عندي مشكله واتمنى الاقي الحل الشافي الكافي عندكم .. زوجي يرا اني مسرفه ولااعرف التصرف في المال .. مع العلم اني لا اطلب إلا للحاجه والضروره فقط .. مثل الحين انا حامل بالشهر التاسع وماكملت اغراض حقت الطفل وحقتي للحين وكل ما اطلب منه فلوس يزعل مع انه مو بخيل بس ما ادري وش فيه وحتى راتبه قوي جدا جدا وصرت ابيع من ذهبي واشري الاغراض اللي ناقصتني .. تكفون كيف اخذ منه فلوس او اعطوني طريقه اطلب منه فلوس ومايزعل وانا متأكده ماعنده اي ديون او ضائقه ماليه .. تكفون وش الحل..

صارحيه ياقلبي أو أطلبي منه مصروف شهري وبيني له إنه طلبي مو إسراف بل لحاجه
ويكون في علمك ياختي إن الرجل _حتى وإن لم يكن بخيلا_يكره كلمة هات أو عطني
فانت وضحي له قبل ماتروحين للسوق إيش إحتياجاتك ولا تبيعي ذهبك علشان ملابس بكرة ماتدرين عن الظروف ربما تحتاجين
ربي يعينك

__________________

دعووووواتكم لاختكم لحن السعاده

عفواً .. هنا مكانه المناسب .

الله يكون بالغون..دايم اغلب الرجال مايقتنعون بسالفة المصروف وانه يعطيك مبلغ شهري معين..
وانا مثلك عانيت من هالشئ..وخصوصا انه مايروح معي السوق ولا يعرف الاسعار..لاني اروح مع اهلي..
بس هذا انا احاول واحاول في سالفة المصروف..واقول قدامه ..ترى عطري خلص وترى محتاجة ماكياج..والبنت ترى ماعندها جاكيت شتوي ومن هالكلام علشان يعرف اني محتاجة..
وساعتها عاد ممكن يقول كم تحتاجين 400 ميه..عاد بالعقل 3 اشخاص تكفيهم 300..
اقوله تعال معي السوق وشف ال300 وش تجيب..اقل شئ الف وعساه يكفي..وهالالف مو كل شهر..كل شهرين او ثلاثة بعد..مع انها مقتدر نوعا ما..
بس هم يقيسون على نفسهم لانهم مايشترون ماكياج وشنط وكم جزمة..ولا يروحون كوافير ..وهذا مشقر وهذا شمع للجسم..وهذا جل للشعر..هم اغراضهم بسيطة وبكذا يشوفون اننا مسرفات..
وخصوصا عاد زوجي ماعنده اخوات بنات فيشوف اني مسرفة بالهبل بالملابس والاغراض..مع اني مقارنة بخواتي اقل واحدة صروف..
اللع يعين بس..
..بس بقولك شغل

الله يصلحه !

طيب عالأقل اذا مايبي يعطي خليوديج السوق تشترين الأشياء الأساسيه اللي انتي محتاجتها !!

مشكورين على التفاعل .. وانشاء الله اقترح عليه فكرة المصروف الشهري

الله يعين الحريم علي سالفة المصروف ويهدي الرجال لهن ويسخرهم

انا الحمد الله اتفقت مع زوجي عى المصروف لا وكل ما زاد الراتب يزيد مصروفي بالرغم من ان البدايه شوي ما كان مقتنع فيها لانه يقول الي تبينه اطلبيه هو صحيح كريم لكن انا احب يكون لي خصوصيه في مصروفي والحمد الله توفقت واقتنع .........

المصيبة ان كل الرجال متفقين على ان الحريم يحبو السوق مع انه احيانا اروح وارجع وانا مااشتريت شيى يبغاني ادخل لمحل او محلين واشتري واطلع وحتى لما اخد مصروف برده نفس الموال مع العلم ان اهلي مو موجودين في نفس البلد اللي انا فيه عشان اروح معاهم يالله ما كملت لاحد فلا تزعلي انتي ممكن تكتبي ورقة بالاغراض اللي تبغيها وقولي له يشوف يوم فاضي فيه يوديكي تشتريها وكده تكوني اشتريتي اللي تبغيه ويكون هو ما اعطاكي مصروف