السلام عليكم ورحمه الله وبركاته

حابه ادخل في الموضوع على طول

في البداية حابة اقولكم على وضعي مع اهل زوجي

اهل زوجي من غير جما عتنا يعني هما زيينا وكله بس مو من اصلنا وجنسنا ان شاء الله فهمتوني

وتوجد اختلافات في العادات والتقاليد مرررررررررررررة كتيييييييرة

حابة ادخل على طول في اللي صار عشان اوضح لكم اختلاف العادات كيف

الوالد اله يحظه امس سوا عملية الله يقومو بالسلامة يارب والوالدة كانت مرافقة معاه في المستشفى

وانا رحت بيت اهلي عشان اقعد مع اخواني الصغار .. في البداية زوجي رفض ويقول انو اخواني كبار وما يحتاج احح يقعد معاهم بس انا اقنعته واقتنع

المهم بعد ما الوالد سوا العملية اللي كانت امس الصباح طلبت من زوجي يوديني عنده عشان اتطمن عليه <<امستشفى في جدة واحنا في مكة
طبعا رفض وما رضي لانو والده اللي هو عمي قال انو يبغى يزوره ولما ابوه يقرر متى ياخدني معاه

انا الصراحة اتنرفزت ..للدرجة دي اهلي مو مهمين عنده والله ما اقول من عمي لان عمي انسان طيب مرة وعلى نياته

المهم جا اليوم وما اتصل اصلا ولاسال ولا قال احنا نازلين وطبعا انا ما اتصلت كمان

المهم دوبها الوالدة رجعت تريح لبيت ونازلة بكرة صارت تقولي زوجك ما اتصل ولا سال عيب ما يصير حتى ابوه ما دق ولا امه وووووو تعرفو كلام حموات ..بس الصارحة معاها حق

لانو وفي نفس الوقت اهل زوج اختي التانية ما قصروا صح زوجها قصر ما زار بابا بس اهلو كلهم دقوا وساو من ابوه وامه حتى جدته وخيلانه وعمانه <<القبيلة كلها رغم انهم برضوا مو من جنسنا

وانا زوجي ما عرف يرفع سماعة ولا اهله

الصرارحة اهله مرررررة طيبين معاها احترمهم ويحتروني بس هادا عيبهم ما يعرفوا يوجوبوا معانا بالذات في زي كدا مناسبات لا في افراح ولا عزا ولا زي كدا مرض ..وطبعا نفس الشي زوجي

ابغاكم تقولولي كيقف اوصل الفكرة دي لزوجي او اهه بطريقة ما تزعل ..لانو زوجي يكره اني اقارنه باهل زوج اختي مررررررره <<اصلا ما يحبهم

يووه .. نفس حالتي ..

لكن زوجي يبغى له تذكير بس .. يعني ينسى .. اما زوج اختي ماشا الله قبل الناس كلهم يفكر بهذي الاشياء ..

يعني ماشا الله فيه ناس يتذكرون زيارات المرضى والتصال فيهم وكل حاجة .. وفيه ناس كل يوم يقول اليوم بنروح اليوم بنتصل ويطلع الواحد من المستشفى وهو ما كلم ولاشي .. لأنه نسي ..

لكن انا علي اني اذكره وتمشي الامور تمام ان شاء الله ..

: )

__________________

المشكلة اني لما اذكرو على طول يقولي اكد تقارنيني بفلان <<زوج اختي ويعصب ولا عاد يسوي الشغلة
رغم اني والله احيانا ما اقصد مقارنة ولا شي
مشكورة اختي ما قصرتي

ببساطة قوليله حبيبي لازم تتصل على بابا تسأل عنه مايصير كده مانبغانا يزعل مننا انت عارف كيف مانقدر على زعل الكبار

وفي نفس الوقت لاتقصري ابدا ناحية اهله وقوليله نفس الكلام حبيبي لازم نزور خالتك فلانة مايصير كده مانبغاها تزعل مننا

وزي كده

وان شاء الله مع الوقت خلاص يتعود

والف سلامة على الوالد

أنا كمان يا أخت باكا نفس الحالة معاي .. زوجي واهل زوجي لايقدرون ولا يعرفون الواجب

مع اني ساكنة معاهم بالبيت وماني مقصرة معاهم احب ازور خوات زوجي واخوانه بس زوجي طبعه اصلا انه مقصر حتى مع اهله مايحب يزور اخوانه وحاولت اني اشجعه بعلى التواصل واذكره ان هذي صلة ارحام بس لاحياة لمن تنادي

امي كله تنشدني بكل مناسبة لأهلي مثل خطبة او زواج او استقبال او حتى عزا ووفاة ، بلغتي اهل زوجج ؟؟؟ .. اهل زوجج يدرون ؟؟؟؟؟ .. واناا اتحجج لها واتعذر لهم
ومرات ابلغ امي انهم مايدرون واني انا ماقلت لهم

ومرات اقول لها انه عندهم ظروف ومرات حماتي تعبانة او مريضة واخليها تعدي لآني ما احب المشاكل وعلشان زوجي لايطيح من عين اهلي
انتي كمان حاولي تشوفين لهم عذر وتعذري لهم عند اهلج علشان النفوس لاتشيل على بعض

تخيلي قبل شويا ارسلت له رساله عتاب تخيلي ايش سوى

اتصل عليا وهو معصب وانا ايش دراني ومحد قالي انتي ما قلتليلي متى بالضبط العملية
هادا كله انا قايلتهله هوا حتى كنت امس اكلم امه وسمع كلامي معاها عنن حال بابا
سك السماة وو معصب ..بالله هادا ايش اسو معاه

الله يعينك

عزيزتي...


لا أعتقد أن المسألة لها علاقة بالأصل أو الجنس .... ولكن لها علاقة بالأصول واللباقة وحسن التصرف.


وبصراحة فأنا شخصياً لا أحب أن أطلب من أحد مثل تلك الأمور .. لأنني أعتقد أن مثل تلك المواقف يجب أن تكون تلقائية نابعة من الشخص نفسه .. يعني إذا لم يشعر الطرف الاخر من نفسه بأهمية أداء الواجب في مثل هذه المواقف ـ ولو حتى من باب المجاملة ـ فكيف أطلب أنا منه ذلك؟ .. وكيف أصلاً سأشعر بالسعادة لقيامه بأمر كهذا بناءً على طلب مني وليس بناءً على رغبة شخصية نابعة من ذاته وقناعته هو؟



المعذرة يا أختي .. ولكن إن لم تكن هذه السلوكيات قائمة على رغبة شخصية بحتة فلا أرى فائدة منها.

__________________


اللهم طِيبَ الأثر .. وحُسْنَ الرحيل.