اشكركم يا اخوان على هالاهتمام.. والله كل رد احلى من الثاني..

بس انا كنت متضايقه لاني حاطه في بالي ان فترة الخطوبة هي احلى فترات الزواج..
وكل من الطرفين ايحب ايكلم الثاني وايعرف عنه كل شي..

وكنت صدق اتمنى انكون حبيبين قبل ما نكون زوجين.. لكني انصدمت بالواقع
في البدايه عطيته فرصة قلت يمكن هو يستحي او مب متعود.. لكن الصبر طال
وانا مب متعوده على الوضع.. فشكيت في نفسي وجاني احباط

سؤالي الحين..
اريد ابدأ.. واقوله كلمات حلوه لكني اخاف اندم.. لان البداية مب حلوه اتكون مني
وفي الوقت نفسه اريد اطنشه .. لين ما هو يحس ويبدأ
فما ادري اي اسلوب اتبع؟؟؟

أختي...
أنا رجل... ولهذا فأنا أنظر للأمور من منظار وزاوية أخرى...
لا تطنشيه!!! هذا خطأ... الطناش ما يجيب إلا الفتور والبرود...وإنتي تشتكي البرود يعني لا تزيدي التراب ملح!!!
رأي الأخت أم أسامة أعجبني...
كلميه واختاري كلامك... أنا كانت حكايتي مثل حكايتك تماما... لكن بالمقلوب... أنا كنت المتحمس... وخطيبتي كانت باردة.. ما تتكلم... ما تشوف وجهي من كثرة حياءها...
أمها كانت تترجاها قدامي.. تقول لها ... أعطيه عصير.. أكليه من إيدك! (( كان معقود القران )) لكنها كانت تستحي... كان المكيف صوته أعلى من صوتها...
لكن والله مع الوقت (( الوقت كان مدة مهي قصيرة )) الله عوضني صبري خير... والآن إحنا مثل السمن على العسل ومثل القمر والنجوم... الحمد لله...
إصبري ولا تيأسي ولا تطنشي... وأنا أحب أستفيد من آراء الإخوة والأخوات... والسلام

مشكور خالو ريان... على النصيحه الحلوه


بس والله في خاطري اطنشه .. واخليه
لاني انا بعد ما احب حد يطنشني.. احب اجرب عنده هالاسلوب.. يمكن يغيره شوي