اقتباس:
المشاركة الأصلية كتبت بواسطة apple-green
هلا اختي ... يمكن عندك هرمون حليب ..
ويمكن زي ماتفضلت الاخت ماريا ... لكن ابدا هذا موحليب الرضاعه .
بالنسبه انك ترجعي ترضعيها انا مااتوقع انها تتقبل الرضاعه الطبيعيه بعد ماانفطمت ..
وعندي سؤال بعد اذنك ... كيفك مع اللصقات ومن متى تستخدمينها ؟؟؟
وهل الاستحمام والمويه لها تاثير عليها ... وكيف التغييرات الهرمونيه اللي صارتلك ... يعني نحفتي متنتي وله عادي ؟؟؟
ووين تحطينها بالضبط؟؟؟
اسفه على ازعاجك بس ياليت تجاوبيني؟؟؟
|
اختي اااااااسفه وبشده على عدم ردي على اسئلتك
صراحة الكمبيوتر خرب لمده, بس سبحان الله نسيت تماما اني ارجع اشوف باقي الردود.
بالنسبه لأسئلتك حبيبتي (مع اني ما ادري اذا لسه مهتمه بعد كل هذي المده)
حاليا صار لي استخدم الاصق ل6 اشهر, ومرتاحه عليه لأني ارتحت من الحبوب اليومي
ولا ابدا ما يتأثر على الإستحمام, لأنه لازم ينحط بطريقه صحيحه وفقا للتعليمات المرفقه.
وتقدري تلصقيه في اي مكان بجسمك ماعدا منطقة الصدر (قصدي الثديين وجنب القلب والكبد والكلى وكده)
وانا اكثر شي الصقه على الذراع من فوق او على الظهر عشان ما يبان.
ولازم قبل لا تلصقيه انه يدينك تكون جافه وماعليها مويه او كريم ونفس الشي للمنطقه الي حابه تلصقيه عليها انها تكون جافه تماما.
كل مره تحطي الاصق راح تحسي بحكه مزعجه شوي على المنطقه اول يومين.
والأستخدام يكون انك تقريري يوم محدد تغيري فيه الاصق وتحطي لاصق جديد من كل اسبوع لمدة 3 اسابيع وفي الأسبوع الرابع تنزل الدوره.
يعني مثلا انتي اخترتي يوم السبت وحطيتي اول لاصق, ويضل الاصق كده لين السبت الي بعده وتغيري وتحطي الاصق الثاني في منطقه ثانيه (ابدا لا تحطي لاصقين ورا بعض في نفس المنطقه) والسبت الي بعده كمان تغيري للاصق الثالث. اما السبت اللي بعده (بكذه تكوني استعملتي 3 لاصقات) تكوني الأسبوع هذا من غير لاصق لإنه الدوره راح تيجيكي.
اما التغييرات الهرمونيه فماني متأكده اذا من الاصق او من وضعي الحالي من بلد جديد ودراسه و ورايه طفله صغيره, صرت عصبيه وما استحمل صراخها وابكي من مشاكل بسيطه مع زوجي, و وزني زاد 6 كغ عن المعدل المطلوب (بما انه وزني عاجب زوجي بطلت اهتم). ما اعتقد انه من الاصق لأنه صديقتي تستعمله من 8 شهور وما زاد وزنها بس صايره مره حساسه وتبكي بسرعه.
انا مرتاحه عليه وراح استعمله ل 7 اشهر جايه ان شاء الله
عسى اكون جاوبت على اسئلتك, والله آسفه على التأخير.