السلااااااااااااام عليكم
ياليت تفيدوني عن ملابس حديثي الولادة والاغراض والاستعدادات سواء للام او الطفل
لاني بصراحة ما عندي خبرة وانا على مشارف الولادة>>>>>الله يسهل يارب
لكم خاااااااالص تحياتي
كل ما ستحتاجينه من ملابس موجود في الرابط اللي أدرجته الأخت سن شاين
أضيف لك فقط فكرة عن عدد الأغراض
رح يلزمك لأول شهر (اذا حجم البيبي وسط او صغير) على الاقل 7 بيجامات و اكتر شي مريح لك و للبيبي اللي موديلها بجي قطعة وحدة
و لعمر ال3 او 4 شهور رح يلزمك مجموعة تانية من نفس البيجامات هذه لكن حجم أكبر
و نفس الشي مجموعة القمصان الداخلي اللي اسمها body suit
و لأول شهر او شهرين من الولادة الطفل رح يحتاج الكفوف بايديه تقريبا كل الوقت
لأنه بكون له أظافر و بجرح فيها وجهه و عيونه طوال الوقت
لبحثي عن بيجامات اللي فيها الكم ممكن تتنيه و هو نفسه يغطي الكفوف
انا بشتريهم من ماركة NEXT اذا عندكم الماركة نفسها
مستلزمات أخرى للطفل
شامبو لأول مرحلة و هو بكون لكل الجسم مكتوب عليه from head to toe او بالعربي من الرأس لأخمص القدم او للقدم ما بعرف بصراحة بالنسبة للبلاد العربية اذا مترجم على الشامبو هذا الشي و لا لأ
هذه صورة احد الانواع
ما رح يلزمك ليفة لتنظيف البيبي يكفي الشامبو لأنه جلد الطفل لا يحتمل استخدام ليفة
بالنسبة للفرش رح يلزمك طبعاً سرير للبيبي مع فرشته و شراشف و غطاء و ممكن تحطي ألعاب السرير اللي بتدور فوق راس الطفل و بتعمل موسيقى
ألعاب الطفل بأول مرحلة خدي كل شي يكون طري و ملفت للنظر بالصوت او بطلع ضوء مع صوت خفيف جداً ما يكون عالي
و خدي كرسي مرجوحة اسمو سونج بالانكليزي مو متأكدة من اسمو بالعربي لكن مفيد جداً
و أفضل شي ماركة فيشر برايس
فيه هزاز بهز البيبي بدرجات و فيه العاب و موسيقى
مفيد جداً بخلي البيبي ينام وحده من دون ما تتعذبي بتنويمه
و رح تحتاجي أغراض تغيير البيبي و أهمها شنتة التغيير المزودة بمكان لوضع الحفائض و فيها السجادة اللي بتحطي البيبي عليها اثناء التغيير لها كتير انواع و ماركات و في منها بتجي مع العربية و كرسي السيارة اذا رح تشتروا منهم
المجموعة مع بعضها كلها
بالنسبة لك ما بظن تحتاجي شي معين
قد يلزمك فوط للثدي اذا كان حليبك كتير و كان الثدي عندك بطلع الحليب لبرا
انا اشتريتها لكن ما احتجتها لكن صديقاتي معظمهم احتاجوها خاصة في الخروج من المنزل ممكن يعمل احراج لأنه ببقع الحليب على الملابس و شكله محرج جداً
اذا كنتي ناوية تعطيه حليب بالاضافة لحليبك رح يلزمك معدات قنينة الحليب و ممكن آلة تعقيم القناني اذا احتجتيها بكتبها لك مع الصور
و ممكن اذا بيتك كبير يلزمك تحطي جهاز مونيتر للبيبي مشان تشوفيه و تسمعي اذا استيقظ من النوم و انتي بتشتغلي بالمطبخ او غرفة بعيدة عنه
اذا تذكرت شي تاني نسيته برجع لموضوعك ان شاء الله
و الله يتمملك بالخير يا رب
__________________
.
.
استودعتك أهلي في سوريا يا من لا تضيع ودائعه
التعديل الأخير تم بواسطة ماريا ; 07-04-2009 الساعة 11:24 AM