السلام عليكم ورحمة الله وبركاته،،،

كيفكم يا صبايا؟؟

انا عمر ابني سنتين عمته بتموت فيه بتحبه كتير وهي متزوجة من اربع سنين ولم ترزق لحد الان بطفل الله كريم ان يرزقها (قولوا امين) ،، المهم تحب ابني اكتير وابني يحبها كذلك وتاخده ايام يقضي النهار عندها وتشتري له الحلويات ووو....
لاحظت ان ابناء زوجها هم كبار يعني 18 سنة و16 و14 و12 يقولو لابني قولها ماما ومن هالكلام المهم لاحظت انه له يومين يقولها ماما.. انا بصراحة انبسطت لانها تحبه وهو يحبها كتير وشجعته بس يشوفها من الشباك اقوله من هاي اقوله هاي ماما يرجع يعيد من وراي ماما
لعلمكم انا احبها كثيرا وهي تحبني والله الحمدلله بس انا خايفة ابني يتغير علي. وبعدين بدي اقول لكم لا تقولولي هي عندها اولاد زوجها هي تحبهم والله تعمل المستحيل عشانهم بس هم كبار هي نفسها ببيبي فهمتوني هم اولاد زوجها يقولون لها ماما بس هي نفسها بطفل فهمتوني
المهم السؤال هو
هل استمر في ذلك ام اوقفه شو رايكم حبيباتي افيدوني لانه الموضوع لسه بأوله؟
انا اللي مخوفني شي واحد لا اخفيه عليكم مع انه نحن نحب بعض بس مرة اتزاعلت انا وحماتي وزوجي اتزاعلنا انا وياه عشان حماتي وصارت بيني وبين زوجي مشاكل وحماتي راحت شكت لاهلي وراحت معها بنتها وقالت لهم انه في مشاكل ومن هالكلام ف كانت اخته معها وقالت لهم فاما عيش بمعروف او تفريق باحسان وابنهم (عن ابني) في له بدال الام 100 ام لكن الحمدلله اتنتهى الموضوع على خير ، والله احنا الان مثل الاخوات والحمدلله بس انا خايفة بيوم من الايام يسير شي ويكون هيك يسهل اخد ابني مني بعيد الشر

شو رايكم يا بنات ساعدوني بارائكم

بالنسبة لي مستحيل جدا اسمح لابني يقول لاي حد غيري ماما
ماما معناتها شي واحد
انا وبس
بكرة بيتعود عليها وبيتغير عليكي ... وازا ما رديتي علي او زعلتيه ... يروحلها ويتركك
خصوصا انو مش مهمتها تربيتو ... فما حتكون حريصة على التربية الصح متلك
ردي علي اختي .... وقوليلو هاي عمتو بس

__________________

اختي من ناحية انسانية الموضوع حلو
لكن فكري بالتالي
عمته ماحتعاقبه لو غلط
ماحتعصب عليه
لانها محرومة حتدلعه وتعطيه كل الي بدو اياه وماحتلقو لا
بينما انت لانك امه حتربيه وتعاقبيه وتحرميه او تعطيه ثواب وعقاب يعني
وقتها لانو ولد صغير مابفهم هاي الاشياء حيقارن ويقول عمتي بتعطيني كل شي
وممكن مع الايان يصير يحبها اكتر او يسمع كلامها اكتر منك
لانو في ذهنه انت مابتلبي كل الي نفسو فيه وهوة طفل بهمو وبجذبو الدلع و العطايا
وحيكون صعب عليكي ترجعيه
وبس يكبر حيبقا هيك لانو خلص تعود وصار في عقله الباطن
اضافة انت بتقولي انها مرة وقفت ضدك
يعني نفسيتها تجاهك مش صافية 100%
مابقول انها عاطلة او مش كويسة
ابدا لكن في امكانية يصير بينكو مشكلة او اشي

انا من رايي تعلميه مين امه ومين عمته
وكمان حاولي تحددي العلاقة اكتر شوي
او انك تفهميها القواعد الي انت ماشية عليها
مثلا مابتعطيه شوكلاتة الا لو تغدا الغدا وشرب الحليب
خليها هية تتبع نفس افعالك
مش انت تعلميه هيك ولما يروح عندها يقلها مابدي اكل وبدي شوكلاته تروح تعمل الي عايزه

الطفل لو اشترك اكتر من طرف في تربيته كل واحد شكل
ماعمرو بطلع مربى
وهالاشي شفته من ناس بقربولي

عمي ساكن معاه امه
زوجته بتكون احيانا شديدة على ابنتها او اولادها
وجدتي الي هية حماتها العكس
فمثلا لو البنت الصغيرة طلبت نسكافيه الساعة 10 بالليل زوحة عمي مابترضا عشان البنت بتتبول لا ارادي
بتروح البنت تبكي
بتروح جدتي ماخداها تقلها معلش حبيبتي
وتعمللها النسكافيه الي بدها اياه
النتيجة
البنت سايحة ومش عارفة ترد عمين ولا مين
ومشاغبين اولادها و مابسمعو الكلام
والسبب كل طرف بيدلو بدلوه من عقله الخاص


فحددي العلاقة خليها تاخدو تفسحو وهيك لكن بحدود مش كل يوم او بكثرة

__________________

حبيبتي ام عبدالله

شكرا ع النصيحة فعلا لما فكرت زي ما قلتي عم بسير بالزبط انا ما برد علي لما اكون انا وياها بمكان بصير اقولها احكي له لأ مش رادد علي فتقله هي لا ف برد عليها.. حتى بالبيت ما برد علي بالمرة والله
فعلا لا يصح الا الصحيح
شكرا اختي حبيبتي ام عبدالله ويعطيكي العافية استفدت من خبرتك

الحلوة ملك شادي

فعلا هي بتعطيه كل شي بده اياه، كذلك بناتها بس ييجو عندي بقولهم ما تعملو كل شي بدو اياه ما تعطوه كل شي بطلبه بقولولي هو بدو هيك، قلت لهم لا لو بدو سكين بتعطوه اياها لا طبعا ف خلص ردو علي حبيباتي بقولكم لا يعني لا طبعا بسمعو من هون وبطلعوا من هون ولا كأنني حكيت بس انا ما بقولهم شي لانهم صغار زي خواتي بس بتدايق جواتي
فعلا كلامك صائب لما قلتي انه لازم تحديد العلاقة والله مزبوط ، وانا خايفة من انه ما يطلع مربى لانه بدلعوه كتير انا بحاول اكون حازمة بس صاحبتي امبارح اجت عندي قالتلي انتي مدلعه ابنك قلت لها لا قلتلي لا حبيبتي مدلع ليش مستحية تقولي عاد انا بشد عليه بس جدته ساكنة تحت وعمته يوميا بتيجي تشوفه والحالة حالة ملخبطة

الله يكون في العون

شكرا يا ملك شادي والله كلامك افادني جدا الله يخليلك اهلك وعائلتك يا كريم يا رب العالمين شكرا حبيبتي الله يسلمك

عادى دا احنا عندنا كنت انا واخواتى بنقول لزوجة عمى يا ماما وعيال عمى بيقولى لأمى يا ماما ومازلنا هكذا حتى الآن
وعمى نقوله يا بابا وعيال عمى وعيال عماتى يقولوا لبابا يا بابا والموضوع مش فارق فكل منا يعلم جيدا من هما ابوه وامه وما حقهما عليه
لا تكبرى الموضوع

sa33
قلب المنتدى النابض

شكرا على اضافتك يا حبيبتي