انا مملكه من 5 شهور تقريبا ً .. و كنت اكلم خطيبي قبل الملكه .. يعني جات الملكه واحنا تعودنا وخذنا على بعض شوي .. سؤالي ..

انا الحين صرت عادي مع خطيبي او زوجي .. يعني صحيح اني انحرج منه في بعض المواقف او الاوقات .. بس يعني نوعا ما تعودت عليه .. وصرت عادي اصارحه اني احبه بالمسجات واحيانا اذا كان معاي .. وهو مو مقصر علي بالكلام الحلو .. وحبه لي وتعامله اكثررررر من حلووو .. يعني ما عمره ضايقني بشي .. اذا ما استثنينا الأشياء الخفيفه العاديه

بس سؤالي

هل المفروض اني بهالفتره ما أعبر عن اللي بداخلي من مشاعر اتجاهه .. سواء الشووق او الحب او اي شي ..

او انه بالعكس .. المفروض اني اخذ راحتي معاه .. واكون عفويه في مشاعري وكلماتي ؟؟

وهل الرجل يحب البنت اللي تعبر عن اللي بقلبه له .. ولا يحب البنت اللي تكتم ما بداخلها ؟؟

وهل يحب البنت الفرفوشيه واللي تضحك معاه بحدود حلووه .. و تقط الميانه احيانا .. ولا يحب البنت الهادئه و اللي حاطه حدود معينه معاه ؟؟

واذا عندكم نصايح بعد .. اتمنى تفيدونا

الاشراف : عذراً تعديل بسيط على العنوان . بالتوفيق .

مافي أحلى من العفوية والكلام الحلو وبالعكس أخذي راحتك أختي وذوبيه منك بكلمة حلوة بكلمتين يعني لاتكثري التغزل

وبعدين هذا النوع اللي الاحظه من طرحك للموضوع أنه رجل يحب البنت اللي تعبر عن مافي قلبها لاتحرمي زوجك وتكتمي شي في قلبك قد يفرحه ويوصله حد الجنووون ..

وهل يوجد أحلى من الصراحة ؟؟؟؟ ربي يوفقك ومبرووووك لكم ياطيبين



بخصوص الفرفشة وسعة الخاطر تراهي مرغوبة لدى الجميع لكن بحدود

نعم يحب البنت اللي تعبر عن اللي بقلبه له ونعم يحب البنت الهادئه والي طبيعتها هاديه و تقط الميانه وتمزح وغيره

هذا بالنسبه لوجهه نظري انا والناس اجناس

تحياتي

خذي راحتك اختي فهو زوجك لا تحرميه من الكلام الحلو


الفرفشة تختلف من شخص لثاني لكن اكيد بحدود

نسيت أقلك الف مبروك وبارك الله لكما وبارك عليكما وجمع بينكما على خير

كرجل, رايي من رايهم
مع مراعاة الفروق الفردية في المزاج والبيئة