السلام عليكم
ورحمة الله وبركاته

وبارك الله فيكم وفي جهودكم واسأل الله العلي العظيم ان يوفقكم لكل مافيه الخير والصلاح..

مشكلتي ان والدي الله يحفظه دخل في شركة ...
ومن ضمن البيانات المطلوبة منه عنوان البريد الالكتروني المهم ماكان في بيت اهلي انترنت
وكان مع اخي ايميل فوالدي طلب من اخي ايميله واخي الله يكرمه اعطاهم ايميلي انا
لأنني معي الانترنت...
المهم والدي اعطا ايميلي لصديقه ( وهذا الصديق من نفس البلد ) وفي الشركة هذه
وكانت تصلني رسائل من الشركة بس كلها
باللغة الانجليزية و70% من الكلام ماني فاهمة شيء منه..
اخبرت والدي ان الشريكة ترسل ايميلات وكأن هناك شيء مهم ومطلوب من والدي
وماني عافه ماهو بالضبط..والدي كلم صديقه فأعطاه ايميله
على اساس ارسل بإيميلات الشركة الى هذا الصديق حتى يعرف ماالمطلوب ...
المهم انا كنت ارسل تلك الايميلات الى صديق والدي واخبرت زوجي بذلك..ماقال شيء...
المهم ايميلي باسم بنت ..وهذا الشخص كان يرسل لي
بإيميلات ومواضيع وايضاً اضفني بالماسنجر وانا تضايقت وكنت
افكر ان هذا الشخص بيكون في سن والدي فقلت له برسالة بأنني متزوجة
ولا احب هالأيميلات وهالخرابيط قال خلاص عادي مافيها شيء ابغاك تجيبي لي مواضيع حلوة ومفيدة...قلت له (وهذا غلط مني طبعاً) قلت له
لوعندي مواضيع احطها بالمنتدى الفلاني وما اخفي شيء الموضوع المفيد
لازم الكل يستفيد منه المهم سويت له حظر من الماسن والايميل..
المهم راح سجل بذلك المنتدى وقال خلاص ممكن نتواصل باللرسائل الخاصة
انا على طول سويت الغاء استقبال خاصية الرسايل الخاصة وكنت ارد على مواضيعه
زي اي عضو اخر بعيد عن الكلام الفاضي..
المهم هو وقف تماماً من المنتدى وبعد ايام سمحت بالرسائل الخاصة
لأنني كنت اتواصل مع عضوات بالمنتدى.. وايضاً مشاركاتي وصلت للألاف..
وكانت مواضيعي متميزة ..ثم كانت تأتيني رسائل خاصة من اعضاء جدد
يريدون ان اشارك في منتداهم الجديد ولأنني متميزة ..ووووو ياليت اشترك عندهم ويعطوني الرابط..
انا كنت احذف الرسالة ولا القي لها بالاً...ومن تلك الرسائل التي تدعوني ...
قال انه مدير منتدى جديد وراح يكون مفيد ومميز عن بقية المنتديات
وراح اكون مشرفة بالقسم اللي ابغاه..
واعطاني الرابط انا رحت وشفت المنتدى وكان فعلاً جديد واعجبني
ومعظم الاقسام ماعندهم مشرفين ويمكن الشيطان زين لي الامور
قلت له خلاص ان شاء الله راح اشترك واحب اكون مشرفة في الاقسام النسائية ...
قال خلاص تمام واول مارحت سجلت كان رقم عضويتي 19
وشفت على طول تحت اسمي المستعار مشرفة قسم المرأة
المهم كلمت زوجي وكل اهلي قالوا تمام بالتوفيق..
ورحت عدلت الخيارات وسويت الغاء خاصية استقبال الرسائل الخاصة
وايضاً لغيت استقبال طلبات الصداقة..
المهم قال زوجي كوني دائماً رسمية بكل شيء سواء مشاركات او ردود...
قلت ان شاء الله وانا كذلك من زمان..انا كنت اروح الى قسم الترحيب بالأعضاء الجدد
وكنت اشوف اسماء قد تكون غريبة للي ماهو من بلدي لكن انا اعرفها وهي عاديه...
ومن ضمن تلك الاسماء واحد رئيس الجالية اليمنية بالرياض
وهو صديق لوالدي وهو شخص ملتزم ومحترم واعرف زوجته وبناته واثناء ماكنت بالمنتدى
كان خالي عندي كلمته بهذا المنتدى وان فلان عضو فيه وانني مشرفة قسم المرأة ..
المهم خالي استغرب وراح سجل بالمنتدى وناااادر مايدخل واكتشفت انا
ان المنتدى والمشاركين هم يمنيين وبعضهم معروفين ومن ضمنهم هذا رئيس الجالية..
ثم وصلتني رسالة خاصة مع انني لغيت استقبال الرسائل الخاصة
وكانت هذه الرسالة من مدير المنتدى
واراد ان يشكرني على اهتمامي بقسم المرأة وووو..
وانه هوالشخص صديق والدي بالشركة واللي كان يرسل لي بإيميلات ..وو
وانه ماكلم احد مين انا...ومستحيل يكلم احد...لو انا راح اتضايق او ما احب احد يعرفني..
انا تضايقت وما ادري ماذا افعل...
لأن لو زوجي عرف بأن مدير هالمنتدى فلان وهو قد التقى به مرة وحدة
راح تصير لي مشكلة او والدي عرف والله ما ادري مالعمل..
مع انني قبل كذا كلمت اخي بسالفة الايميلات
واخي ارسل له رسالة قال خلاص لاترسل الى الايميل الاول
وهذا ايميلي لوعندك اي ملاحظة عن الشركة
ارسل لأبوي الى ايميلي ) يعني ايميل اخي)..
الحين والله انني في حيرة من امري هل استمر بالمنتدى ؟
ام اكلم احد ام ماذا؟ وهذه مشكلتي بالتفصيل
واعذروني على اسهابي في الكلام..
وجزاكم الله خير الجزاء ووفقكم لمايحبه ويرضاه.

وعليكم السلام ورحمة الله وبركاته

غاليتي موضوعك بوجهة نظري بسيط ومايحتاج كل هذا القلق
المنتدى لاتستمري فيه ابعدي عن اي شئ له علاقه بصديقك والدك
وحتى الإيميل بإمكانك تغييره..
ولاتخبري أحد بالموضوع أنهي الموضوع بنفسك
والله يوفقك ان شاءالله

والله من رأيي تقولين له عيب عليك اللي تسويه

وياأنك تمشي عدل وتحترم نفسك ولا كل شي تسويه راح يوصل للوالد

والمنتدى أتركيه فيه ألف غيره وإيميلك غيريه

وأن مرررره زودها علمي رجلك خليه يتفاهم معه

ولا أخوك ولا أي أحد يقرب لك

ناس تخاف ماتختشيش

ياااكرهي للي كذا يلاحق الوحده ملاحق والمشكله لو عارف أنها متزوجه

لاتعطينه أكبر من حجمه و وريه العين الحمراء

والله يستر عليك

نصحية حتى لا تقعي في وحل اتركي المنتدى واحذفيه من المفضلة .. !!

وانسي أمره تماماً !!

.

.

__________________

الباب اللي يجيلك من الريح سدو واستريح


احتراماتي

اسيرة الحروف
ضيعتني العاطفة
مشكلة والله
manet
سماسم
شكراً لمروركم وردودكم والله يجزاكم الف خير ..
بس وشلون اغيير الايميل اقصد اذا سويت له حظر او اي شيء هو ممكن يراسلني من ايميل مختلف..
يعني هل هناك طريقة لحذف الايميل نهائياً ومحد يقدر يراسلني؟؟ ويرد عليهم ان الايميل خلاص مو مستخدم لو محذوف او اي شيء...لأنني بصراحة موفاهمة كثير بهذي الشغلات...

__________________

أول شئ ، مشكلتك بسيطة بس شكله الشيطان بدأ يزين لك و إنت واقعة في حيرة و تأنيب الضمير

انتبهي على نفسك من خطوات الشيطان

الحين إنت في السليم ، بكرة لا سمح الله تطيحي و تجي تشتكي و تقولي ألحقوني

أختي ، الحمد لله زوجك واضح عليه إنسان متفهم جدا

و المنتديات يا كثرها و اغلبها ما وراها غير خراب البيوت

بالنسبة للإيميل ، أقصد الهوت ميل ، فأدخلي على ايميلك

ثم من عندي الخصائص options ، فووووووق .. اضغطيه و بتطلع لك قائمة

نهاية القائمة مكتوب فيه خصائص أكثر = more options ..

ثم تطلع لك التالي :

Junk e-mail
Filters and reporting
Safe and blocked senders


أختاري آخر وحدة
" Safe and blocked senders "
معناها ، حفظ و حظر ايميلات المرسلين

ثم تطلع لك :
" Blocked senders "
اختاريها ، و معناها حظر المرسلين

حطي ايميل الشخص في المربع الأصفر للتالي :
" Blocked e-mail address or domain "

و اضغطي على
Add to list >>

و لا راح تستقبلي منه أي رسالة

و المفروض إنه من أول مرة تجاوز حدوده ، كلمتي أبوك و ما سكتي له و تماديتي معه

اهلا اختي نعم تستطيعي اغلاق الايميل

انا راح اشرح لك شرح مبسط

اولا افتحي صفحة البريد الالكتروني اذا كان هوتميل

تلاقي في اعلى الصفحه على اليمين هذه الكلمه
Options

اضغطي عليها تطلع لك شاشه مكتوب فيها اول خيار

Language

تحتها كلمة

English

اضغطي عليها لتحويل اللغه واختاري اللغه العربيه

واختاري حفظ خلاص بكذا انتهينا من تحويل اللغه بس على شان يسهل عليك فهم المكتوب
راح تظهر لك صفحه

اضغطي على

إدارة الحساب الخاص بك

ثم

عرض المعلومات الشخصية وتحريرها

ثم

اغلاق الحساب

وخلاص اتبعي باقي الخطوات وراح يتقفل الايميل

وبشرينا ............. اتمنى تكوني فهمتي علي ..........

__________________