السلام عليكم

موضوعي انه حماتي بتحب تروح اماكن وعند ناس وانا مابحب اروح ،، المشكله ان زوجي مابحب مثلي لكن ما بقدر يحكي لا لوالدته وما بقدر يناقشها بالموضوع ،، بس لما يقعد مع هؤلاء الناس بندمج معهم وبصير يحكي ويسولف
وانا ما بقدر مش بكيفي بحس حالي هبله بضلني ساكته طول الوقت كانما قاعده على اعصابي وبس بدي اروح ببقى اطلع على الساعه لان الناس اصلا مابشاركوني بكلامهم وبصيروا يحكو على عائلاتهم وانا مابعرفهم ،، زوجي بكابر على نفسه وبضغط على حاله لما يروح ولما حكيتله مره شعوري واني تعبانه مابدي اروح حكالي انتي صاحيه ولا نايمه نفس الشي .يعني ساكته وما بحكي.فعلا بحس انه ماعندي شخصيه لما اروح لان بس جالسه وبحرك براسي وبوزع ابتسامات .

المشكله انه لما اقعد مع اقرباء زوجي بصيروا يحكو على عوائلهم واقاربهم وانا مابعرف احد منهم عشان جديده ولما يقعد مع اصحابه ومع اقاربي برتاح لان بنحكي بمواضيع عامه .

مابعرف هل سبب ضعف شخصيه فيني اواني فعلا ما بندمج معهم

شو اعمل افيدوني الله يخليكم لان ذهابنا لهم باستمرار يعني مرتين اسبوعيا
هل اتكلم احكي لزوجي مابدي اروح معكم روحوا لحالكم واكيد رح يتضايق.؟؟