

ربنا ينزل الراحة والسكينة فى قلبه من ناحيتى وينزلى فى قلبك الراحة والسكينة من ناحيته

وقولى الله يحببه فيا ويحببنى فيه

وسيبها على ربك

مباااااااااارك اختى عليك الخطوبة

وعقبال الزفاف يااااااااااارب

سلامو عليكو