أميرات أنا معك بكل شي لكن الحق حق يالغالية والرسول نهى عن الضرب على الوجه وماأتوقع يخفاك ..

ياجماعه ... والله انتو فاهميني غلط .. انا قلت لي اخطاء لايعلمها الا الله ، منها الصغير ومنها الكبير، لكن الاكيد اني لي ايجابيات لم تراها، كثيييييره ، اشغلتها عداوة اهلي ومعاداتهم عن حياتنا.

صدقوني ان المشاكل التي بيننا تافهه وكنت زمان انا اكبرها، وصارت هي تكبرها، ياجماعه صارت اي موضوع تبغى تروح لاهلها، تخيلو ، يمكن 50 مره هددتني بروحة بيت اهلها. وياليت على مواضيع تستاهل.


عموما... افرضوا ان هالمواضيع تستاهل .. وكبيرة .... تسوي كذا

__________________
المستريح الي من العقل خاااااالي

اميرات :
انا منذ البداية قلت لك ذلك، عموما هي الان تمنعني من شوفة ابنائي، ولا احتاج الى قانون ، لانني لو استمرت في ذلك سأطلقها بكل بساطه واشوفهم رسميا، وخلي اهلها يخللونها ويبهروها والا يحرقوها ماااتهمني.

انا ماني غلبان ان الجا الى القانون، لكني محتار فعلا هل الجا الية

طبعا لاتمنعني بشكل مباشر لكنهم يتهربون مرة في السوق ومره برا ومره كذا

__________________
المستريح الي من العقل خاااااالي

واضح ان زوجتك و اهلها باااااايعينك ....

اخي لن تصل الى حل الا بشي واحد
ان تكون صادق مع نفسك اولا ومعنا ثانيا فان كانت زوجتك بهذا السؤ بالفعل هي واهلها
فارى بصراحه كلام الاخت اميرات عين العقل
لكن انت ذكرت انه لك اخطاء لايعلمها الا الله وان لك ايجابيات لم تراها زوجتك انها كثيره
طيب يا اخي يمكن بالفعل ايجابيات لاتسد سلبيه واحده من سلبياتك
انت لاتحكم من خلال نظرتك وتقييمك لذاتك انظر لايجابياتك من خلال تفاعل زوجتك معك
يعني واحد يروح يحفر بير ويجي يرمي النجاسه فيه هنا هل ترى لايجابياته اثر والا بتقول ياليته ماتعب نفسه وقرفنا
اخي رجاء اهدا وراجع حياتك من بدايتها الى ان وصلت لهذا الوضع شوف تعاملك معها ربما كنت قاسي ومجحف او ان العيشه معاك لاتطاق لدرجة انها تترك حتى اولادك لاتراهم
اترك زوجتك واهلها واولادك اعطيهم هدنه وابتعد نهائي عن ساحتهم
منها ترتاح قليلا وتهدا النفوس للكل وترى الامور برؤيه صافيه وبعين محقه
واحذر اخي الكريم
أن تأخذك العزة بالاثم وتظلم زوجتك واولادك وانت مسؤول عن نصف ماحصل
انت الان بحالة ثوره وغضب وابصارك معميه والشيطان مالك حواسك كلها
حاول تروح لمكه وتأخذ عمره واجلس بين يدي الله تعالى ناجيه واطلبه العون والهدايه لزوجتك
ولم شملك بها وباولادك وتصدق بنية اصلاح الحال واكثر من الاستغفار والاستخاره
صدقني اخي الاستغفار سيلين قلب زوجتك عليك بشكل عجيب
حاول اخي ان تكتب اخطاءك وسلبياتك لانك بذلك تعترف انك مذنب والاعتراف اول طريق للنجاح
فقط الهدؤ والحكمه اخي وصيتي لك
وفقك الله لمافيه الخير

__________________

واجبات الزوجين نحو غــزة

من غــــزة الصمود دروس لتهذيب النفوس

اطـــمــــئنـــــي ياغــــــزة

ممكن إذا ضمن المشاكل خيانة ..!

اميرات
ونعم المرأة الصرااحة انا مبسووطة انة فية حرمة تفكر هذا التفكيررر
لأنة دائما الحريم متحيزات لبعض وما نقووول الحق واذا قلنا الحق قطعتنااا صاحبة المشكلة

وانا وحدة منهم اذا حسيت زوجي يدلعني بزيااااادة
وربي انقلب اصير وحدة ثااانية وامصخهااااا مررررررة
لكن الحمدالله الان تغيرررررررت كثير
من نفسي ومن صراحة زوجي انة يحااول يرضيني بكل شئ
وانا ازيد يعني صرااحتة معااي صحتني كثيررررررر

الله يسهللك ويوفقك ياارب

اخي الكريم اولا انت سألت هل ممكن ان المرأه تطلب الطلاق بدون سبب او على شي تافه اقول لك نعم موجود وكثير جدا يا اخي المرأه كلها هرمونات دوره حمل حبوب منع حمل كل وحده من هذي الحالات تخلي الهرمونات تلعب بجسمنا لعب وتأثر على نفسياتنا وكلامنا يعني الله الي خلقنا ادرى فينا ولو حصل طلاق في وقت دوره لا يقع ..و الله وصفنا بأن ناقصات عقل واننا من ضلع اعوج لو تبي تعدله كسرته والا تستمتع فيه على اعوجاجه الشاهد من كل اللي قلته ان المرأه تمر بحالات نفسيه خارجه عن ارادتها ومو معنى كلامي ان زوجتك ماغلطت.....هي غلطت وانت غلطت والمشاكل اللي بينكم امور بسيطه وتكبر مع العناد امامسألت اهل الزوج ترا اكثر مايجنن المره ان اهل زوجها يستحقرونها او يغلطون عليها او يطنشونها خاصه لكان عندها اعيال اكبار يفهمون وتنحرج قدامهم فا انا اشوف ان زوجتك ماتواصل اهلك ولا تقطعهم ولكن في المناسبات تروح يوم واحد او نص يوم تسلم على امك وابوك فقط وتطلعها المطار لاهلها ويستقبلها اخوها الفزيع وانت اجلس عند اهلك قد ماتبغى وارجع ولاتقول اعيالي وابغاهم عند اهلي لان الاهل اذا كرهوا المره كرهوا اعيالها واحسن ماتجلس معك وتجيك مشاكل خلها تسلم وتمشي الى ان ربي يصفي القلوب ..
وانا الان اشوف ان اكبر شي في موضوعك ماينسكت عليه انها كيف تسافر وتطلع من بيتها بدون اذنك هذي يبيلها وقفه مضبوطه وهذي اللي ركز عليها وخلي الباقي لانه تافه
زوجتك شافت ان حركة انها لما تروح بيت اهلها وتهجرك جابت معك نتيجة وفعلا تجي و تاخذها وتعتتذر وووو.
وهي عارفه ان روحك في عيالك فتضغط عليك فيهم.... انا وجهت نظري ان عندك حلين اما حل جذري للمشكله واما حل موئقة:
الحل المؤقت: هوا انك تروح الابوها عند مسجدهم وتكلمه وتقوله انها طلعت على شي تافه وانك تبي تشوفها ومن هل كلام وتقابلها وترجعها فا هي تبقى ام عيالك وفيها حسنات وانت تعترف فيها وتعترف انها تحملتك انت واهلك
اما الحل الجذري هوا انك ترسلها ان مثل ماطلعت من بيتك بنفسك ترجعين بنفسك ويرجعكي اللي اخذكي ولا اجلسي في بيت اهلك وطنشها مضبوط لو توصل سنه ليش عشان تشوف ان كرتها هذا انحرق وما عاد ييأثر عليك هذا ان كان ودك تقطع هذي الحركه تماماً ولاتقول انها مبسوطه في بيت اهلها مصيرها تمل وتحن لبيتها وبنتك اللي متعلقه فيك بتقطع قلب امها وهي تسأل عنك وفاقدتك واكيد بترجع وانا اشوف في الحلين سطحي او جذري ان كلامك يكون مع ولي امرها وقدامها ان ماصار اللي يوجب انها تستفزع بأخوها من وراك وتطلع من بيتها بدون علمك انت لا ضربتها ولا هنتها وقولهم ان بغت تجي انا بنفسي اجيبها لكن ماتطلع بدون علمي لان لو تكررة بلحقها ورقتها وفعلا لو صار مستقبلا شي وقالت وديني بيت اهلي فعلا قوم وديها لان لما زوجها يوصلها بعلمه ورضاه انكسار لها لكن من وراه ومع اخوها انتصار وقوة لها ودامك تقول انها تخاف الله فدائم خوفها ان لو صارلها شي او صار لك شي وانت زعلان منها بتخسر اخرتها وذكرها باحاديث حقوق ورضى الزوج فانت جنتها ونارها على العموم احنا نعطيك حلول وانت ادرى بوضعك و وضعها وشوف ايش يناسبك وانت الوحيد الي يقدر يقول ان كان يحس ان فعلا تبي الطلاق والا وسيلة ضغط ونغزت شيطان والله يصلح حالكم ..

ما اقول الا الله يوفقك في كل خطوه تعملها ويصلح حال زوجتك وتكون زي ماتبيها واكثر ويبعد عنكم اصحاب النيه السيئه