السلام عليكم

خبروني لو سمحتوا ي وئت ممكن انه يحصل حمل علشان اتجنب الجماع لاني حاليا ما بدي اصير حامل
مش عارفه احسب اول يوم من الدوره لانها اجتني يوم الاربعاء بتاريخ 17-12 بعد صلاة العشا ف احسب هاده اول يوم وله يوم 18 اول يوم ؟؟
ونضفت منها يوم الاربعا بتاريخ 24 ف اي ايام ممكن يحصل فيها حمل

شكرا لكم

دانا حسب دورتك اديش طولها؟؟
بس عموما خدي احتياطك
بعد متخلص الدورة الدم قصدي
احسبي 8 ايام
ومن اليوم 9 لليوم 18 خلي فيه عزل
حتقولي كتير بس هيك احسن واضمن
لانو ايام التبويض 3 ايام
وقبلهم اكم يوم احتياط لانو ممكن يبدا بدري او يقدم يوم
و عشان الحيوان المنوي بعيش 3 ايام في الرحم او يومين
فلو قبل التبويض كان في جماع وفي جوة حيوان منوي واجا التبيوض تاني يوم ممكن يصير حمل
وبعدو برضو احتياط لانو ممكن يتقدم التبويض
بس عفكرة هاي طريقة مش مضمونة
في وحدة كانت تعمل هيك وحملت لانو اجاها التبيوض اااااخر ايام قبل الدورة الجديدة
في اوقات التبويض بتاخر لسبب او اخر
لهيك ديري بالك
اشي بحير كتير
انا حاملة الهم كتير وخايفة كتير احمل عالحبوب
ابصر شو بصيرلي وقتها
الله يجيب الي فيه الخير

__________________

حبيبتي التبويض ممكن يحصل من عاشر يوم من بدايه الدورة ..
انتبهي الحمل ممكن يحصل حتى مع العزل انا كنت بستعمل طريقه العزل طول الشهر يعني من اول يوم بعد الدورة
لحد اخر يوم قبل الدورة الجديده وحصل حمل مرتين بهاي الطريقه
طريقه العزل مش مضمونه نهائيا عم قلك عزل طول الشهر يعني مافي بالمرة وحصل حمل برضوا اذا الله اراد ان يقول له كن فيكون .. سمعت انه ممكن السائل اللي يخرج اثناء العلاقه ممكن يتسرب معاه ولو شئ بسيط جدا من الحيوانات المنويه والله اعلم
لو فعلا غير مستعده للحمل لازم تستخدمي وسيله امنه وفعاله ..
الله يوفقك لما فيه الخير

__________________

رومانسيه حبيبيتي
لا تزعلي مني شكله زوجك كان يضحك عليكي وما يقولك انه بعض المرات بيكون مش متحكم ههههههههههههه اسفه يا ستي انا بمزح معاكي
بس بجد اعتقد انه السبب في الحمل رغم العزل انه الزوج ما بيكون متحكم من دون ما يشعر يعني في اللحظات الاخيره هو بيفكر انه ابتعد عن المهبل بينما قليل من الدفعه الاولى في القذف خرجت على المهبل..مادري فهمتيني؟

__________________

أختي دانا انتي ذكرتي موعد دورتك لكن ما ذكرتي كم طولها قصدي كم يوم بين أول دورة و الدورة اللي بعدها

متى كان تاريخ الدورة اللي قبل هالدورة لازم على الأقل تكتبي موعد 3 دورات اجوكي حتى نعرف هل دورتك منتظمة و لا لأ و نعطيكي موعد يوم الاباضة بشكل أدق

__________________
.
.

استودعتك أهلي في سوريا يا من لا تضيع ودائعه