السلام عليكم ورحمة الله وبركاته
ببدأ بقصتي على طووول مشكلت زوجي أنه يخاف من العين والحسد ويتجنب الناس خوفاًمنهم علشان مايحسدونه والمشكلة هذا مو في زوجي وبس حتى أخواته وأخوانه عندهم نفس المرض انا سميته مرض لأن هذا الي اشوفه مبالغين جداً عندكم مثالأ زوجي أذا حس بأي شي من طفش أو ضيقه قال أكيد عين أونفس المشكلة مؤمن بالله ومحافظ على صلاة بس مشكلته مايقول هذا قضاء وقدر كل شي عنده بسبب تصدقون أذا سافرت عند اهلي ورجعت كلهم يشوفون أولدي ويقولون تغير اكيد جاته عين الولد ضعف ومدري ايش كلام كثير وأذا راح عندهم أولدي روشوه بموية زمزم واعطوه عسل مقري علشان العين وابوهم الله يرحمه جاته عين على حسب كلامهم في المدينة الي فيها اهلي الحين وتشائمو منها علشان كذا يكرهون اروح لأهلي خايفين على عيالي من عيون الناس وامهم الله يسامجها أعزلتهم تماماً عن المحيط الخارجي وامنعتهم من أقاربهم ومن العلاقات علشان يخافون من احد يحسدهم حتى خواتهم فيه وحده ساكنه برى الرياض قاطعينها اكثر من 10 سنوات كله علشانها ساكنه مع اهل زوجها ومايبغوون يحتكون فيهم علشان مايحسدونهم وحده ثانيه قاطعينها من 6شهور بعد ونفس المشكلة تعبت من هالعالم وتفكيرهم التعبان المشكله كلهم جامعين ودارسين وفاهمين الدين بس امهم ربتهم على كذا وصعب التغير عندهم ومدري الناس على ايش بتحسدهم ولا لاماديه زينة عايشين كلنا على الأجارات ومااقول الأالحمدلله وانا الحمدالله مؤمنه بالله واي شي يصير مكتوب لنا سواء من مرض أو ضيقة وغيرها ومحافظة على الأذكار لكن أهم مبالغين مره زوجي البارح كان طفشان ويقول اكيد فيني شي وطلع من الدوام وراح عند امه واعطته سدر وملح وجاء على طول تحمم ونام وغير كذا مايأخذون السدر والمويه المقريه والعسل الأمن عند أمهم وبس ماتخليهم يأخذون من أ؟ي احد ولايروحون أهم يشترونه بنظرهم أمهم هي الي تعرف أدري طولت عليكم بس انا ماعلي من العائلة انا كيف اقنع زوجي تعبت من كثر ماتكلم معه ويقول مالك دخل واذكره بالموت وقطع الرحم أبغاه ياصل أخواته الي مايدري عنهم بس يقول مالك دخل فينا طبعاًهو ماله ذنب بس هذي اوامر الوالدة اذا زعلت على أحد لازم تقطعه فترة من الزمن علشان يتأدب طلعو الشيب فيني وانا بصراحة خايفة على عيالي لايأثرون فيهم بها العتقادات والخوف من الناس ..انصحوني الله يخليكم..

الله يعينك ويعطيك الصبر على الوسط الي أنت عايشة فيه - وكما قلتي المشكلة غنهم دارسين والمفروض يكونوا فاهمين بس الظاهر إنهم عايشين بعقول الجاهلية
حاولي تغير بزوجك مع الوقت قدر الامكام وما قدامك إلا الصبر

السلام عليكم
طيب اذا يخافون من العين لهالدرجة ليش ما يواظبون على المعوذات وأدعية الصباح والمساء لانها تكف الشر عن الإنسان وتحميه ...

الله يعيـــــــــــــــــــــــــــــــــــــــــــــــ نك هؤلاء بحاجة لطبيب نفساني

اذا ثقافتهم لم تسعفهم

وكمان ايمانهم بالله لم تطمئنهم

لازم طبيب حازم زي الي نشوفه في بعض الافلام المصرية ويمثل طبيب نفساني

اكيد مرواااااا بتجربه صعبه

ومن قرصه الداب هج عن الحبل


شوفي اختي علميه ان الله هو الي يكتب القدر ...

ويقن ان الله هوالمدبر والمسير...وان يلازم الاذكار

أعانك الله يا أختي .. فعلاً مشكلة ترفع الضغط .. والأمر أنها بالفعل قد تؤثر على أبنائك في المستقبل.

عزيزتي..

ادخلي لزوجك من مدخل الدين .. فالعين حق والحسد موجود .. ولكن الله ورسوله الكريم علمانا كيف نواجه العين ونتقي شر الحسد .. بالمعوذات وسورة الإخلاص وآية الكرسي وآخر آيتي البقرة.

وكذلك دعاء (أعيذك بكلمات الله التامة من كل شيطان وهامة ومن كل عين لامة) .. فقد جاء في البخاري أن النبي كان بعوذ به الحسن والحسين .. وإنا شخصياً أعوذ به ابني وحتى نفسي وزوجي.

ودعاء (أعوذ بكلمات الله التامات من شر ما خلق) .. و(بسم الله الذي لا يضر مع اسمه شيء في الأرض ولا في السماء وهو السميع العليم)

قولي لزوجكِ أن الله هو الحافظ من كل عين .. وليس السدر والملح!!!! ... وانصحيه بالمداومة على الذكر الكثير خاصة أذكار الصباح والمساء فإنها والله راحة للنفس والقلب .. وأن يتوكل على الله لأن أمره كله بيده سبحانه وليس بيد البشر .. وإن أراد الله به خيراُ فلن يتمكن أحد من إيذائه إن شاء الله.

__________________


اللهم طِيبَ الأثر .. وحُسْنَ الرحيل.

الله يجزاكم الف خير...صحيح أهم صارتلهم كذا مواقف من زمان وعلى هالأساس صارعندهم الخوف من الحسد وكثير محافظين على الأذكار انا ماشفت مثلهم في حرصم على الأذكار حتى اخوات زوجي أذا جو عندي اشوف معهم كتب ألاذكار في شنطهم يعني شي اساسي وبما انهم يخافوون اكيد انهم راح يحرصون على انفسهم علشان مايصير فيهم شي ..أنا أذا تناقشت مع زوجي يقول مالك دخل ولاتدخلين في شي مايعنيك أمهم مسيطره عليهم ومدخله الكلام هذا في روسهم..هذي المشكلة ماثرة علي وعلى علاقتي مع زوجي احنا ساكنين في بيت جديد من 6شهور والحين مع بداية الصيف بدت تطلع عندنا النمل وحشرة الخشب الاهي الأرضة تأكل الخشب وزوجي يقول عين اكيد..يمكن نطلع من البيت فيه أحد حاسدنا والمشكلة مااحد دخل بيتنا غريب كلهم أهله لانهم قاطعين في الناس ومايبغوون احد..