اختي انتي الغلطانة في تصرفاتك 100% اسمحي لي علي الصراحة ويش الي قاعدة تقولينة يعيني

اوربا احسن من مكة لا تقارنين ولو مجرد مقارنة

اسلوبك استفزازي

وزوجك علي حق ولوا اني مكان زوجك عملت نفس التصرف

ولا تقولي زوجي وزجي وانا مظلومة هو رايح لعمل مو برايح يلعب او يغلط عشان تحملية المسؤلية

اختي شكلك دلوعة مررررررة واسفة ان كنت ضايقتك اسمحي لي بس عشان مصلحتك انت وزوجك ولا انا
ويش لي دخل غير النصيحة

__________________

اوربا احسن من مكة لا تقارنين ولو مجرد مقارنة




يختي الله يرضى عليك مين جاب طاري احلى والا مو احلى انا اتكلم من حيث المبدا يعني اذا صعبه عليه اترك عيالي لمدة 4 ايام كان ماوافق اجل نروح لمكه ونتركهم 4 ايام كان قال لي صعبه بعد تتركينهم هذا قصدي وحتى لو قالي بروح للسودان 4 ايام كنت بقوله نفس الكلام انا قصدي من طلبي اننا نكون مع بهض بدون مسئوليات بس هو يبي ينبسط الحاله وما يبي مسئوليه بعدين مو بس هذي المشكله المشكله بقلة ذوقه وتطنيشه لي افرضي كان احد اعيالي فيههم شي يوم دقيت عليه المفروض يرد احتراما لي والا الاحترام لهم هم بس

بسم الله الرحمن الرحيم .. يا جماعة الخير اشفيكم على بنت الناس .. لاتخلونها تتحسف انها حطت مشكلتها في منتدانا ..

اختي مررة .. البنت حتى ماقارنت بين مكه واوروبا .. هي بس قالت انهم سبق وسافروا وسابوا العيال من قبل فيعني هي ماتدري ليش زوجها مكبر موضوع ترك الاولاد ..

اختي الغاليه قهررر .. اسم الله عليج من القهر والله يبعده عنك .. زوجك باين عليه انه هااادي .. وشوي مستفز .. وانتي من النوع السهل استفزازه وعصبيه الله يحفظك ..

اول شي يا الغاليه .. لازم تتتعلمين كيف تحافظين على اعصابك وتاكدي انه العصبيه لا بتنفعج مع الاطقال ولا مع زوجك .. ماكان اللين في شي الا زانه ..
الحين يا الغاليه انتي متضايقة وزوجك متضايق .. والحمدلله انك لقيتينا حتى نهديك ونريح اعصابك اشوي .. لكن محد عند زوجك يهديه وينبههه ..

اللي عليج تسوينه يا اختي .. انج تكلمين زوجك .. او ترسلين له مسج .. وتقولين له انك حاسه بظيقه .. وانه انتو ال 2 غلطتوا .. وانتي مستعده تعتذرين له .. ومب لازم هو يعتذر لك ..

ترجعين البيت بنفسيه جديده مع الزوج ومع الاطفال .. وترفعين شعار لا للصراخ والعصبيه .. يعني لما زوجك يقول لك كلمه لاتردين عليه بعشر .. لاتردين بشي .. قولي له ان شاء الله وعلى راسي من فوق لين ماتهدين وتعرفين شتقولين .. او اذا تدخل في علاقتج مع الاطفال فيعني اسمحي لي في هاذي الغاليه .. يعني ختى لو هو مايشوفهم الا ساعه في اليوم لكن لازم يتدخل لانه ابوهم .. اشلون يعني ماله حق يتدخل اذا الابو مايتدخل من يتدخل ؟؟
اذا تدخل انتي انسحبي على طول ... وسوي هالحركه كذا مره عقب كلميه .. وفهميه المووضوع على رواق .. بس عقب ماتصيرين تستخدمين اسلوب عدم الصراخ والضرب ونحوه .. واتفقوا على نوعية العقاب اللي تسووونها .. يعني قولي لزوجك انا ابي استشيرك انت تقول لي لاتصارخين عليهم ولاتخلينهم يخافون منك .. يعني انت برايك شنهي نوعية العقاب المناسببه واسمعي عدل شيقول قد تكون عنده افكار للتربيه ..

الله يعينك ويصبرك يارب ..

لي عوده ان شاء الله .. للاطمئنان عليك ..

اختك .. ام فطومه

__________________
يارب فرج كل هموم نساء ورجال المنتدى وارزق كل بنات المنتدى الزوج الصالح ... وارزق من يتمنى الذرية الصالحة .. اللهم آميييين ...

يارب يا رحمن يارحيم يا قادر على كل شي .. يارب فرحني في اختي نايت ... عاجلاً غير اجل ...
يارب نسمع خبر ملكتها على رجل خير طيب صالح فالح يعينون بعض على طاعتك وعبادتك ...

الله يكون بعونك صدقين ان زوجك شكله من النوع الي يجمع لك والحين انفجر والدليل تطنيشه لك اتركيه راح يمل ويسأل عنك لو عشان الاولاد لككن صدقين طول ما راح تدورينه راح يثقل عليك انا بنضري انتي ماغلطتي وهو بعد ماغلط الا بحركته هذي ولا الي صار بينكم امور جدا عاديه وتحدث بأرقى العايلات

اختي صمت وسكون فعلا هو من النوع الي يجمع ويجمع وينفجر بعدها بس حتى لو بعد كل ها الي صار كنا نتكلم قبل ما اسافر ولما وصلت كلم بس الغريبه انه من بكرا طنشني من عقب ما رديت عليه علشان الغرض اناا جلست اراجع نفسي قلت يمكن علشان يوم قالي انه الغرض ما وصل عصبت وقلت يووووووه يالله باي مدري والله

اختي ام فطومه مشكوره الله يعطيك العافيه بس بصراحه انا مجروحه ومتضايقه بسبب امور كثيره وبعد ما رفض ياخذني جرحني اكثر بس يجلس يتكلم عن السفر وهو متحمس لانه اكيد بعد بيغير جو وانا بجلس مع العيال مثل كل مره وغيرها من الي صار والي كتبته لكم وزياده على كذا مايرد علي سلامات بس

معاك حق اختي تدرين وش الحل طنشييييييييييييييييييييييييييه وراح يرجع من حاله لا تتصلين عليه واشغلي نفسك ولاتفكرين فيه وصدقيني راح يرجعلك
والله يكون بعونك حبيبتي

__________________
[IMG]http://www.***********/gfiles/12567386121.jpg[/IMG]

هونيها وتهون وليت عدم اخذه لك لسفر اكبر عيوبه حاولي تقراين مشاكل العالم وراح تهون عليك مشكلتك نصيحه

اختي المشكله مب في السفر .. الاخت مشكلتها متعدده .. الله لا يحطها بالاسوء ان شاء الله .. وكل واحد يتمنى حياته تكون احسن حياه ..

اسمحي لي على المداخله .. بس الله لا يذوقك مر في حياتك ..

__________________
يارب فرج كل هموم نساء ورجال المنتدى وارزق كل بنات المنتدى الزوج الصالح ... وارزق من يتمنى الذرية الصالحة .. اللهم آميييين ...

يارب يا رحمن يارحيم يا قادر على كل شي .. يارب فرحني في اختي نايت ... عاجلاً غير اجل ...
يارب نسمع خبر ملكتها على رجل خير طيب صالح فالح يعينون بعض على طاعتك وعبادتك ...

والله يا اختي لو هذي المشكله بس كان ما شفتيني في ها المنتدى بس هذي جزء من مشاكلي والا لو على السفر الحاله كان هانت