ولله بجد هالموضوع حلوووو...

بصراحة انا عودت زوجي على كشتي من الصبح اذا ما شاف الكشة يستغرب ويحس شي ناقصني لأنه يبي

يضحك من الصبح ومرات أبي أتعدل له ماخليها يقول وينهي خشيتيها ليش مريضة فيج شي؟؟!! خخخ

والشي الثاني بروحه تعود عليه انه ما ياكل من دوني لازم أكون مقابلته حتى لو ما آكل وهالشي يعجبني...

و عودته اذا جبت له هدية قبل يفحتها يقووول >>عطر<< صح؟؟ أقووله وشدرااك؟؟ خخخخ

وعودته انه يحط لي المناكير في يدي اليسار لأني ماعرف .. الحين من يشم ريحه المناكير يقول هااا فووقه

اقول له فوووقه .. لا وصار يحط لي احسن مني .. عجبته السالفة

وأخيراً العادة اللي تعلمتها عشانه و حبيتها من قلب أنه لما يقرا الجريدة ويوصل حق ملف الرياضة يقول يلا جا دورك ...وأقوم

أقرا له النشرة الرياضية زي الأخبار لا و كنسلت عليهم بعد.... وعشان كذا يوم ينشغل ولا شي وما يحضر مباراة ما يحاتي

لأني أقول له اللي صار لا مع النشرة التحليلية بعد....والله شي.. واذا صار وماتابعت مباراة يزعل

ويتضايق ...

وبس هذي اهم العادات اللي تذكر... ومنكم تنعلم...

__________________
الاخت الفاضلة

الصورة الرمزية مخالفة ولا بد من تغييرها تجنباً لايقاف العضوية

الله يلحي ايامج يابنت بلادي

ههههههههههه يعيني على الكشة

خلاص صارت امر لابد منه


ماشاء الله ماشاء الله ماشاء الله الله يبعد عنكم العين

عادات جميلة تنم عن صداقة قوية وترابط حميم

تدرين احسن شوي سويتيه انج صرتي له صديقة وصاحب اهم مافي الموضوع لانه اهم حتى من الحب والرومانسية هذي وجهة نظري

لاني اتبع مثل الاسلوب مع زوجي ومن الصداقة تتولد محبة صادقة خالصة وليس مجاملة

الله لا يغير عليكم يالغلا ويزيدكم مودة ورحمة ومحبة وغلا

شرفتي باضافتج اللطيفة الجميلة

اسعدني مرورج الكريم على الموضوع

ماننحرم الطلة العسولة ياقمر ^_^

__________________

ما شاء الله تبارك الله الله لا يضركم ويا رب ان خطيبتي تاخذ من كل وحده منكم الله يستر بيبدا شغل المقارنات شكلي بحرم ادخل على مواضيع زي كذا لا انصدم بالواقع بعدين

اهلا ومرحبا وسهلا بك اخي الكريم تعبت اعطي وبمرورك

ان شاء الله تكون مثل ماتبي ويسخرها وقلبها لك

مافي مقارنات ولا شئ حنا اهني كل متزوجة تبي تفيد اختها المتزوجة الثانية

اخوي مو المهم انها تسوي مثل مانسوي احنا لازواجنا المهم انها تكون قايمة فيك وبحقوقك ترى هذا الاهم والمهم

واما الاشياء الي نسويها مجرد اشياء تكميلية اتوقع لا تضر ان لم تفعلها وتنفع وتضفي على الحياة الزوجية الكثير من السعادة ان فعلتها

تعتمد عليها وعلى شطارتها

يا اخي احنا جزء من الواقع الي خايف تنصدم منها

احنا مانحكي قصص خيالية احنا نتكلم لاننا جزء من الكل الموجود في المتجتمع

مو يقولون لو خليت خربت ^_^

هذا احنا الي لو خليت

وبالعكس ظل ادخل هالمواضيع علشان تنتفح نفسك على الزواج وتقدر ايضا توجه زوجتك باسلوب غير مباشر لهذه الاشياء

علشان احنا ناخذ ثوابكم ^_^

ودعوة لكل النساء انها تضفي على حياة زوجها بعض اللمسات الجملية سيعود عليها بالنفع قبله ان ينتفع هو بحركاتها الجملية


الله يوفقك يا اخي الكريم مع خطيبتك وزوجة المستقبل ويعطيك على قد نيتك معاها وتكون مثل ماتتوقع وافضل ان شاء الله

هالله هالله فيها علشان كل ماعطيتها تعطيك ازود

واشكرها علشان تتفانى في تقديم الافضل لك

شكرا لمرورك اخي

دعائي لك بالموفقية انت زوجتك المصون ^_^

__________________

جزاكم الله خيرا وأسعدكم بطاعته

شكرا ياوردة على الدعا الطيب

وتسلمين على المرور والتعقيب الجميل


لاهنتي ياعمري وشرفتي

ماننحرم ^_^

__________________

انا عودت جوزي انه لازم يصبح علي مهما كان الحال اللي نمنا عليها يعني نمنا زعلانين او مبسوطين لازم يصحي ويقولي صباح الخير مع بوسة ما ادري بس احس انه لما يصبح علي واصبح عليه يبدا النهار بحنية

ماشاء الله ماشاء الله

هذا ماكانت ارمي له يعني عادة حتى لو كنتوا متزاعلين تعملوها

وكفيلة انها ترجع المياه لمجاريها

حلوة جدا جدا العادة الي تعملوها

الله يخليكم لبعض ويحفظكم ويحرسكم من كل شر وضر

الله يزيدكم فضله ونعمته


شرفتي يالغلا واسعدتني اضافتج الجملية

ماننحرم هالطلة حبيبتي ^_^

__________________

عودت زوجي ان ادلله باستمرار.... وعندما أزعل منه يحاول يرضيني باحضار الفواكه التي أحبها
وبدوري أقول له (تسلم يدك حبيبي ليش تعبت نفسك)طبعا لايرد ولكن.........
طاح الحطب

__________________
اللهم في الصالحين فأدخلنا
وفي العليين فارفعنا