وأنا قلت تطيعها؟؟؟؟

اقول تحترمها

تسلم عليها

تزورها

تسأل عنها اذا مرضت

تدعوهم الى زيارتنا

والا حتى هذي الأمور مو واجب عليها

__________________
لاتظلمن اذا ماكنت مقتدرا فالظلم ترجع عقباه إلى الندم...
تنام عيناك والمظلوم منتبه يدعوا عليك ولكن عين الله لم تنم....

بلغها انك ممكن تتزوج عليها
يييييييي لو تشوف معاملة اخواتى لحماتهم اخواتى البنات يتمنو لحماتهم الرضى لترضى لدرجة انى بقول لهم مش كدة خلو عندكم شوية شخصية وبصراحة حماتهم طيبين
اكتر شىء الزوجة تغير جدا او تتعلق بزوجها جامد حتى لو مش بتحبة انها لو عرفت انو ممكن يتزوج او تشك انو ممكن يكون بيحب واحدة عليها او ا ى شىء من هذة الاشياء واللة عن تجربة جرب معها انك تعرف واحدة او بتفكر بواحدة او اى شىء من دة بس مش بالتهديد لانها ممكن تعاند فى حظة هدوء وهى منتعشة وفرحانة بلغها انك بتفكر فى الزواج عليها مش وهى ثايرة لالالالالالالالا وهى فرحانة يعنى نكد عليها شوى بهدوء

__________________

اللي فهمته من كلامك ان مافيه شي نفع معها

بالله وش يخلي الواحد يحرم نفسه من متاع الحياه ؟

طيب وتزوجتها انت ...خلاص تدفن نفسك معها العمر كله؟

ومثل ما قال احد الاخوه تضمن انها تربي بنتك تربيه سليمه؟ البنت اللي انت متمسك بزوجتك عشانها؟

صحيح انا امرأه ...الا اني اقول لك هذي مافيها خير (على كلامك)... تزوج عليها اولا ...اذا استعدلت كان بها ما استعدلت الطلاق حلال...

وعيش حياتك بما احل الله ... كمان ظلم النفس حرام وما يجوز ويوم القيامه انفسنا تحاسبنا اذا كنا اذليناها في الدنيا وما اعزيناها...مثل ما تحاسبنا كفوفنا واقدامنا على كل شي سويناه...استوعبت؟؟؟؟؟

شخص غالي قريب لي قال لي مره : الرمح من اول ركزه...

انا مثلك كنت مع رجل يوم ما يكون مرتاح تقول ملك ...بس وقت ما يزعل وهو السمه الغالبه عليه تقول عدو مو زوج ابدا...
تركته غير مأسوف عليه لأنه ماقدر صبري عليه وفسره غباء وضعف مني ...وان ولدي هو اللي بيخليني انسى شي اسمه طلاق...

كان يتصرف معاي بكل اهمال وكأنه ضامن اني ما بأتركه ابدا..وكان يهدد بالطلاق

انصدم لما شافني تركته واطلب في الطلاق...ولي سنه تقريبا ولساته ما طلق وكمان ماحاول يصلح الامور...لكن على الاقل استوعب ان مافيه شي ولا حتى ولدي ممكن يخليني اتنازل عن ابسط حقوقي : ان اعيش ونفسيتي مرتاحه..مافيه شي يجبرني اعيش في هم ومشاكل...


احزم امرك ...مادام توك 5 سنين ...انا كملت اكثر من سبع سنين وغيرنا 10 و20 سنه ....كان الله في عونك واسمح لي في الاطاله...بس انقهرت

__________________
[/IMG]

اخوي قبل كل شي انت تحبها ؟؟
هاذا مااتضح لي لانك متحملها وصابر عليها
طيب لو كنت تحبها ... اكيد فيها اشياء خلت تحبها ....
واكيد هي تحبك لانك تقول تعترف اذا راقت ...
طيب اخي الكريم من كلامك اتضح لي ان زوجتك متقلبة المزاج ... وشكلها من النوع والله اعلم عنده بقوووه
انا من رايي تتكلم معاها بحوار هادي وتبدا حديثك معاها بسؤال انتي تحبيني ؟؟ ان قالت لك ايوه قلها واللي يحب مااعتقد انه يحبب يسبب التعاسه لغيره ولايفترق عن محبوبه صح ولا لا لو قالت صح قلها بنبرات حزينه ليش تحزنيني وتحاولين تنفريني منك؟؟ تخيلي لو اعامل اهلك بهالطريقه راح تحبيني؟ راح تحبين اي انسان ممكن يكون يكره اهلك؟
صدقني حنى معشر النساء كثير ينفع معانا مثل هالحوارت
المهم ممكن تطلع معاها بنتيجه وتقولك السبب؟ وصدقني يمكن يكون في طرف ثالث جالس يخرب بينكم وانتم ماتدرون وينقل حكي بين امك وزوجتك<<
واذا مانفع معاها تغير معاها وحاول تكون شديد معاها ولا تبين انك متمسك فيها بقوووه ترى بعض الحريم مو كلهم اذا تمسك زوجها فيها تحسب مافي مثلها ثنين
والله يصلح مابينكم وصدقني الطلاق ضياع والله ييسر لك الخير اخوي

السلام عليكم
الله يعينك النكد وحش طبعا وبيعكر صفو الحياه انا برده اعاني في حياتي ولكن لوكان الزواج بثانيه هو الحل ما كان يبقي فيه مشكله ولكن اخشي التفكك الأسري بالنسبه لابنتك ومين عالم يمكن التانيه تبقي اسوأ او انك تظلم واحده من الاتنين وده طبعا حرام
انا عاوزه اقول لك ان الافضل انك تحاول تتجاهلها وتحسسها ان تصرفاتها دي خليتك تكرهها وانها ممكن تخسرك بس طبعا بدون اهانه وبدون ان تشعر ابنتك بذلك ربنا معاك ومع كل مكروب

مع احترامي لرجولتك , هي ما تجرات عليك الا بعد يقينها انك منت قادر على فراقها وهجرها

وانك مهما تبعد راجع لها لا محاله .. يعني هجرانك لها ناعم وحنون .. وما يؤدي الغرض .. والا

الهجر كافي انه يؤدبها .. والفرس من خيالها ..

الله يعينك وحط ببالك زواجك الثاني بيعفس حياتك عدل اصبر وحاول وعاقب وحببها فيك وصارحها يمكن تييب نتيجه

اخوي افضل شئ تروح لاستشاري علاقات اسرية.. وطب الاسرة.. تروح للمكتب وتعرض عليهم مشكلتك..



وتشوف منهم الحل لانهم اصحاب خبره,,


واكيد بيجيبونك ويجيبون الطرف الثاني زوجتك.. ويشوفون وش المشكلة..

__________________

قال رسول الله صلى الله عليه وسلم:
(سورة البقرة أخذها بركة ,تركها حسرة, ولا تستطيعها البطلة)
البطلة= السحرة..
من فوائدها سرعة اجابة الدعاء