في مجتمعنا عيب الرجل يبكي او يعتبرونه نقص في رجولته مثل ما انتوا عارفين .. في نظري عادي الرجل يبكي لانه انسان والبكي يطلع اللي بالقلب ويخفف صح مو شرط يبكي على كل شي واتفه الامور بس على الاقل لو احتاج يطلع اللي بقله بالبكي عادي ... لا تعصبون عادي في نظري ومادري انتوا شنو وجهة نظركم

اللي ابي اعرفه متى ممكن ان يبكي الرجل وما هي الاسباب اذا كان ممكن ؟؟
وهل هذا نقص برجولته اذا انزل الرجل دمعته حتى لو دمعه مو شرط بكي كثير ؟؟

دعوه للنقاش علشان اقنع نفسي .. بصراحه انا اتمنى اشوف رجل يبكي لان احس الموقف راح يكون مؤثر وايد وراح ابكي معاه .. لا تقولون شريره بس شي في خاطري وقلته لكم

__________________
Nweerh

بكاء الرجل لا يعتبر ضعف او نقص ابدا فأحيانا الاحساس بالضغط والحزن يجبره على البكاء وبالنسبه

لوجهة نظري فانا احزن واحس بالضعف عندما تزل الدمعه من عيني زوجي ولكني لا اعتبره ضعفا او نقص في رجولته..

ورأيت دموعه في عدة مواقف منها : مرضي ....وولادتي....وفي قيام الليل ( دائما ) ....وعند رؤيته

لمشاهد مؤثرة في الاخبار ... وأثناء قراءته للقرآن وهكذا..

تنزل دموعه الما وحزنا ..

اشكركٍ عزيزتي على الموضوع الجميل ووفقكٍ الله

اختج ---- لمني بشوق

__________________

لمني شكرا حبيبتي لمرورك وآرائك وكلامك عجبني

__________________
Nweerh

متى ممكن يبكي الرجل لمرض امه وابوه
او
الله لا يقوله ويسلم لكل واحد امه وابوه وعشيرته واهله

لمن الله ياخذ امانته امه او ابوه او زوجته
او اعز الاصدقاء عنده

او لمرض احد ابنائه مرض شديد الله يدفع البلاء

احيانا المرض بالجسم يخلي المريض يبكي من الالم

او في حالة خشوووووع مع الله

ومادري بعد ماقدر احدد لاني ولا عمري شفت زوجي يبكي

بس شفت ابوي وياماصعبها لحظة ماجوف دمعة الغالي ابوي
في اكثر من موقف

ودمعة البطل اخوي الصغير عمره 17 سنة بس لاننا نعتبره رجال وهو قد هالكلمة
حنون وااايد مايظهر دموعه ويبكي بدون صوت بس يتأثر ويخاف علينا احنا خواته وبالذات امـــــــــــي
لمن مرضت جدتي كان يبكي بدون ماحد يلاحظ دموعه ولمن ماتت بعد هم نفس الشي

اما هل هو عار او لا؟

بالعكس الدموع متنفس لكل انسان مو بس لرجل

وبنظري ماهو عار ولا شي بس دمعة الرجل غالية ولمن تنزل يعني تهز الوجدان لانها ماتنزل الا لاصعب الامور واقهرها


تسلميييييييييين خيوتو نويرة على الموضوع الشيق
لاعدمناج ^_^

__________________

السلام عليكم


لو كان بكاءُ الرجل عيباً ما كوّن الله الدمع في عينيه.

بكى أشرف البشر عليه الصلاةُ و السلام في مواطن عدة و هو أشجع الناس.

لكن من المعروف أن الرجل يندرُ أن يبكي و إن بكى غالبا يحرص ألا يراه أحد.

البكاء دليلُ رحمة في القلب.


في أمان الله

أختي
هنالك مقولة مفادها

" عندما يبكي الرجل فإن الخطب عظيم"

في المواقف الصعبة
والحرجة
كحالة وفاة

مشكووورين وبانتظار ردود الاخوان الرجال ؟؟ يعني كلنا نتفق ان بكاء الرجال مو عيب وهذا شي طبيعي بس يكون نادر وللاشيلء العظيمه

__________________
Nweerh

انا مررر ه وحده عرفت ان دموع زوجي نزلت كنت تعبانة مرره واغمى علي يوم صحيت قالت لي الممرضة انه كان يبكي ..بس مافتحت معاه الموضوع ..بس ابويه ماشفته ولامره يبكي
ودمعة الرجل ماتنزل بسهولة زي الحريم على اتفه الاشياء تلقى الليمونة انعصرت ..

__________________
!!شمــــــــــــ((الحب))ــــــــــــوخ!!

(( دلــــــوعـــــــة عــــدولـــــهــــا))