مساء الحب ..

عزيزتي قطوه

لاتخافي ولاتحاتي شي ابد .

انا زوجي من بدأ يشتغل ويفتح مشروع بعد مشروع
صار مثل زوجج .. يجي تعبان وزهقان مايريد غير الاكل والنوم والتدليك والراحة في البيت.
حتى هو بنفسه يقول البيت صار فندق !
وانا مثلي مثلج انتظر اليوم الي بنام فيه معاي وبرحني فيه على جمر ,
حاولت احسسه بحاجتي له وان رغبتي مااقدر اسيطر عليها وووو
قام يقول لي مارسي العادة السرية!!

طبعاً مب من خاطره , لكنه مشغول ومايقدر يمارس لان
طاقته كلها في الشغل .

مالنا غير الدعاء وقراءة القران عشان الله يلهمنا الصبر على حاجتنا
وعلى انشغالهم الزائد .

والي نفع معاي .. اني كرست مجهودي كله بس في راحته
اجهز الاكل ولشموع .. ترتيب الغرفة كل يوم بشكل مختلف .. انواع
المساجات تعلمتهم من بعض المعاهد بس عشان خاطره , كيف اجهز الحمام
الي راح يسعده .. ملابسه تكون جاهزة ومبخره عطوره انا اشتريهم ..
يعني كرست نفسي له وبعد سنة ,,حسيت بتحسن منه
وهو بنفسه حس انه مايقدر يستغنى عني وخجل من نفسه انه دايم مشغول عني .

اسمحيلي عزيزتي طولت عليج .. بس مااوصيج غير الصبر والعمل,
وترى الحياة الزوجية مشاركة .. وانتِ بيته وسكنه وراحته .. واستغليه وخليه يكون درب وباب واسع للجنه انشاءالله.


تحياتي لج