انا اعاني من القشرة وما ادري من متى لاني اكتشفت بالصدفه لما كانت الدكتورة تفحص شعري كاجراء روتيني بالمدرسة قالت لي ان القشرة عندك خياليه وغير طبيعيه ولازم تشوفين لها حل انا استغربت لاني عمري ما لاحظت اي قشور بيضا او اي شي..

رحت الصيدليه وطلبت شامبو نيزورال وقالي عندك قشرة جافة ولا دهنيه قلت ايش الفرق؟؟ قالي تشوفين القشرة على ملابسك وواضحه عندك قلت بالعكس عمري ما لاحظتها او حسيت فيها قال اجل قشرة دهنية لازقة بفروة الراس ونيزورال كويس للقشرة الدهنية لكنه يجفف الشعر جدا قوي جدا ولا يستعمل اكثر من مرتين بالاسبوع..

انا طولت عليكم بالموضوع بس انا مستغربة هالشي هل سمعتم بالقشرة الدهنيه ؟ وهل نيزورال او اي شامبو للقشرة كفيل بعلاجها؟؟ هل القشرة الدهنيه تسبب تساقط الشعر؟؟ لاني من فتره الاحظ تساقط بشعري لكني كنت اعتقد انه بسبب حبوب منع الحمل..

والشي الاخير والمهم جدا بالنسبه لي هل فعلا لن اشفى من القشرة لاني كل مرة امشط شعري بالفرشاة ترجع لي وما يجب عمله هو تعقيم الفرشاة كل يوم؟؟

واخر سؤال واسفه جدا للاطاله والازعاج ماهي افضل طريقة لتعقيم الفرشاة ؟ انا جربت انقعها بمحلول ديتول لمدة ساعتين ثم غسلتها بالماء فهل هذا صحيح وكافي؟ ام ماذا افعل؟؟

ولكم جزيل الشكر..

__________________

حبيبتي ف البدايه يجب التخلص من القشره لأن حتى لو نضفتي المشط برد يتوسخ مره ثانيه
أنا أنصحج بشامبو فونجيتار ... خليه ع راسج نص ساعه وبتلاقينه ف الصيدليات مكتوب عليه دقيقتين إلى ثلاث دقائق..
وشوفي هالرابطه إن شاء الله تنفعج أكثر..
http://www.66n.com/forums/showthread.php?t=160669
ودعواج لي بزوج الصالح والذريه الصالحه عاجل غير آجل يااارب..
آسفه طولت عليج
تقبلي مروري ..
اختج:
خيوط الحزن..

__________________
ادعوووووووووووووولي أن الله يرزقني الرجل الصالح عااااااجل غير آاااااااااجل يااااااارب

حبيبي ما في يقدر على القشره ..

لاني انا بعد اعاني منها والدكتور قالي القشره ما تقدرين تخوزينها لو شو ما صار

ممكن تختفي فتره وترجع لج وكانج ما سويدي شي

على شامبو نيزورال وايد مفيد جدا .. وصعب يعطونج الصيدليه بدون وصفه طبيه

اختي استخدمته .. وفعلا القشره اختفت من على راسها ..

بس لما خلص رجعت لها ولا كانه سوت شي

لانج لازم تداوين على استخدام شامبو ضد القشره...

الله يعينها ..

انا سمعت الليمون الحامض يقضي عليه ..

بعد نفس الشي يقضي عليه فتره وبعد ترجع ...

ياساتر يعني بعاني من القشرة طول عمري وش هالاكتئاب اللهم لا اعتراض..

انا عارفه اني لازم اقضي على القشرة بس على كلامكم يعني خلاص طول عمري لازم اعقم فرش الشعر في بيتي !

وبالنسبه للتعقيم محد قالي يكفي التعقيم بمحلول ديتول؟ انا انقعها فيه ساعتين وبعدين اشطفها بماء فقط يعني ماستخدم صابون مجرد النقع في الديتول يكفي ام لا؟

صراحه ضاق صدري يعني اذا تركت نيزورال بترجع؟ طيب وش رايكم استمر على نيزورال مرة بالاسبوع بشكل دائم عشان ماترجع تتوقعين تنجح؟ بصراحه اكره نيزورال يجفف الشعر مرة وبعدين بكرا يتلبد ويصير غريب مرة عشان كذا اشيل هم اذا بغيت اغسل شعري بنزورال الله يكون بعوني وعون اللي يعانون من القشرة زيي..

خيوط الحزن حبيبتي ولو ان اسمك يجيب ضيقة الصدر بس تراني دعيت لك بالزوج الصالح والذرية الله لا يحرمك منها ويزرقك فيها عاجلا غير اجل انك على كل شئ قدير..

__________________

منو قال القشره ماتروووح ...
حبيبتي هالكلام مب صحيح أبدددددد ...
أهتمي ف شعرج سيري الصيدليه وسألي عن أفضل منتج لإزالة القشره والله معاج ..
ترى أخوي شعره قبل كان مليان قشره مب قشره عاديه اطيح ع الملابس لاا بس كانت القشره اللي عنده عالقه ع راسه يعني يوم تقشرينها أوتغسلي الشعر اطيح بس ألحين ماشاء الله مافيه قشره ولا شي ..
بتسألي بتقولي أخوج شو سوى بقولج والله ماسوى شي بس كان يغسل شعره عادي ولا حاس انه عنده مشكله أصلا..
فإنتي لا تضايقين ولا شي وخلي علاقتج مع ربج قويه ودعي ربج ترى مع ربنا مافي شي مستحييييل..
تقبلي مروري الغاليه ولا تضايجين وله شي ترى كل مشكله ولها حل بإذن الله ..

__________________
ادعوووووووووووووولي أن الله يرزقني الرجل الصالح عااااااجل غير آاااااااااجل يااااااارب

جزاك الله الف خير اختي خيوط الحزن ردك برد على قلبي الله يبرد على قلبك..

انتظر ردود بخصوص تعقيم الفرشاة محد قالي اي شي عن هالموضوع الحساس..

__________________

متابعه معك
<<<<<<متازمه من القشره وجفاف الشعر بنفس الوقت

__________________
[type=31162]يقول ابن القيم رحمه الله / من احب شيء غير الله عذب به


الكلمة الطيبة صدقه
العمـــــــــــل صدقه
الإبتسامه صدقه[/type]

يعني محد عنده اي فكرة عن كيفية تعقيم فرشاة الشعر عشان ماتعدين نفسك بالقشرة في كل مرة تمشطين شعرك بفرشاتك الخاصة؟!!

__________________