بلييييييييز ابي حل ما عندي وقت وباعطيكم افكار بعد
السلام عليكم ورحمة الله وبركاته
انا هذي اول مشاركاتي بالمنتدى .وباقول لكم مشكلتي وطمعانه انكم تلقون لي الحل
انا الخميس الجاي يوم زواجي واليوم قعدت اجمع افكار وهي:
1-كرت على باب مدخل البيت مكتوب عليه ((لاتفتح النور))و((اتبع الشموع))
2-هذي الفكرة خذيتها من واحد من الاعضاء وهي احط طاوله بالسطح واحط مسجل بس اخلي الطاوله وقت العشاء يعني وهو بالجلسه وجاء وقت العشاء اجهزة بالسطح واتصل عليه بالجوال واقول له يطلع من الغرفه ويتبع الشموع الاما يطلع السطح
3-هذي الفكره بتعجبكم انا من الحين شريت فراوله وقطعتها نصفين وحطيتها بقوالب الثلج وصبيت عليها مويه وفي الفريزر ولما اجي اقدم العصير تصير موجود الفراوله بشكل مرره حلو
4-احط على طاولة العشاء كرت طويل واخليه واقف ويصير زي المنيو اكتب عليه قائمه باصناف العشاء الموجوده والتوقيع اطبع عليه قلب
5-لما ينتهي من العشاء اجيب له الفاتورة وهي كرت مكتوب عليه المبلغ المطلوب:150 بوسه والدفع كاش ولا تقبل الشيكات وبطاقة الصراف الالي هالمطعم رخيص صح
6-احط في 3 كاسات مختلفة الاطوال ورق ورد احمر واسكب عليه مويه عشان ما يطفو الورد احط في الكاس شمعه منبسطه بتسد فوهة الكاس واولع الشمع وتصير في وسط الطاوله وشكلها خيالي
7-جيك المويه اللي على الطاوله احط في نفس فكرة الفراوله في قوالب الثلج بس بدال الفراوله ينحط ورق ورد احمر
8- اما الجاتو والعشاء والورد اخلي المحلات يجيبوة من المغرب عشان ما يشوف شي
وش رايكم؟ ابي رايكم من جد سواء رجال او نساء عشان اعرف
وبغيت اسالكم متى احط الجاتو بعد العشاء او قبل ووين بالغرفه او في السطح
ومشكلتي هي ان خالتي ساكنه معي بالبيت وابغاها ما تكون موجوده بهاليوم يعني ولدي باوديه عند اهلي وهي المشكله وقلت لزوجي بس مستحي يقول لها وانا عندي فكرة اني اقول لاخت خالتي لاني امون عليها وهي تحبني اخليها تقول لخالتي تجي تنام عندها
وش رايكم واي حلول وافكار لاتبخلون علي فيها واردها لكم في الافراح انشاء الله