السلام عليكم ورحمة الله وبركاته

اخواني واخواتي الاعزاء
بغيت اطرح عليكم هالموضوع واللي اعتبره المشكله الوحيده والشيء الوحيد اللي يضايقني من زوجي
فزوجي ولله الحمد ، انسان ملتزم وطيب وخلوق ، ويحبني ويحترمني وما مقصر معاي ابدا

بس عقدته اهلي، من ايام الخطوبه ما كان يختلط معاهم وبعد الزواج يروح بيتنا بالزور، في العيد او اذا عزموه عندهم وهذا بعد ما انا اترجاه
وانا كان بالنسبه لي عادي دام انه ما يمنعني ازورهم
لكن قبل شهر لما انا ولدت صار سوء فهم بين زوجي وامي بسبب وين اكون في الاربعين، وانا من ناحيتي راضيت الطرفين باني جلست عند امي اسبوعين ورجعت بيت زوجي بعدين
بس ما قدرت اصلح بين الطرفين لان الاثنين عنيدين، والحين لا امي تدخل بيت اهل زوجي تزورني ولا زوجي يروح بيت اهلي

الطامه الكبرى, اليوم يقولي زوجي ، في العيد انا ما بروح بيت اهلك، روحي بروحك
حاولت افهمه ان هذا عيد واللي صار بينكم شي تافه ما يستاهل هالزعل كله ، قالي ما يهمني انا ما بروح مكان ، انا عيوني دمعت لاني ما كنت اتمنى توصل العلاقه بينهم لهالدرجه وحاولت اقنعه ، بس قالي خلاص سكري الموضوع ولا تناقشيني فيه


قولولي شو العمل ،، نحنا في شهر رمضان وانا ما حابه تضل علاقتهم كذا لاابد....


تحياتي

__________________
Miss Oman

يا مرحبا بكِ..

اضغطي هنا و هنا

سلام

__________________

اشكرك اخي العزيز

لكن موضوعي يختلف عن الاخوات
لاني عارفه انه في مشكله هي اللي مانعه زوجي انه يروح بيت اهلي

بس عالاقل يوم العيد.....

__________________
Miss Oman

هلا اختي الغاليه اولا روحي قولي لزوجك ان اعمالك من صلاه وصيام
في رمضان ماترفع وانت متخاصم مع احد تجلس واقفه اعماله
الين يصالح امك والعكس صحيح وادعي الله دايم ان يحنن قلبه على اهلك
وعليكي ان شاء الله

خليهم الأيام كفيلة بالإصلاح بينهما وأياك من كثرة الزن على الأثنين راح يكبر الموضوع

الله يسخره لك وافضل حل الدعاء

__________________
مقبله على تلقيح صناعي دعوتكم بنجاحها فهي التجربه الثالثه بعد عمليتين انابيب فاشله

الله يهديها الوالده... اكبر غلط ان الام تتدخل في حياة بنتها .. ةالادهى والامر ان يكون تدخلها بشكل مباشر وجه لوجه مع زوج بنتها... يااختي حاولي تليني قلب امك وكمان زوجك وان مانفع طنشي لين تهدى الامور... اهم شي انه مايمنعك منها ... وان رحتي لامك لاتجيبين طاري زوجك الابالخير وعند زوجك سوي نفس الشي ... وان شاء الله مايصير الاالخير.

قولي مامتيك تكلمو وتقولو لا تنسى ان شاء الله لازم تجونا في العيد بس من غير ما تقوليلها عشانزعلان منك او اي شي

وزي كدا يعني سوي شي ما يزعل الطرفين .. او انو يمكن يكون مشغول... ان شاء الله تزبط و كل عام و انتي بخير

الله يهديه .....

لكن تبين رايي .... حاولي تصارحينه ...

قوليله غلاتي من غلاة اهلي ......

وحتى لو دارت الايام وغلطو علي اهلك ما اراح اقطعهم باوصلهم عشان خاطرك

ومن هالكلام وصدقيني ان شالله بيقتنع

وموفقه

__________________
وتبقى ... الحيـ ـ ـاه .. بــلا لــون ...
حتـى يــ ـــ ــورق ... زهر الايمــــان ...


لا اله الا الله رضيت بالله ربا وبالاسلام دينا وبمحمد صلى الله عليه وسلم نبيا رسولا

اوافق سحاب فالرد =)