برد رد مختصر وبكره برد على كل رد لوحده

اشكر الجميع ............

يا ابو وضحه بس المشكله ان والدي متوفي

ولا عندنا اخوان كبار يعني مافي رجاجيل في البيت

عشان كذا العيال ماخذين راحتهم وزوج اختي مايرضى ولا يدري ان عياله كذا مهيتين في الشوار وعلى فكره

ابو زوج اختي مثل ابوك بعد صلاه العشاء على طول نوم حتى لو ان الولد شنبه اطول منه


ايييييييه بس تربيه الحريم كلها عواطف مو مثل الرجاجيل الله يرحم ابوي

اللي يصير في بيتكم يصير في كثيرر من البيوت ,,,
بس يا أنك تقنعين أمك ,,
يا تنامين في بيتك أأأأريح لك,,
بس ماقلتي رآآئ أمك في الازعااج ؟؟شكلها مبسوطه بجمعتكم..تحيتي..

__________________

مرحبا اشكر الجميع على الرد

بالنسبه لامي الله يخليها لنا طييييييييييييييييبه بزياده

ما تحب تتكلم ما تحب الازعاج ودايما تصلح البيت والكل يخرب

امي طيبه لو شخصيتها قويه ماكان صار هذا حالنا

هي تحب الهدوء واذا رحنا تستانس وحتى اذا جينا تفرح تحب جمعتنا بس احس انها ماتبي احد يبات عندها

بس ما تبي احد يزعل عشان كذا تسكت وتعطيهم وجه

ونسبه لاخوي وتعاملها معه كم مره نكلمها ونقول لها انه كذا بيخرب وهو ولدها الوحيد وماعندها غيره

بس ما تقتنع مخليته على كيفه واختي مثلها تقول كل الناس صارو كذا شوفو اصحابهم يطلعون واهلهم مخلينهم

واذا قلت لو انه عادي قولي لابوه انه يطلع 24 ساعه ولا يرجع الا الفجر تقول اصلا ابوه معقد يكبر السالفه

المشكله حتى الجيران تكلمو ونصحوهم ونبهوهم انهم يمشون مع ناس اخلاقهم شينه

بس ما يقتنعون خاصه اختي تقول كذابيه والمشكله مو واحد الي تكلم كثير عشان كذا انا انقهر من برودهم

واخوي وولد اختي حلوين ومحترمين اخاف عليهم واخاف يخربون خاصه ان اخوي مالنا غيره وولد اختي بكرها وفرحانين فيه

نبيهم يكبرون ونفتخر فيهم بيهم رجاجيل بمعنى الكلمه

اما بنسبه لعيال اخواتي الباقين هذولي ما يعترفون بمراجيح وزحاليق يبيون طلعات وشاليها ومسابح ودبابات

هذا الي يبونه بالنسبه للبنات والاولاد الصغار ممكن نشتري لهم الوان مثل ماقالت الاخت البحله بالنفس

فكرتك حلوه بس المشكله انا اكثر وحده تدفع في طلعات وتمشيات
زوجي الحمد الله مايقصر معي

دايما انا احجز شاليها واستراحات عشان ينبسطون البزارين بس والله كل ما طلعنا ينكدون علينا

لما نتقهوا يهجمون علينا لما نبي نتسبح في المسبح يسبحون معنا

كم مره اخذ استراحه واقول لهم ترا بحجز استراحه وينبسطون واقولهم بس بشرط احنا الكبار نتسبح اول واذا خلصنا انتم تتسبحون

يقولون طيب اول ما ندخل الاستراحه على طول كلهم سيده للمسبح ولما اعصب واقول لامهاتهم يضحكون

بكل برووووووووووووود

وانا انهبل واخر مره حلفت قلت والله ما عاد احجز اي شي تبون انتم احجزو لانفسكم ولعيالكم

وبعدين خواتي ازواجهم على قدهم ما يقدرون يدفعون فلوس عشان يسجلون عيالهم في نوادي والله هذا احسن حل

بس حالتهم الماديه ماتسمح

يعني كل شي متعقد والمشكله ان خواتي ما ادبو عيالهم عيالهم غير مؤدبين

ا

احنا ما شاء الله بعد عائله كبيره عندي ولله الحمد اخوة وكل واحد طالع لوحده بيت مع عائلته بس في الصيف وايام الاجازة يجتمع الكل في منزلنا لانه هو منزل العائله
وكل الناس يحسدونا على جمعتنا والحمد لله
ورغم ان بيتنا كبير والحمد لله وفيه غرف كثيره ولكن لان تجمع الاطفال لابد من وجود ازعاج كبير وهواش بين الاطفال
ولاني انا ليسا ما متزوجه وجالسه في بيت العائله مع امي وبصراحه انزعج كثير من صراخ الاطفال وخصوصا انهم الله يهديهم كثير ما يكسرون الاثاث او يوصخون الفرش
والوالده الله يحفظها كثير ما تزعل مني اذا شافتني اهاوش احد وتقول لي اذا تبي رضاي لا تزعلي احد من اولاد اخوانك

عشان كذا كنت احاول اقضم غيضي منهم ههههههههههه مع اني احب جيتهم كثير وعندما لا يكونوا موجودين يصير البيت هادي جدا ههههههههه الله يحفظهم
المهم عشان كل هذا فكرت ان اضع برنامج للاطفال بحيث اننا نشغلهم وبهذا يقل ازعاجهم وصراخهم في البيت
مثلا نخصص لهم غرفه في البيت تكون لهم يلعبوا فيها كيف ما ارادوا
واحيانا اقسمهم لتنظيف وبذالك يحسوا ويشاركوا في نظافه البيت
الافكار هذي تنجح احيانا كثيره

اختج لانها تزوجت وعائلت زوجها مثل ما تقولي هادئه فاكيد اختك تعودت على تلك الحياة
صدقيني انا بعد اختي لما تيجي لزيارتنا بعد تكون متضايقه شوي بس بعدين تتعود على الازعاج

اختي اذا كانت بيوتكم قريبه يعني خلي الاجتماع مره في الاسبوع مثلا ومو لازم كلكن تباتن في نفس اليوم

اختي احنا نجتمع كل خميس ونروح الجمعه اختي الكبيره ما تبات

واختي الي اصغر من الوسطى زعلانه من زوجها من سنه عند اهلي وعندها خمسه

وانا عندي طفله وحده وصغيره يعني لو ابات شهر اهلي يستانسون لانهم يموتون على بنتي وبنتي هااااديه

وكل عيال خواتي اهلي يحبونهم بس تعرفين هم شياطين وغير مؤدبين

واختي الوسطى عيالها كثار ولاااااااااازم تبات وبيتي وبيتها جنب بعض

ونروح ونجي لاهلي مع يعض وانا مرتبطه فيها غصب عني بس زوجي يقول تعالو مع بعض وروحو مع بعض

السلام عليكم

أختي لا تزعلي نفسك ما دام ما بيدك شي

اجتمعي معهم بالنهار و روحي نامي بيتك و ريحي راسك

أسأل الله أن يصلح حالكم

__________________
سبحان الله و الحمد لله و لا حول و لا قوة إلا بالله
.

رغم كل الصعوبات ... استمتع بجمال الحياة ...

::

اليوم الخميس واختي الوسطى مو رايحه لبيت اهلي تقول ما بي هواش ومشاكل

كله عشان اختلي الي اصغر مني وعصبيتها الي مالها داعي

مشكلتكم يبي لها رجال لازم تكلمون والد ابن اختك واخوك كلمو احد يخاف منه خال عم والصغار سوو لهم برنامج اشترو لهم مسبح صغير حطو لهم جدول بالاعمال امرهم سهل مو بالنسبه للكبار انتبهو لهم الموضوع خطيرررررررر الله يجمع شملكم ويسخركم لبعض

__________________
مقبله على تلقيح صناعي دعوتكم بنجاحها فهي التجربه الثالثه بعد عمليتين انابيب فاشله