السلام عليكم


كيفكم يا اخواني واخواتي

ابدخل في الموضوع على طول واتمنى ان اجد الحل لديكم او النصيحه
انا ملكت من 4 اشهر وزوجتي كانت طيبه وحنونه وفجأه تغيرت
الحين طلبتني مصروف شهري وتقول حولي 1000 ريال شهريا
انا رديت عليها وقلت امكانياتي لا تسمح اني ارسل لك هذا المبلغ انا اعطيك من عندي اللي اقدر عليه

واذا ما قدرت اع\يك اعذريني لاني انا امامي اللتزامات وزواج وكل شي غالي المعيشه الايجارات

وردت علي وقالت انا ما ابي منك شي

ارسلت لها رساله وكتبت فيها ( يا شريكة حياتي ومن كنت ارجو ان تكوني معينه لي على مصاعب الحياه انا اعمل ليل نهار كي استطيع ان نبداء حياتنا بدايه سليمه ولا اريد ان اقترض من البنوك كي لا اقع في الدين فوالله ان اتعب عشان استطيع ان اسعدك
واحرم نفسي من اشياء ضروريه لكي اقيم زواجنا بدون اي ديون وخلافه



فردت علي وقالت

شكرا ع المسج يعني انا بورطك في الديون

ما ذا افعل

وغير هذا
يعني من قبل هذا الموضوع اتصل عليها ما ترد ارسل لها ما ترد وكل ما اسالها ليه ما تردين علي تقول انا عندي جامعه ولا عندي وقت وكله مشغوله



ابي حل بديت اكرهها

اذا من اولها كذا اجل وشلون تاليها


الاشراف : تم تغيير العنوان ., بالتوفيق أخي

اخي لا استطيع ان اعلق على موضوعك ولكن لا بد من معرفه هذا التغيير المفاجئ في علاقتكم وسوف انتظر رد بقيه الاخوة الاعضاء واتمنى ان توفق فيما تراه مناسبا لك ولكن لاتستعجل حتى تلاقي حلا يفيدك باذن الله

[info]الاشراف: ينقل إلى قسمه المناسب (عالم المقبلين على الزواج) [/info]

__________________

الله يكون بعونـــــــك
أصلا أنت مو ملزوم تصرف عليها قبل الزواج
صرااحة انا منصدمة من جراءتهــــا خاصة انه مالكم الا 4شهور من تملكتو!!>>لاتعليق

__________________

والله تعبت مو عارف ايش اسوي هذا بدل ما تساعدني وتوقف معي


ورب البيت تعبت

الحين صارلنا يومين لا حس ولا خبر

طيب حددتوا موعد زوااجكــــــم؟؟

__________________

لا للحين ما حددنا شي بس اللي في بالي وفي بالها بعيد الفطر الجاي
عشان هي عندها اخر سنه بالجامعه وهي وانا بمدينه وهي بمدينه

والله ماأدري وش أقوولك أخوي
ولا ودي أظلم البنت لكن انا اعتبر هذا طمع ...
ومالها حق انها تزعل عليك .. خاصة انك قلت لها اعطيك متى مااحتجتي وترا هذا يعتبر بعد كرم منك .. كافي عليك مصااريف الزواج والمهر ..

__________________

ليت الزواج والمهر


انا عايش لوحدي في الرياض واشتغل في شركه وكل ما رحت مكان ابي قرض قال اسفين انت في قطاع خاص


وبنك التسليف عطاني موعد مراجعه في تاريخ 1/11/1930

انا ايش اسوي اقطع عمري

المهر 50
والزواج يبي

والقاعه

والبيت ايجار يبي
والاثاث

ابنهبل وربي بنهبل
وكل شي غالي

صرااحة حالتك صعبة
خلاص هذا الموقف اعتبره اختباار لها ولاتحااول انك تراضيها لأنك بالأسلوب هذا تحسسها انها مظلومة ومعها حق ..
خلها كم يوم ..لاتتصل .. مو هي قالت انها مشغولة بالجامعة ..
وبعدين كلمها ولاتحااول انك تفاتحها بالمووضوع نهائي ..
لكن استخدم معها اسلوب التلميح وتشكى عليها وقولها نفس الكلام اللي في ردك السابق
وحسسها انك مضغووط وتعباان من التفكير..
وصدقني اذا كنت غالي عندها واذا كانت طيبة زي ماتقوول بتحن عليك وراح تقدر ..

__________________