اختى العزيزه همي الآخرة


الله يجزاك خير على مرورك ومشاركتك به ..
على الاقل عرفت ان هناك من يشاركني الراي ومتضايق من الوضع ..

سررت بمشاركتك ...اختي

.
.
.

اختي العزيزه ranrona
كما تفضلتي وذكرتي التنظيم او الرغبه في عمل جو اسري تقريبا انعدم عند البعض ..
اما بالنسبه للاولاد ..
فاذا الاب لاهي والام مشغوله ..
وما يكلمون الاولاد الا كلمتين في اليوم ..
وكل واحد يجري في فلك ومسار مختلف ..وعايش حياته كفرد..
لكم ان تتصوروا العالم الي بينضم له الاولاد..




سررت بمرورك اختي ..

انا مع راي الاخ عبد العزيز و كلامه صحيح

وعزيزتي انت رديتي عليه ورجك رائع لانك ما عممتي وقلتي روتين اغلب وليس كل الاسر


طيب انا عني استفسار ليه نطلب الويك اند للعائله وهو يومين ونتنازل عن 6 ايام ؟؟؟؟


بالعكس المفترض تعديل السلوك في ايام الدوامات لخلق جو اسري حميم لاطول وقت وليس فقط في الويك اند

بضرب لك مثال لحياتي وسط الاسبوع مع العلم اني موظفه وزوجي دوامه طويل ولم ارزق باطفال (ادعوا لي )

الصباح
نصحى ونروح للعمل وغالبا ارجع من الدوام مع سواق الاهل لان زوجي عنده اجتماع وصعبه يرجعني

ارجع اطبخ الغداء مع وجود الخادمه ولكن ما اثق انها تطبخ وانا احب الطبخ

ارتاح لين العصر الساعه 4 يرجع زوجي من العمل يتغدى ونسولف بعدها يمدد (ينام نوعا ما )

بعد المغرب نتقهوى مع بعض ونشوف التلفزيون

بعد العشاء نطلع كل يوم مشوار غير

الساعه 12 بالسرير نايم ( انا عندي اجازه علشان كذا ما بعد نمت )

ولو كان فيه اطفال يتغير النظام بحيث يكون غداء او ما يرجعون وبعدها مذاكره قبل ما يجي ابوهم واذا جاء يلعبون معه و يساعدهم بالدراسه اذا احتاجوا
ولازم توفير يوم داخل الاسبوع لخروج الاب مع الام وحدهم ولو للسوبر ماركت

ونظام الاطفال سلفتي تسويه ومرتاحه معه

طيب كذا تكوني كسبتي زوجك 4 ايام كامله من السبت للثلاثاء

نجي للاربعاء زياره اهلك واهل زوجك (صله رحم ) وزياده محبه

الخميس يوم فري يعني اطلق العنان لنفسك ولزوجك واولادك اصحوا بدري وتغدوا في مطعم او في حوش بيتكم ان شاء الله بس اكسروا الروتين و في المساء ما فيه مانع تكافئ زوجك بروحتك للشله او الاستراحه وما ننسى ان يكون اجتماعي خير من ان يكون انطوائي؟؟

الجمعه يوم الاسره يروح الابو وعياله للصلاه وبعدها لبيت الجد ويرجعون الغداء جاهز وبعدها تمشيه حلوه و سهره احلى

يعني 4 ايام قبل + الجمعه + سهره الاربعاء + عصريه الخميس = 6 ايام
وبكذا ما خسرتي شي بالكعس ساعات قليله من يوم الخميس تعيد شحن نشاط زوجك

وانا مع الرجل وخروجه لاصحابه ومو معناها ان زوجته مقصره بس يضل سوالف رجال لها طعم زي ما تحبين سوالف الجريم زوجك بعد يحب سوالف الرجال








تحياتي
دلوعه زوجي

السلام عليكم

اعذريني على تاخر الرد
لاني لم اراه غير الان ...المواضيع هنا كثيره مما يدفع بعضها البعض للخلف ..
فتصعب المتابعه ..


اختي ..طريقتك ..جميله ..واعجبني تنظيمك للوقت قبل عطله الاسبوع ..وبعدها
لكن مع وجود الاولاد شوي الامر بيكون اصعب ...الله يرزقك يارب ..

غالبا ..عمليا الي قاعد يصير ..عند الاغلبيه ..
ان ايام الاسبوع يكون الزوج او الزوجه ..تعبين ..من العمل طوال النهار ..ومع مساعده الاطفال في استذكار دروسهم واختباراتهم ..
يخلدوا للراحه ..خلال الليل ...ويكون روتين ..ممل
وبالتالي اواحد مايركز الا في العطله ..
ياخذ بريك صغير ..

لاكن عموما ...الاتزان مطلوب ...
وانا معك في حاله واحده وهي .. لو استطعنا تطبيق اقتراحك في كل ايام الاسبوع بدون استثناءات فبالتالي ..سيكون افضل ..والحياه العائليه ..اجمل بالتالي ..



سررت بمشاركتك جداااا

__________________

.
.
حـــــــــــب الرجل سطــر ...... وحــــــب المرأه صفحــــات
.
.

اسعدني ردك

من جد بغيت ازعل تعبت بالرد وما علقتي ؟؟ بس الحين فهمت السبب


وعلى كل حال اسعدني تعليقك وكما ذكرت لم ارزق باطفال ( رب لاتذرني فرد وانت خير الوارثين)

ولكن مع وجود الاطفال تكون الحياه اجمل وانا عندي قاعده اذا كان العمل متعب اتركيه ومع الوقت صدقيني بتحسين انك بين خيارين يا اما تتركين عملك ايا كان (وظيفه او تربيه وتدريس الاولاد ) او انك تستمتعين فيه وتحبيه وهو الاجمل

ولو درستي اولادك بمتعه وحماس للخروج بعد المذاكره

صدقيني راح تغرسي في نفوس اولادك وبناتك حب العائله جو عائلي رائع

واذا تزوجوا عيالك يكونوا اسر سعيده باذن الله تحملي شوي وصدقيني ما فيه شي مستحيل



تحياتي
دلوعه زوجي

وربي كلامك صحيح أنا بعد صرت أكره العطلة الصيفية لان نفس الروتين والملل والزوج اللي مهملك ختى جمعات الأهل صرت ماأحبها مجرد ماتجي العطلة أروح أزور أمي وارجع للبيت صرت بيتوتيه مع عيالي وأبوهم مشغول على الفاضي والمليان

__________________
[IMG]http://[/IMG] ((كل نفس ذائقة الموت))
ا((للهم أرحم أخي أبو عبد الإله رحمة واسعة اللهم تجاوز عنه )) طلب لمن قرأتوقعي أن يدعوا لأخي بالرحمه

(( الم * أحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ * ))اللهم فرج كرب أخوي وفك أسرهم...وثبتهم على الحق الذي يرضيك...