زوجي عنده الحركة صفر وقالت لي الدكتورة ان مستحيل تحملين طبيعي لازم اطفال انابيب أو تلقيح صناعي وانا بصراحة مو متقبلة الفكرة عدل ابي من الي جربوا هالطرق يطمنوني هل اكيد يتم التلقيح بنفس حيوانات الزوج اخاف تصير خربطة ولا شي وهمبعد ما ادري شنو المضاعفات الي ورا العملية

الدكتورة حبطني كلامها تقول لي دام انج صغيرة احسن تسوينها الحين بويضاتج اوكي واحتمال النجاح اكبر وانا من تزوجت صار لي سنتين ونتائج زوجي ما تتغير شرب حبوب وما في ولا نتيجة او اثر

انا قلت يمكن في طرق ثانية اجربها قبل علاج بابر وحبوب يمكن تتحسن الحركة عنده بس اشوف العمر يمضي عمري الحين 24 وزوجي 30 اخاف يطوف بنا العمر وللحين ما رزقنا الله طفل

متحيرة وما ادري شسوي وانا ما خبرت لا اهلي ولا اهله بس انا واهو نعرف بوضعه واهو يقول لي على راحتج الي تقررينه بسويه

بشنو تنصحوني

نصيحة الأنابيب اليوم واجد مضمونة وناس كثير أعرفهم عملوها وعندهم ما شاء الله بالأربعة أولاد ،
الله يرزقج ويحقق أمالج .

__________________

السلام عليكم

انصحك اختي سويها ولاتترددي

والحمدلله هنا مستشفياتنا يخافون الله وماراخ يخلطون الانساب ولاشي

انا سويت تلقيح صناعي والحمدلله حملت وحتى انهم يتأكدوا وقت العمليه ثلاث مرات من اسمي واسم زوجي الرباعي

عشان مايصير اي لخبطة

والعمليه سهله جدا ماتاخذ ربع ساعه من غير بنج ولاشي

والحمدلله نجحت وحملت وانا الحين بالتاسع دعواتك لي بالولاده السهله والطفل السليم المعافى

وبالتوفيق اختي

__________________
اللهم لك الحمد حتى ترضى ولك الحمد اذا رضيت ولك الحمد بعد الرضا
الله يخلي لي ولدي حمودي حبيبي

آستخيري وسويها ..

__________________
وإني لأرجو الله حتى كأنني ... أرى بجميل الظن ما الله صانعُ .

ان شاء الله تولدين بالسلامة

طمنتيني وشجعتيني اخوض هالتجربة

انزين انتي في وين عملتي العملية؟؟ وعند اي دكتور؟؟

هلا اختي معليش توني شفت سؤالك

انا سويتها بالتخصصي بالرياض

وكنت اراجع عند استشاري اسمه رأفت الرجال

بس اللي سوت لي العمليه دكتوره بس مااعرف اسمها والله

__________________
اللهم لك الحمد حتى ترضى ولك الحمد اذا رضيت ولك الحمد بعد الرضا
الله يخلي لي ولدي حمودي حبيبي

أها

للحين ما قررت شنو اسوي افكر مع ان احس الوقت بمر وعمري يضيع جذي

توكلي على الله وسوي العملية عسى ان يكتب الله لك الذرية الطيبة ولا تنسي الدعاء والاستغفار

بصراااحه الدكتورة صادقه معك كثيير سنتين كافيه لتجارب الادويه ...صدقين لازم ماتتأخري وكمان لما تنجح يااارب تعيديه على طول بعد مايكمل المولود 6شهور مو أكثر ولا تتاخروا لأن عمرك ممتاز صغير بويضاتك تكون ممتازة ونسبة النجاح كبيرة أسألي مجرررررررب

من قلبي أقلك نصيحه لا تتاخرييييييييييي

__________________
قال صلى الله عليه وسلم: "ليس شيء أكرم على الله تعالى من الدعاء"
اللهم اني اطمع في مزيد رحمتك علي وعلى اخواتي في الله فرجا ورزقا يارحمان