كرهت زوجي..و ارغب بالطلاق منه - منتدى عالم الأسرة والمجتمع

18-08-2008, 02:47 AM

gloomy eyes

عضو نشيط

تاريخ التسجيل: Sep 2007

المشاركات: 183

كرهت زوجي..و ارغب بالطلاق منه

السلام عليكم ورحمة الله

بطرح عليكم موضوع وأبي رايكم ونصيحتكم
أنا متزوجه صار لي سنتين

من بداية زواجنا كله مشاكل على امور سخيفه وزوجي لانه عنيد يسوي من الحبه قبه
زوجي يشتغل بعيد ومايجي الا يومين بالاسبوع وهذا حالتي على طول
لا في عطل ولا في دوااام على طول أنا بعيده عنه,,,,بعض الاحيان أترجاه ياخذني في منطقة عمله كم يوم في العطله يرفض ويصرخ <<مع العلم انه المقدره الماديه موجوده

صار لي سنتين على هالحال...طيب أبي أسافر؟؟؟
مافي فلوس....طيب عندي عطله أربع شهور خذني معاك.....ماأبي آخذك
والمشكله الثانيه ألفاظه مش أوكي معاي

وصلت مرحله لدرجة اني كرهته .....ما أحب أسمع صوته.....ما أحب أشوفه
ما أتخيل اني أظل معاه 20 و30 سنه قداااام
واذا زعلت مو هامه ولا يفكر يراضيني.....دايما يقول انتي ولا شي في حياتي

باختصار....أبي أتطلق
دايما يجي في بالي انه الحياه قدامي وعمري 20 سنه
يمكن الله يرزقني بفرصه أحسن منه
ايش رايكم في قراري؟؟؟
سالفة عطيه فرصه ثانيه ماتفع لأني عطيته فرص

عفواً تم تعديل العنوان ليتضح المضمون
الإشراف

التعديل الأخير تم بواسطة cutiepie ; 18-08-2008 الساعة 02:56 AM

18-08-2008, 03:24 AM

باقة الارجوان

عضو دائم

تاريخ التسجيل: Mar 2007

المشاركات: 61

صار لي سنتين على هالحال...طيب أبي أسافر؟؟؟
مافي فلوس....طيب عندي عطله أربع شهور خذني معاك.....ماأبي آخذك
مافهمت اختي هل انتي بعيده عن اهلك او انك بنفس المنطقه وتبين تسافرين للنزهه ؟ هل عمله مؤقت في تلك المنطقه ام دائم؟
اذا كان سفرك من اجل اهلك المفروض ما يمنعك من ذلك وخاصه وقت الاجازات حرام تضلين لوحدك وهو بعيد اما اذا كان للنزهه فالافضل يكون موجود معاكي خاصه وانتم في مقتبل حياتكم الزوجيه
اذا كان عمله مؤقت فالافضل عزيزتي انك تصبرين شوي هو اكيد ما جلس بعيد عنكم الا لان مميزات ذلك افضل لحياتكم مستقبلا اصبري وحاولي باليومين الي يجي فيهم تهتمين فيه وتعيشينه في اجواء يتشوق للرجوع وما يفارقكي فتره طويله
اما اذا كان عمله دائم فحاولي تعرفين الاسباب وراء رفضه باسلوب وحوار هادي
عزيزتي حاولي انك ماتفكرين بسلبيه وانظري من زاويته هو فربمبا له وجه نضر أفضل فالحياة الزوجيه لابد فيها من التنازلات
عزيزتي امهاتنا يقولون ولدك على ماتربيه وزوجك على ماتعوديه
فاذا كان هو عصبي ويتلفظ عليكي زي ماتقولي فحاولي تمتصي غضبه وتعوديه على الحوار الهادي والله يعينك على التحمل لا تنتضري من انه يراضيكي فنفسية الرجل غير نفسية المرأه الرجل يكابر كثير هو يحبك في صمت بعض الرجال ما يحسنون الكلام المعسول ولاكن افعالهم تدل عليهم

18-08-2008, 11:27 PM

lona81

عضو دائم

تاريخ التسجيل: Jan 2004

المشاركات: 90

استخيري .... بعض الرجال مايستحق اتضيعين معاه عمرك

18-08-2008, 11:37 PM

gloomy eyes

عضو نشيط

تاريخ التسجيل: Sep 2007

المشاركات: 183

باقةالارجوان مشكورة على الاهتمام....من ناحية العمل....هو عمله بعيد وأنا أظل على طول بيت أهلي
كان اتفاقنا انو نظل على هالحال طول فترة دراستي ....بس ظل يحاول فيني عشان يبي يجمع فلوس فما يحتاج نضيع فلووس في أجار<<نعيش في شقه في بيت أهله>>
وافقت بس شفت نيته يجمع فلوس لأسباب بعيدة المدى...يبي أرض ويبني بيت
طيب مافي وناسه مافي سفر.....لا ماعنده مشكله هو اذا ماسافر

lona81 يابعدي ....أفكر كذا لأني كرهت حياتي وأنا في بدايتها شلون بعدين؟؟؟

الله يعطيكم العافيه

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه