مرحبا...
كيفكم؟؟
أنا عضوة قديمة بالمنتدى بس في الفترة الأخيرة كانت ظروفي صعبة وما تسمح لي إني أشارك...بس الحمدلله كل شي تحسن....وكنت أبي أشارك بس للأسف أول مشاركة لي بعد إنقطاع عبارة عن مشكلة...
الله روقني ولد مثل القمر من32يوم..وبحكم المعتاد أقضي الأربعين ببيت الوالد..بس قلت برجع بيتي قبل أكمل الأربعين...لأن زوجي مسكين كسر خاطري...وهو طبعا من قلت له برجع فرح جدا والدنيا مو سايعته من الفرحة...اللي صار إن أهله سافروا..ووالده وصاه هو وأخوانه ينتبهوا على الشركة تبعه دام هو مسافر..فقال لي: أنا راح أكون مشغول جدا بالعمل والجامعة وكمان شركة الوالد..يعني بتكونين معظم الوقت بالبيت لحالك..فظلي ببيت والدك أحسن لك ولنفسيتك وإذا قربوا يردون راح أرجعك...طبعا تضايقت كنت مهيأة نفسيتي وكل شي..بس قلت كلام الرجال عدل...واستهديت بالله وقلت اكمل عند أمي أريح لي بعد..طبعا الكل عرف إني راح أرجع بيتي ببداية ربيع..يكون باقي يوم ويرجعوا أهله..
اليوم اتصل لي وقال: خلاص أبيك ترجعي بالموعد اللي حددناه قبل، طبعا أنا فرحت جدا..لأن بصراحة ضاق خلقي من قعدة البيت...قلت له راح أخبر أمي حتى أجهز نفسي لرجعتي..فقال لي لا تقولين، أول بتأكد من موعد رجعتهم من السفر..قلت له: أنا برجع إلك مو لهم..قال أعرف بس بتأكد إن أبيش تردين الحين لو بربيع على حسب رجعتهم.....
أنا تضايقت من موضوع إنه رابط رجعتي لبيتي برجعتهم من السفر...وطبعا هو متحمل شغل الشركة كله وإخوانه ولا كأن شركة والدهم...فقررت بيني وبين نفسي إني أرجع بربيع....حتى لو اتصل وقال لي إنه قرر أرجع بالموعد الأول...وكنت أفكر شلون أقول له لو اتصل وتفاجأت بالتلفون رن (الفترة بين المكالمتين 5دقائق) فقال لي: خلاص ردي هالأسبوع لأن هم بيتأخرون بعد وأنا خلاص ابيش تردين..وأنا كنت متضايقة وتسرعت وقلت له: خلاص ماراح أرد إلا بربيع...حسيت نبرة صوته تغيرت وقال: بكيفك وقت اللي بتردين البيت ينتظر...واعملي اللي يريحك..
أنا تضايقت من نفسي ومن الوضع كله...وماعرفت شنو أقول..وحبيت أبين له ليش أنا متضايقة، بس هو قال لي: صدمتيني بردك...وماعرفت أكلمه..
الحين خبروني شسوي لأن جدا متضايقة..وموعارفة شلون اتصرف......
طولت عليكم...مسامحة...
بس منو استشير غيركم...

__________________
[IMG]http://www.*****************/thumbnail/Baby001.JPG[/IMG]

الف مبروك على قومتك بالسلامه اختي ووجك ماغلط بشي كل زوج له راي ورايه مو غلط لذلك عودي فهميه وجهت نضرك وانصحك ان تعودي بعد الاربعين لكي تصبحين كالعلروس بحلتها الجديده

مشكور بحريننا على الرد...
أتمنى تقولوا لي طريقة أكلم بها زوجي بالموضوع أو رسالة أدزها له..أي شي بس حتى يروح الزعل....

__________________
[IMG]http://www.*****************/thumbnail/Baby001.JPG[/IMG]

ألف مبروك أختي ,, الله يسخر لج ريلج

كتبيله رسالة من القلب ,, وقولي له أنح آسفة ومن شوقج له تضايقتي من تغيير موعد رجعتج للبيت

الله يوفقج

الحمدالله على السلامه

هو ماغلط كان معاه حق يمكن مايبي يخليك لحالك اغلب الوقت

انا اقول فاجئيه خلي واحد من خوانك يوديك لبيتك وهو طبعاً اول مايشوفك راح يفرح وينسى السالفه الي بينكم

كلام سليم 100%

مشكورين جميعا على المرور والرد.....
وماخيبتوا ظني ياا أعضاء أعز منتدى.....
حبيت أبشركم تصالحنا أنا وزوجي واتفقنا على الرجعة ببداية ربيع إن شاء الله..
مشكورين وماقصرتوا.....

__________________
[IMG]http://www.*****************/thumbnail/Baby001.JPG[/IMG]

الحمد لله ..

دعواتي لكما بالتوفيق ..

يغلق ..

__________________
فـيْ آليومَ الوآحِد نستطيعَ آن ننسـْى الف لحظه نريدَ الإحتفَآظ بــهآ

وبـِ نفَس اليومَ نِستَعيَد لحظَهَ نُـريد نِسيـآنهآ ..