السلام عليكم ورحمة الله وبركاته والصلاةوالسلام على رسول الله
اشكركم اخواني على مواضيعكم المفيده.... ما بطول عليكم بس اطلب منكم طلب انكم لا تتحاملو علي او تزعلو مني ....
ابا اسالكم هل انا طبيعيه او لا...
انا ما اريد اذم ريلي او اغلط في حقه انا اريد حل لصراعي مع نفسي ...
مشكلتي اني وايد حساسه
يعني اذا سمعت اي شي عن ماضي ريلي ايحز في خاطري واكره عمري لاني انصدم في زوجي اعرف بتقولون لا تسمعين بس حتى لو طنشت ايحز في خاطري... وآخر موضوع حسيت انه دمرني..
عرفت انه ريلي ارتكب الحرام وها الشي عرفته من زمان بس ما اتوقعت انه ممكن ايحمل وحده وايخليها اتسقط... وانا متزوجه من خمس اشهور وما حملت يوم عرفت الموضوع واتاكدت منه ابطريقه ما واتذكرت انه ايعيرني اني اصغير ولين الحين ما حملت على سبيل المزاح وكنت اقول ليش ماتفحص مثلي قالي انا واثق من عمري وانا ما كنت اعرف شو يقصد هو اب ها الكلام .... واخواني على كثر شوقي اني اييب ياهل على كثر نفوري الحين من ها الشي وصلت لمرحله صراع مع نفسي اني اصارخ وانا ساكته واصيح وانا اجبر عمري اني اضحك يعني اني امثل على غير عادتي .... اعرف بتقولون زوتيها وهو مب غلطان ها ماضي وانا ما ايخصني فيه بس ما اعرف كيف انسى دوم ادي الله بالصبر والهدايه يمكن اتكون عندكم نصائح لي ارجوكم لا تبخلون علي
ومشكورييييين