اهلا بالجميع
احب اعرض عليكم مشكلتي المزمنه ( اتمنى اني اكتب وانا رايق بس مليت انتظر الجو المناسب ولا لقيت)
فالكتابه والنسان غير غضبان يكون فيها الانصاف اقرب من الظلم
اخواني اخواتي انا متزوج منذ5سنوات ولله الحمد رزقنا بتؤم بنات حلوات (الله يصلحهن ويحفضهن وجميع ابناء المسلمين) انا موظف وزوجتي ربة منزل وطلبت مني خادمه ولبيت طلبها . مااراح اقص لكم قصة حياتي
المهم في حياتنا اننا عندنا مشاكل كثيرة ودايم نتخانق كثيرررر باسباب بسيطه واحيانا عادية
انا لا ابري نفسي من الخطاء لاكني زوج اخاف الله فيها
فالبي طلباتها واعطيها هدايا كثيرة ودايم اوافق على طلعاتها مع اهلها .
1-المشكلة الاولى : لوطلبت زوجتي زيارة مع امها (كثيرة الخروج ام زوجتي) وقلت لها لا تقوم قيامتها
بالعربي انا سمح بالمعقول بس هي ماتبغى كلمه لا ابدا ابدا وهي تتروح كثير مع اهلها عادي4 ايام بالاسبوع !!!! هذا غر طبيعي فلما ارفض تقوم وتعصب وتنكد علي ..
2-المشكلة الثانية :انا بطبعي عصبي وهي من سو حضي عصبية فمشاكلنا كثيرة وسريعه الاشتعال
3-وصلت لحاله من كثر المشاكل اني فقدت عامل اساسي وهو
الاستقرار
ففي الاسبوع مشكلتين الى ثلاث .
4- زوجتي مدلعه وبس تزعل على اتفه الاسباب حتى في الامور الرومانسية تزعل وتعصب ليش ماناظرتها يوم تدخل لابسه غير .... طيب انا عندي دوامين وضغوط ماليه وتوني جاي من الدوام مالي خلق
شي وكلمتها وعلمتها عن الضغوط لاكن مافيه فايدة دايم قاعدة لي في التشكي والتنغيص والتدلع
تعبت منها كثير
حقيقة لابد ذكرها اني انا وزوجتي نحب بعض قووة ولله الحمد . بس مدري وش سالفة هالمشاكل مدري من سبب الفراغ الي عندها حيث ان الخادمه شايله كل شي عنها.
الوضع الجديد لزوجتي في النت واذا ملت تتابع في القنوات واذا خلصت البرنامج المفضل رجعت الى النت وكل
مارجعت او طلعت مشوار القاها على هالوضع طبعا اذا دخلت تركتهم (الحق يقال ) لاكن اني اخاف من الفراغ الي عندها يوديها لشي موكويس واحيانا اقولعيب تفكر كذى بس الفراغ مشكله.

خاطرة في نفسي "يوم كنت عزوبي والله العظيم اني سعيد" ولى شفت المشاكل الى بعد زواجي
يكفيكم اننا بادين في الهواش في 7 يوم بزواجنا؟؟؟
يقول حكيم " اللليلة السوداء تبان من المغرب"
فااحس ان كلامه صح.
واسمع الكثير يقولوا اهم شي بالزواج الحب ولله الحمد يوجد حب.
بس ياجماعه مليت من المشاكل .
امس متهاوشين تقول انا تعبانه ليش ماقلتلي الحمدلله على السلامه يوم رجعت من اهلي..
بالله هذا سبب يستدعي نكد يوم ...
ويوم تراضينا تقولي
"انا شايله هم لك في الاجازة لانك بتتخانق معي عشان الزيارات " مع العلم انك يازوجي العام الماضي كنت حلو
بس انا اخاف تسوي فيني مثل قبل العـــــــــــــــــام !!!!!!!!!!
قلتلها ان معك بحدود المعقول والعام تتغيييرت عشانك وشلت كلمة "لا " من قاموسي
((((وهذا خطاء لاني لا اشعر بالسعاده بسبب انني لا استطيع ان امنعها من شي)))

حقيقة انا طفشت منها زمن مشاكلها الكثيرة ويوم افاتحها بالموضوع المشاكل الكثيرة تتهرب وماتتفاعل مع الموضوع وكانه لايعنيينا ممايشكك ان لها والله اعلم هدف من وراء المشكلات برئيي
هو محاولة السيطرة على لاكون كزوج ابوها ورجال خالاتها رجال بالشكل فقط فزوجتي تريدني
كالطفل امشي على كيفها .....
بسبب هذه المشاكل على مدى 5 سنوات
كرهت الزواج ,واحس بفشل زواج بسبب تربية زوجتي فلها ارشيف عندي بمواضيع كثيره تقنع الجميع باانها فاشله كزوجه
مثلا: ادخل من الدوام والقاها نايمه واصحيها ولاتقوم هذي مشكله مزمنه ..وفي بدية الزواج وصلنا للطلق
وكل واحد عند اهله بسبب مشكله الرحات والجيات والاهمال لاتكوي ولاتغسل ولاتطبخ وتقول ودني لماليزياء
ودي اسافرلللخارج ,,,ورغم هذا كله تحملت بسبب الحب وهي تعتذر ماتقصر
بس انا ممادري ايش سبب هالمشكال ؟؟؟ هل سااتحمل طوال العمر
احيانا افكر بالطلاق بس احبه وتحبني وبيننا اولاد..
ياربي ساعدني تعبت
انا بين نار اموري المادية (ديون بسبب الزواج وتبعاته)) ونا من زوجه كل سنه لها مشكاكل رغم اني احاول ارضيها جبتل لها خادمه كما اسلفت رغم عني مرة تسلفت وجبت لها جوال ب1200 ريال .
زوجتي رمانسيه وجميله وحنونه بس كثيرة المشاكل والتي اخاف انها تنتهي في الطلاق
ارجوا المساعدة لاني تعبت حتى صلاتي ودوامي بديت اخربط فيه بسبب المشاكل

تقبلوا خالص شكري وتقديري
اخوكم

سبحان الله

الحمد لله

و لا إله إلا الله

دستور الأسرة السعيدة , أحدث مواضيعي , شرفوني بمروركم