السلام عليكم ..

ممكن مساعدة من فضلكم هل هناك اكلات سهلة وسريعة لعزابي ذبحه اكل المطاعم ولا يعرف يطبخ ارجوكم ساعدوني ما اعرف اطبخ شي وفقع بطني اكل المطاعم

هاي طبخه دجاج سهله جدا وبالهنا ..

http://www.66n.com/forums/showthread.php?t=173673

__________________

يعطيك العافيه يا أختي مشكورة وعلى الله اعرف اطبقها صح لاني ما قد طبخت شي

تفضل أخي الكريم هذا الرابط

طبخات وحلويات الطوارئ في أقل من نصف ساعة

__________________
أنتهت الإجازة الصيفية وبدأ الدوام

اذا انت جاد وبالفعل

ابقولك شي قبل لا تطبخ

اوانيك المطبخية لازم تعرف شنو يكون متواجد عندك علشان لما تجي تطبخ ماتتوه

ولا تعرف شنو تستخدم للطبخ


والفرن يكون مبسط

بعدين لازم تعرف للبهارات

يعني على الاقل كبمتدئ وعزوبي وادا ماكنت تحب البهارات او تحبها بشكل خفيف او تحبها مرة

يكون متواجد عندكم الملح - وعلبه البهارات المشكلة الي يغلب عليها البهار فلفل - وسكر

وطبعا الدهن

والخضار ماتوقع تخلوا طبخة من:

من البصل والطماطم والبطاطس والثوم فلازم تكن متواجده عندك الا نادرا



وانصحك وانت بتروح السوبر ماركت تكتب قائمة لاحتياجات الطبخة وتدخل المطبخ وتشوف شنو الي موجود وشنو لي ناقص عندك وتشرتيه او تزيد عليه لاكمال مشتروات الطبخة

الحين بكتب لك 3 وجبات سهلات للافطار والغداء والعشاء

الفطور :

شاي حليب وخبز وبيض

طبعا علشان تسهل عليك امر الشاهي

ادا كان عندك غلاية حط الماي فيها يغلي

والكوب تحك فيه سكر وشاي لبتون وحليب ابو قوس

وبيض انت تقليه

او ادا ماودك توجع راسك حطه بقدر صغير واسلقه على نار متوسطة مدة 10 دقايق الى ربع ساعة


الغذاء:

اول شي يجب تتاكد من ان عندك بايركس للطبخ

المقادير : وبكتبه على اساس انك شخص واحد

بطاطا مقطع دوائر عريضة عدد واحده

طماطم مقطعة دوائر عريضة عدد 1

بصله واحده مقطعه واحده دوائر عريضة كمان

فليفلة خضراء مقطعة قطع متوسطة

كوسا اذا تحب مقطعه ايضا دوائر عريضة

جزر مقشر ومقطع دوائر

صدور او افخاد دجاج جاهز من السوبر ماركت وطبعا تخليه برى يفل ويروح التجمد منه ويصير لين


الطريقة:

1- الدجاج اغسله بالماي لانه راح يكون منظف لا توجع راسك وتاخد دجاجة وتقعد تنظفها وحطهم بقدر صغير وبهرهم بالملج والفلفل نفترض انهم 4 افخاد فتحط ملعقتين ملح وملقعه ونصف فلفل وتبلهم بالدجاج بخلطهم فيه واعصر عليهم ليمونه كامله وخليهم يتخمروا وادا عندك خل حط عليهم ملعقة طعام

في هذه الاثناء تكون انت تقطع الخضار

2- حط كل الخضار الي قطعته في قدر كبير وحطه عليه بهارات : ملح وفلفل

3- حط عليهم 4 ملاعق كبيرة زيت زيتون

4- بعد ماتخمر الدجاج تقريبا نصف ساعه ضيفهم على الخضار المقطع واخلطهم زين

5- حطهم بالبايركس كلهم وغطهم بورق المنيوم وشغل الفرن تحت على درجة حرارة 170 وخليه من الاسفل فقط شغله وخليه يسخن شوية

6- حط البايركس في الفرن مدة 45 دقيقة بعد 45 دقيقة تفقد الدجاج نالخضار واغرز بالسكين شوف استوت او لاء الاغلب انها استوت

7- سكر الفرن من تحت وشغله من داخل بس الهب الاعلى وشيل ورق الالمنيوم مدة 5 دقائق علشان يتحمر من فوق بس

8- واكله مع خبز وبالهناء والعافية



العشاء:

بصراحة في اشياء وايد سهله

تقدر مثلا تشتري مقليات : همبرجر دجاج او لحم او نقتس او نقانق او اي شي تحبه

وتقطع بطاطا طولية


وتقليهم وتاكلهم مع صمون وفيمتو ^,^


او تسوي لك كشري مثلا يصلح لغداء وعشاء

المقادير : لشخص واحد

نصف كيس مكرونة

كأس صغير جبن عدس اسود

كأس ونصف أرز المقدار طبعا كاسة الجبن الصغيرة

بصل مقطع شرايح

البهارات:

ملح

الصلصلة للكشري

4 طماطم مفرومة - نصف ملعقة ملح وفلفل - ودهن ملعقة طعام - صلصةحمراء. واذا تحب الصلصلة حارة حط فيها1 فلفل اخضر حار قرون مقطعة

تضعهم في قدر وتحط عليهم شوووية مماي يمكن ربع كاس جبن الصغير او اقل وتشغل عليهم النار عاليه وتحط عليه مالبهارات والدهن وتضل تقلب فيهم وخليهم مدة تقريبا نص ساعة بعدين اقفل عليهم.

الطريقة للكشري

1- اسلق المكرونة في قدر فيه ماي تقريبا 3\4 ماي وحط عليه ملعقة ونصف ملح وملعقة دهن لحد الاستواء تقريبا ثلث ساعة وصفيها من الموية في المشخال

2- اسلق الارز كما في ماي فيه ملح ودهن مثل المكرونة تقريبا ثلث ساعة وفيها من مويتها كمان

3- اسلق العدس في قدر صغير بعد لحد الاستواء ممكن ياخد معاك نصف ساعة او اكثر شوية وصفيها من مويتها بعد

4- اخد القدر الي سلقت فيه المكرونة وحط فيه زيت تقريبا ربع كوب كاس الجبن الصغير وخليه يسخن بعدين حط فيه البصل وقلبه الين يصير لونه ذهبي وطفي النار

5- حط شوية ازر بعدين شوية مكرونة وشوية عدس واخلطهم وارجع كرر العملية الين يخلص الي عندك وشغل عليهم شوووية النار على نادر هادية الين تحس انه بدا يطلع دخان او بس 10 دقايق وطفيه

6- اسكب لك صحن صب عليه صلصلة الي عملتها

وصحة وهناء ^,^

واي سؤال انا حاضرة

الله يرزقك بنت الحلال الي تريح من هالشقى

ويقر عينك بذرية صالحة

__________________

الاخت سحب مشكوره وماقصرتي يعطيك العافية على هالوصفات

الاخت دمعات الروح مشكوره على الشرح المفصل وجزاك الله كل خير بأحاول ان شاء الله اطبق الي قلتي عليه
وبالنسبة لادوات المطبخ انا عندي مطبخ متكامل فيه كل الادوات بس مشكلتي ما اعرف اطبخ ما ادري ليه كل ماحاولة اطبخ شي يخرب مااعرف حتى اساسيات الطبخ لكن استفدت من شرحك وان شاء الله تضبط معاي هاالمره

عندي عجه سهله وبسيطه وماتاخذ وقت والطعم رهيييييب وتقدر ستبدل الكراث بالبقدنس تطلع اطعم

http://www.66n.com/forums/showthread.php?t=173110

والشاورما ايضا سهله ومو لازم تعقدها وتتبل من الليل
http://www.66n.com/forums/showthread.php?t=173388

__________________
اللهم إني تصدقت بعِرضي على الناس وعفوت عمن ظلمني
وأسألك في ذلك بلوغ مراتب المحسنين
ربنا هب لنا من ازواجناوذرياتناقره اعين واجعلنا للمتقين اماما
رب اجعلني مقيم الصلاه ومن ذريتي
اللهم اني اسالك لذريتي صحبه الاخيار وتوكل الاطيار
اللهم الف بين قلوبهم وبلغني فيهم غايه املي ومناي بحولك وقوتك
اللهم اسعدني ببرهم في حياتي وبدعواتهم بعد مماتي

الله يوفقك ان شاء الله واحنا معاك بكل شي تبيه واي شرح لاي طبخة بس قول واحان نساعدك ان شاء الله


بلي نقدر عليه

موفق ان شاء الله

__________________

ام خالد مشكوره و يعطيك العافية على هالوصفات

اختي دمعات الروح ما قصرتي جزاك الله خير