السلام عليكم...بصراحة هذا اول موضوع لي في هالمنتدى..بس اللي شجعني اني اطرحة ان الاعضاء من الجنسين فراح استفيد كثير من خبراتكم..
ان شاء الله الشهر الجاي بيكون ذكرى زواجي الثالث..وحبيت تقولون لي على هديه او فكرة اسويها عشان يكون يوم مميز..
انا بقول لكم الهدايا اللي اهديتها لزوجي من اول ماتزوجنا..يعني مابي تتكرر
ساعتين- نظارتين شمسييتين- موبايلين- قلم ماركة- عطور- رحلة في اول عيد زواج الى المالديف- نعال ماركة- محفظة
ابي شي جديد..واذا كانت غرض مادي ياريت يكون ماركة وتذكرون لي الماركة عشان ماتعب وانا ادور...
انا بقول لكم اللي في بالي...افكر احجز يومين في الشاليهات..خصوصا ان احنا دايما نروح الفنادق فابي تغيير..شرايكم؟؟ بصراحة انا ودي اسافر بس لاني حامل في الشهر الاخير فماقدر اركب الطيارة..لو الفكرة عجبتكم ياريت تساعدوني في الهدية

__________________

يا اختي .. عيد الزواج امر غير موجود بالدين الاسلامي .. ولا تثقلي كاهلك بهذه الامور التي تزيد .. انظري بنفسك الموضوع بدأ يكبر والتكليف صار ازود ..

حياتك الزوجية لابد ان تتجدد كل يوم وليس يوما واحدا ..

اعتقد ان حفلة عشاء هادئة وكيكة صغيرة من صنع يديك .. ومسامرة بين زوجين.. وترقب لمولود ثالث ستملي صرخاته اجواء المنزل كفيلة باحتفال بزواجكما ..

كل عام وانتوا بخير وكل عام ونحن الى الله اقرب ..

اتمنى لو انك تهدينه هدية وقف الام اذا كانت امه حية ( حفظها الله ) او متوفية ( رحمها الله ) ..

وهي بطاقات تبدأ من 10 ريال وتنتهي الى 500 ريال اشتري واحدة واخبريه انك اشتريتها هدية لامه على ان يعدم ان يستمر هو بشرائها لوالدته .. وهكذا تكونين قد ساهمت بالخير .. والبطاقات متوفرة لدى مؤسسة الوقف الاسلامي .. صديقيني سيسعد بها ان انت اشتريتها لامه .. تحياتي ..

أختي فكرة الشاليهات حلوة ...
عندي فكرة إذا كنتي في السعودية ممكن تروحي إنتي و زوجك لمكة لآداء العمرة و قضاء عدة ليالي بجوار بيت الله الحرام .... أو الذهاب للمدينة المنورة و قضاء عدة ليالي فيها ..... تزورون فيها الروضة و المسجد النبوي و المصطفى صلى الله عليه و سلم .... و يمكنكم اصطحاب الأطفال في هذه الرحلة ....

و ثقي تماما أختي العزيزة أن هذه الأفكار سيكون لها تأثير رائع على حياتك الزوجية ....

مع تمنياتي لكي بسعادة الدارين .... أختك العربية ..