السلام عليكم جميعا
أنا متزوجه من 4 سنوات .. زوجي أحبه ويحبني وعندي بنت وولد
مشكلتي مع زوجي إنه دوامه جدا طويل ... يطلع من 8 صباحا ومايرجع قبل 9 المسا وأيام 10 و11 .. طبعا أنا ما أعترض كونه شغله صعب .. هو مدير في شركة ويحتاج يجلس وقت طويل لتنظيم العمل ..
بس طبعا أنتظر أيام الإجازة بفارغ الصبر .. الجمعة والسبت .. حتى إني بشتاق يسهر معي .. نشوف فيلم أو نشوف مسلسل أو حتى نجلس نسولف.
لكن شو .. هو ييجي يوم الجمعة يصحى بكير كالعادة .. ويادوب ناكل لقمة ونفطر .. ويلا خلينا نلبس بدنا نروح عند أهلي .. طبعا أهله ساكنين في مدينة ثانية .. بعيده عنا تقريبا ساعة وثلث .. وأهلي هناك أيضا .. يعني لازم يلحق صلاة الجمعة مع أبوه ولازم يتغدى مع أهله .. وكأنه فرض عين .. مش فرض كفاية .. وطبعا زوجي ما بيكتفي يجلس بس يوم الجمعة .. لا .. لازم يضل عند أهله للسبت المساء .. يعني يرجع بس علشان ينام ويروح تاني يوم عالدوام ..
أنا يوم السبت بقضيه مع أهلي .. وبروح وباجي وبعمل كل مشاويري
بس والله العظيم مليت من هذا الروتين الممل .. البايخ ..
يعني بتمنى يوم هيك نجلس يوم الجمعة سوا .. نتغدى .. نطلع برة .. نسهر سوا .. نروح ونيجي
لما نروح عند أهله .. هو لازق بأمه وأبوه .. وأنا تاني يوم بروح عند أهلي .. حتى السوق بروحه لحالي مع أمي والأولاد
والحين تحسنت الأوضاع .. بنروح أسبوع معاه .. والأسبوع التاني بنضل بالبيت وهو بيروح عند أهله .. وبينام كمان .. يعني كتير أحيان برجع يوم السبت ..
أنا بصراحة حاسة حالي طاقتي نفذت منه ومن أهله .. وخلاص تعبت من غيابه عن المنزل (غير المبرر)
وعندي رغبة إني أروح عند بيت أهلي .. لحد ما يشوف له حل في حياتنا الكئيبة اللي حاسة فعلا كأنه صار لنا 100 سنة متزوجين
وبس أحكيله وأشكيله .. بيكون رده .. شو فيها يعني لو رحت .. شو فيها يعني لو نمت .. إنت بدك تبعديني عن أهلي .. أنا باخدكم معي .. يعني نحنا بنروح سوا ما بروح لوحدي .. ومن هالحكي الممل نفسه
صرت والله أكره أيام الإجازات .. بس أسمع إنو في يوم إجازة صار يصيبني اكتئاب
يوم الإجازة معناه إنو زوجي مش موجود .. أو إنه راح نروح عند أهله .. يعني كأنه الإجازه من حقه هو بس
حتى يوم راس السنة .. خرج من الشغل فورا عند أهله .. وتركني أنا بالبيت ورجع تاني يوم
5 أيام العيد قضاها كلها عند أهله .. طبعا كنا معه .. ورجعنا آخر يوم إجازة الساعة 10 بالليل .. يعني بس راح نام وطلع تاني يوم عالدوام
ولما بيوصل عند أهله .. بينسى كل الوعود اللي وعدني ياها .. إنو مثلا نروح نتعشى .. .. على أساس ممكن نترك الأولاد عند أمي أو أمه .. ولكن هيهات هيهات .. بس تقول له أمه أحطلك عشا (طبعا هي ما تعرف إنو نحن رايحين نتعشى) ولا كلمة .. وبينسى كل شي .. وبيجلس يتعشى مع أهله .. وأنا طبعا لازم أتعشى معاه لأنو عيب أشوف الأكل وما آكل .. وبتضيع كل أحلامي بالهوا ..

يا جماعة الخير .. أنا مليت والله العظيم .. والحكي معو بطل ينفع أبدا أبدا أبدا .. حتى صرت أكره أهله وأكره المدينة اللي ساكنين فيها .. وأكره حتى أروح عند أهلي ..
والله بتهرب من الشوار معه بأي طريقة
معقول في إنسان بده كل أسبوع يروح ينام عند أهله أو يتغدى معهم أو يتركني علشانهم
وأهله زياراتهم إلنا خفيفة كتير .. يعني مرة كل شهرين أو ثلاثة ..
ونحن متل المجانين كل أسبوع .. دوام رسمي .. بدنا عليه ترقية
شو أعمل .. عجزت.

تم تعديل العنوان ليتضح المضمون
الإشراف

انتي مش معترضه على اهله انتي تبحثي عن قربه منك


وهذا اللي مكبر المشكله


انتي تبحثي عن زوجك الغارق بالعمل وببره لاهله


استغفري الله كثيرا تلاقي الحياة تغيرت عندك

الحمد لله رب العالمين انو المشكل هذا فقط ومش خيانه ولا غيرو

__________________
http://live.gph.gov.sa/
اللهم اني استودعك اولادي

ياأختي الكريمة................ حاولي تتفهمي وضعه .............
حاولي يكون بينكم جلسة تفاهم ...ممكن تكوني السبب في اللي صاير .....
ممكن إنتي تكثري اللوم عليه ............فيروح لأمه وأبوه يلقى الراحة عندهم....
غيري في روتين حياتك شوي ....اعملي مفاجأة لزوجك .........
الله يصلح حالك وحالي وجميع المسلمين.آمين

قبل لاتكسري روتن زوجك
اكسري روتينك
حاولي يوم الاجازه
تشغلينه باي شي حلو
عشان مايروح
او اصبري شوي ولا تكلمينه عن الموضوع خلي يحس انك متضليقة من غير لا تتكلمين

والله يصلح الحال

__________________
اللهم احفظ لي زوجي وسخره لي واحفظ لي اولادي

فى فكره حلوه أسبوع تذهبون وأسبوع لأ

وبهذا يرضيكى

ويبر أهله

فقط لا غير هذه فكره بسيطه تريح جميع الاطراف

__________________

نفس الراي اللي كنت ناوية اطرحه عليك اجلسي مع زوجك جلسة حلوة وقولي له هذا الاقتراح وبيني له ان هذا من حقي اسبوع لي واسبوع لاهلك واذا وافق لازم في الاسبوع اللي جالس في معاك تنسيه الدنيا كلها عشان مايمل ويحب الفكرة ويستمر عليها دعواتنا لك بالتوفيق..

الله يعينك
فعلا روتين قاتل
متل ما قالوا الاخوات يعني اسبوع لأهله اسبوع لمتنزه آخر
شو ما في عندكم بالبلد متنزه تروحوا تشوفوه
قولي له مثلا سمعت انه في متنزه اسمه كذا و كذا شو رأيك نروح عليه نعمل فيه رحلة شوي النا و للولاد أكيد رح ينبسطوا
او حديقة حيوانات
يعني حطي الولاد بالنص يمكن مشان الأطفال يوافق
و حاولي ما تحسسيه انه انتي عندك موقف من أهله
لكن انتي فقط محتاجة وقت تقضيه معه هو و بس و برري بأنك مشتاقة له و بتحبيه و انه رح تعمليله مفاجأة بحبها
شي رومانسي
شي يشجعه
و ما تجيبي سيرة أهله خلال النقاش
حتى ما يسيء الظن فيكي و يقول بتحاولي تبعديني عن أهلي
الله يهديه و يصلحه و يصبرك آمين

__________________
.
.

استودعتك أهلي في سوريا يا من لا تضيع ودائعه

احمدي ربك وضعك اهون من كثييير ,لا تفكري كثير في موضوع الاجازة او انه بيروح عند اهله فكري بطريقه ثانيه مختلفه شوي بمعنى انتي وش راح تسوين خلال الاجازة؟؟ممكن مفاجأة لزوجك والاولاد موشرط تكون برى لبيت المهم التغيير
والله يعينك ويوفقك