السلام عليكم ورحمة الله وبركاته
وجدت هذا المنتدى بالصدفة وقلت اكتب فيه ما اعانى منه لعل الله يرشدنى على يديكم لما فيه الخير
تقدم لى ابن عمتى من حوالى شهر واكثر وهو راجع لسه من السفر وابى وافق عليه بسرعة غريبة وانا صليت استخارة وشوفت رؤيا بشرتنى بالخير وانا على الاستخارة الى الان والله يعلم مدى حيرتى فى امرى فانا خائفة جدا من الزواج وكان فى خيالى شخص اخر غيره هو طيب وحنين وبيحبنى جدا وكمان مستقبله كويس وطبعا الحمد لله بيصلى وساعات بينزل المسجد بس خايفة جدا من حاجتين اول حاجة ماضيه لانه كان عايش فى امريكا وكان سنه صغير وكمان لوحده يعنى خايفة قوى قوى يكون مارس اى حاجة حرام او شرب خمرة او لعب قمار كل الافكار دى لما بتجيلى بموت من الخوف وكمان بكلمه وحش لما بشوفه لانى طبعا خايفة وهو بدأ يحس انى مضايقة وبدأ يقولى لو علاقتك بيا مضايقاكى فانا مقدرش اضايقك وكمان بتخانق معاه كتير وقلعت له الدبلة لانه بيشرب سجاير ووعدنى انه هيبطلها بس بقالنا شهر واكتر وحاول يبطلها بس رجعلها تانى ومش عارفة والله اعمل ايه انا عامة بحبه وربنا اللى يعلم اللى فى قلبى ليه بس تدينه قليل عنى وكمان موضوع السجاير ده هيموتنى لانها معصية وهو بيكلمنى دلوقتى بكل حنية ورقة وانا بكلمه بكل قسوة وعنف وهو برضه مستحملنى ومش عارفة اشيل الشكوك دى ازاى هو اللى انا واثقة منه دلوقتى انه هنا من اول ما رجع مكلمش بنات ولا صاحب وهمه دلوقتى الاول والاخير يلاقى شقة عشان نتجوز وكل مثلا ما يكلمنى ويقولى وحشتينى او نفسى اشوفك اقوله حرام تقولى كده وهو بدأ يتخنق منى وحاسه كمان انى بدأت اكرهه فى الدين مش اساعده عليه. ساعدونى بالله عليكم ازاى اشيل الشكوك دى من دماغى وهل اقبل بيه وهو بيشرب سجاير كده ولا اسيبه خالص لحد ما يبطلها وبعدين ابقى البس الدبلة تانى والله ما انا عارفة واسفة على الاطالة. اختكم فدوى

وعليكم السلام ورحمة الله وبركاتة
حببتى انصحك بان تصلى استخارة علطول وتكترى فى الدعاء خصوصا فى قيام الليل بان لو زواجك من ابن عمتك خير ليكى فى دينك ودنيتك ييسرلك الزواج منة ولو جوازك من شر ليكى فى دينك ودنيتك يصرفة عن ويكتبلك الخير ويرضيكى بيه

اما بخصوص موضوع خوفك من تربية خطيبك برة وقلقلك من انها تكون اثرت علية يمكن تكون وساوس وقلق زيادة على اللزوم اهم حاجة دينة واخلاقة دلوقتى مش مهم الماضى لو انتى متاكدة من دينة واخلاقة دلوقتى يبئة شيلى من دماغك الماضى واستعيذى بالله من الشيطان الرجيم

وبعدين انتى المفروض تستغلى نقطة تمسكة بالزواج منك وتحاولى تقريبة من ربنا اكتر يعنى مثلا جبيلة شرايط دينية لعمرو خالد مثلا وادهالة قللية انا سمعت الشرايط دى وعايزاك انت كمان تسمعها..وطبعا تقلهالة بطريقة ميبنش فيها انك قصدة انك تقللى منة او من علقتة بربنا

وعلطول وريلة ان اى واحدة نفسها يكون زوجها احسن انسان فى الدنيا وان من اهم الحجات اللى بتهمك ان يكون زوجك مش بعيد عن ربنا ويبعد عن الحجات اللى تبعدة عن ربنا

حببتى بالنسبة لموضوع انك بتقولى انة هو لما بيحاول يقلك كلام ميرضيش ربنا لان انتو مش مكتوب كتبكم بتحسى انة بيدايق قللية انا فعلا بستحرم لما تقول الكلام دة ومش عايزاك انت كمان تقولة لانى مش عايزاك انت كمان تاخد علية ذنب قللية ابل مانرضى نفسنا نرضى ربنا وانك خوفك من غضب ربنا هو اللى بيمنعك انك تردى على كلامة وتوفقى علية لانك حريصة انك تكونى انتى وهو بترضو ربنا .متخليش الشيطان يوسوس لكى ويقلك انك كدة بتبعدى خطيبك عنك لان من ارضى الله فى سخط الناس رضى الله عنة وارضى علية الناس وصدقينى كل ما البنت بتكون متمسكة برضا ربنا وباخلاقها كل ما بيزيد احترامها فى نظر اللى حوليها

دومى على صلاة الاستخارة والدعاء بانة ربنا يوفقك للخير واللى يرضية ويبعد عنك الشر
ربنا يوفقك حببتى للخير ويثبتك على طاعتة والقرب منة

انتى بنفسك اللى قولتى انا كرهته فى الدين بدل مااقربه منه
اختى وحبيبتى التقرب لله بيكون نابع من الشخص نفسه واى انسان عايز يساعده ويقربه لربنا مابيكونش بالتهديد وخلع الدبل والمعامله السيئه
انتى كده هاتوصليلو العكس بانك مش بتحبيه وخايفه من اخلاقه وماضيه
لكن اللى بيستخير لله الله لايضره اتعودى على تكرار الاستخاره وتعوذى من الشيطان واستغفرى اله كتتتتتتتتتتتتتتتتتتتتير وادعيله كل صلاه ان ربنا يعينه على ذكره والتقرب منه واطلبى من الله فى اوقات الاستجابه انه يقربه منه ويثبته على دين الاسلام
وتعاملك معاه يتغير يااختى ده خطيبك وبيكلمك امام اهلك وبيحبك فى النور وكل شاهد على علاقتكم تقربى منه وقفى جمبه وبدام هو وعدك انه يترك السجاير لا تضغطى عليه وتسئليه كل يوم لانه التخلص من شربها مابيكونش فى يوم وليلى بيستمر فتره
اختى تقربى من خطيبك واغرقيه فى حبك واهتمامك وحنانك وهو اى طلب تطلبيه هايعمله بدون تفكير حتى لا يخسرك
اختى تقربى انتى لله وادعيه والله لا يخيب ظن المسلم فيه
وان شاء الله خطيبك هايترك السجائر والله يجعله زوج صالح لكى
واتمنالك التوفيق والاستقرار والسعاده

السلام عليك ورحمة الله وبركاته
اقولك ادا حاسة انك ماتقدري تعيشي ويا دا الشخص لا تتزوجينة وبعدين تندمي على شي صار وانتهى ولا يتصلح وادا انتي تقدري تقنعينة على ترك كل مالدية تزوجية والله ايوفقك معاة

لامانع ان تستخيري اكثر من مرررررررررررررره حتى ترتاحي وتطمئني
واسأل الله ان يكتب لك الخير في امرك آميييييييييييييييييييييييييييييييييييييييييييييييي ييييييييييين



أخوك الطبيب

الله ييسر لج أمرج ...

__________________

وعليكم السلام

اقتباس:

ساعدونى بالله عليكم ازاى اشيل الشكوك دى من دماغى وهل اقبل بيه وهو بيشرب سجاير كده ولا اسيبه خالص لحد ما يبطلها وبعدين ابقى البس الدبلة تانى والله ما انا عارفة واسفة على الاطالة. اختكم فدوى

اختي فدوى بنسبه للشكوك ان احببت صارحي خطيبك بالي تشعرين به ومن مخاوفك بدون ان تجرحي مشاعره

اقتباس:

بيشرب سجاير

على حسب مدى قناعتك بنسبه لي لا اجد الامر يدعو ان تتركينه لهذا السبب !
إذا كان يصلي ويحافظ على الصلاة واخلاقه طيبه اقبلي به
والسجائر خذي بيده ومساعدته على تركها فكم من زوجه حنونه ساعدت زوجها على الخلاص منها واستعين بالدعاء

بنسبه للخطوبه والدبله خلي الامر رسميا ياتي لخطبتك مع والدته واخواته وحتى لو لم يكن فيه كتب كتاب لابد ان تكون فيه خطوبه رسميه والله يكتب لك الخير

بنسبه لاتمام الخطوبه استخيري الله لمدة اسبوع كامل

الله معك