اخي الموضوع خطير ولازم تنتبه عنفسك
اول شي ممكن البنت تكون مسكينة بس ممكن كمان ماتكون مسكينة
تاني شي ماعمرك توثق او تسدق حد من النت او الجوال
وليش تسمح لوحدة مجهولة تبدا تخرب حياتك؟
اتفهم رغبتك بالمساعدة لكن انتبه
المشكلة في هالزمن حسن النوايا صار يجيب المشاكل
ممكن تكون مسكينة لكن لازم تاخد في الاعتبار العكس كمان
لانو لحد الان ماعرفت شي اكيد عنها
خاصة انها مش راضية تكتب شي عن حالها
ويمكن مش راضية تكتبلك المشكلة خوفا من انك تضحك عليها
لكن من وين جابت رقمك؟وبما اانها خايفةومنهارة من استغلال الشباب لها
كيف بتأمن لشاب بعتت الو رسالة بالغلط؟
مش يمكن تستغلها انت كمان
انا بقول المفروض كيف تفكيرها يكون
يعني لو هية كلمت زوجتك مثلا يعني لو الرسالة وصلت لزوجتك وامنت لزوجتك معقولة كون انو بنات متل بعض
بس يعني بتقلك انو الشباب سيئين معها واستامنتك من رسالة
امر الرسالة غريب
اخي احذر يمكن تكون بنت كزابة او بدها تورطك في شي مابتعرف
فكر في كل الاحتمالات
ممكن تكون وحدة مش كويسة وبدها توقعك في شي او تخدعك وتلبسك تهمة او شي مالك علاقة فيه
وممكن تكون مسكينة الله اعلم
وانت بنفسك بتقول بدات تاثر عليك
وبتقول محصن نفسك ومش ممكن توقع بالحرام
هالكلام ماعليه شي
لكن الشيطان لما يدخل في الموضوع بوقع و بخرب البيوت
مابقول انك فاسد حتوقع في الغلط
لكن ممكن تخرب علاقتك بزوجتك
ولشو وجع الراس كلو؟
يجب الحذر في هذه الحالات
يعني استمر في محالة المساعدة ولكن بحذر واعمل مخابراتك
اقلك موقف
زوجي مرة وهوة بالسيارة قابلتو امراة فقيرة من جنسية عربية وبتعيط وحالتها حالة
وقلبو رق عليها وحزن علياه
اخدها بالسيارة وجابها للبيت
وقالت ظروفها انو زوجها لا يعمل وانهم لاجئين وووو
فقال زوجي حساعدك
واخدها عمكان سكنها
وكان لديها اطفال وزوج
ولان زوجي مش اهبل
سالو ليش مابتشتغل
قالو عشان مصاب في صابونة الركبة
عظمة عند الركبة
زوجي حس انو كزاب
لانو الرجال قاعد متربع على ركبته!!!
فزوجي قاله والي مصاب في ركبتو بقعد هيك
راح الرجال ارتبك وغير جلسته
وزوجي سالهم عن اسمهم وعيلتهم ومن وين جايين
فكانو بيلفو ويدورو
ويخبصو
مش عايزين يقولو شي
فاكرين انو زوجي اهبل
فقلهم طيب انا كيف اساعدكم لو مش راضيين تحكو شي
زوجي كان ناوي يساعدهم بمبلغ شهري لو تاكد من وضعهم
لكنهم ضلو يلفو ويدورو ويخبصو
وفي كزا شي دل انهم نصابين
من ضمنها الجلسة عالركبة وهوة مصاب فيها
وعدم قولهم اسمهم
وزوجي كان بسال الرجل شي
تروح زوجته رادة بدها تسكت زوجها الظاهر خايفة يقول شي يخرب خطتها
واحيانا الرجال يجاوب بشي
تروح زوجته بعد شوي تغير الكلام وتقول شي تاني
بالنهاية زوجي قال انتو مش راضيين تتعاونو
انا كنت بدي اساعدكم
وكنت بدي ادبر عمل الكو
لكن انتو هيك مش راضيين تخلوني اساعدكم
ارتبكو وحالتهم حالة
بالاخر تركهم وطلع
ما اريد قوله لك
انت تحفظ في كلامك مع البنت
وابعتث مخابراتك من ناس واثق بهم
ومن خلال شركة الاتصالات
ممكن تخلي حد واثق فيه يتصل فيها عاساس الرقم غلط
ويعمل حالو بعاكس
استدرجها في الكلام وقلها حقابلك
وراقبها من بعيد شوف مين البنت الي حتيجي
واتصل قلها اسف حصلت ظروف مااجيت بسببها
حاول تراقبها ولو اجت عالموعد (من غير متقابلها طبعا) وعرفت مين هية امشي وراها واعرف وين بتروح ووين بتيجي
يعني اعرف كل شي ممكن تعرفو عنها
ممكن في النهاية تكتشف انها بنت من اياهم
او تكتشف انها بنت لعوب
او خرابة بيوت
او بنت فعلا مسكينة بحاجة للمساعدة
وبالنسبة لزوجتك معها حق
وانا بقترح تقلها كل شي
عشان ماتحس انك بتعمل شي غلط
وماتخلي عواطفك تقودك لخراب بيتك في الاخر
وحط الاحتمال السيء بجانب الاحتمال الجيد بالنسبة للفتاة
لما تحزن عليها اتزكر انو ممكن تكون كزابة وتخرب بيتك وتوقعك في مصيبة
اسفة عالاطالة
لكن من خوفي على بيت مسلم من الانهيار
وبالنهاية اخي حتى لو طلعت مسكينة و الموضوع حيعمل مشكلة لزوجتك و شك و مشاكل
اعمل بالقاعدة الشرعية الي بتقول
درء المفاسد مقدم على جلب المصالح
يعني لو قدرت تساعدها و ماتعمل مشاكل في البيت كويس
لكن لو حيصير مشاكل بسببها اتركها والاولى والاهم بيتك
__________________
{ اللهم صل و سلم على سيدنا محمد }
رفيق العمر سافر حيث شئت وجرب في حياتك ماأردت
سترجع ذات يوم حيث كنت فعمرك في يدي والعمر أنت