السلام عليكم ورحمة الله وبركاته
حبيت اطرح مشكلة ملازمة لصديقتي المقربة جدا
قصتها كالتالي:
هي في سن 25رزقت بإبنتين
ولها مايقارب الست سنوات متزوجة من رجل متزوج
ويبلغ من العمر مايقرب42 سنة
ومشكلتها انه عصبي جدا
وهي كذلك واصبحت تشعر بميله لزوجته الاولى
وذلك من خلال تعامله معها
هي ربة منزل وماتركها تكمل دراستها الجامعية بالرغم من انه كان موافق
قبل الزواج
بدا يقصر في المصروف حتى وصل بانه ما صار يعطيها بحجة انه مضغوط في الاقصاد والايجار والفواتير... الخ (زوجته الاولى ساكنة فوق بيت اهله يعني ملك وهي بيت ايجار بعيد شوي)
حتى كسوة العيد بعد ماكان يعطيها الف ريال وهو راضي اصبحت ثلاثمائة ريال وهو مكشر
وبصراحة الفرق واضح وتقول جالس لها في كل شيء وبعض الاتهامات (انت مبذرة..انت مغرورة..انت مهملة
)
غير انه يقولها انه كان مبسوط قل مايتزوج يقصد من الناحية المادية ويحرق قلبها..
وانه ساءت حالته بعد ماتزوجها!!
انا اعرفها كويس حتى قبل ماتتزوج اخلاق وطيوبة ونظيفةوبنت حلال وماتحب المشاكل
بس عيبها عصبية وحقانية لدرجة اذا تزاعل مع زوجته الاولى وجلس عندها اكثر من 3 ايام تقوله روح بيتك واولادك ومايصير..
وبصراحة بدا يمد يده عليها يعني يضربها(وهذا اللي مجنني)
تدخل اهلها اكثر من مرة اول مرة ضربها كان لها 7 شهور متزوجة بسب كلام الفته زوجته على لسانها!!
وبعدين اعتذر وكان الموضوع بينهم وبوجود امه فقط وكان الحق معاها.
ومره ضربها وهي حامل بابنتها الاولى وتدخل اهلها وطلعت من بيتها مدة 3 اشهر وراح راضاها ووعد اهلها بانه مراح تتكرر..
المشكلة في فترة الثلاث اشهر بدا يحاول الاتصال بها من بعد الاسبوع الاول وانهال عليها بالرسائل ورجعت وكلها امل انها اخر مشاكلها..
وتتكرر المشاكلبنفس الطريقة وتنحل بنفس الطريقة ومافي اي تقدم!!
لحداخر مشكلةفي رمضان وقت طلبته كسوتها وكسوة بناتها اعطاها 600ريال لاغير
قالها 300 لك و300 لبناتك وبصراحة ياجماعة الخير 300 وش تسوي في اليومين هاذي
المشكلة ماقدرت تناقشةو وقتها كانت عند اهله هي كلمتين قالتها (الفلوس ماتكفي!!)قالها مافي غيرها راحت السوق وباعت سلسلة كانت لابستها بقيمة 400ريال وقضت لبناتها اولا واخذت بدله وحدة لها(تبغى تعيد)
وماقلت له ويوم شافها يوم العيد قالها اشوف الفلوس كفت واخبرته باللي صار
بعدها يابنات تقول انقلب شخص ثاني وجنت جنونه وانهال عليها بالشتائم والضرب حتى القذف
اندهشت من ردة فعله وابدا ماكانت تتوقع؟؟
وقبلها كانت زعلانه لانه مارضي حتى يناقشها في حكاية المصروفولا الكسوة والادهاء انه يوم العيد ماعيد عليها والله يابنات حزنت لحالها..
اتصلت تعايدني وهي تبكي وقالت: تصوري ياشمس مواصلة وجهزت البنات وتجهزت توقعته يجيء يعيد علي بعد الصلاة ماجاء
(هو نظامه ليلتين عندها وليلتين عند الاولى) وكان عند الاولى
في نظري المفروض كان يعيد عليها ويعتذر منها لانه مهما كان زوجته وام بناته؟؟
قلت لها عاتبيه وبلطف وفعلاعاتبته وكان رده (قالها: توقعتك نايمه)
وهي من الساعة 8الصباح راحت عند امه وجدته تعيد عليهم وبعدين راحت بيتها ونامت ورجعت عند اهله
في الليل لانه كان عندهم عشاء وقابلته صدفه وقالت له وينك قالها مشغول شوي بالله يابنات اش رايكم؟؟؟
والمصيبة الاكبر لانها ماحبت تقول لاحد لانها تعبت من المشاكل بعد المشكلة باربع ايام وطبعا هي ماتكلمه تقوم بواجباتها المنزلية كامله طلبها حقه الشرعي ورفضت ..
بامانة يابنات انتظر ردودكم ونصائحكم حتى الاخوان مانستغني بس على فكرة (يصلي ومايدخن له 8 اشهر تقريبا ومايستخدم الممنوعات على كلامها وبيتوتي لابعد الحدود)
وتقبولوا تحيات اختكم المحبة لكم ..