السلام عليكم
بستشيركم بمشكله صارت اليوم
انا اليوم رحت ازور وحده والده وبما ان ولدي (سنه ونصف) الله يحفظه انواع الحوسه طلبت من زوجي ياخذه معه لاهله لان زوجي له عاده يروح لاهله من بعد التراويح ل 12
المهم قلتله اذا ازعجك وده بيت اهلي قريب نفس الحاره قال اوكي نزلت عند الحرمه وماامداي ربع ساعه الا هو داق قال تراي بجيب الولد قلتله وده لاهلي قالي انتي امه وانتي المسؤؤوله قلتله حنامتفقين وده لاهلي اذا هو مزعجك لاتجيبه عندي يحوس زعل وقفل الخط دقيت عليه قالي ماتبينه خلاص بروح انا وياه البيت !!!!!!!!!
انا سفهته لاني مازعلته وحنا متفقين وماله داعي يحرجني قدام الناس وانا مريحته قلتله وده لاهلي بس هو مستشر
12 جا اخذني وهو معصب ودخل نام حاولت اراضيه نام وسفهني يقول انا عيالي انتي مسؤله عنهم قلت لو انت قايل كذا قبل اروح كان اخذته معي عادي مع العلم اني اخذه معي دايم الا الناس الاغراب اخليه عند اهلي وقليل هو ياخذه
مدري وش معصبه يقول المفروض اول مادقيته قلتي جبه عادي !!!!! والله اننا متفقين ياخذه واذا ازعجه يوديه لاهلي وهو كان راضي تمام ارضا
!!!!!!!!!!!!!!!!!!!!!!!!!!!
طيب هو مو ابوه مايتحمل كم ساعه عشاني ؟

وآلله مشكـله

آلولد يكون عند آمــه


آكيد الأب مآيتحمل آزعآج الاولاد


وآنتي كيـف لك قـلب تتركـين ولد وهو بآلعمر هذ1


..0..

طيب كاان مختصره على عمرك المشكله و لا صاارت من البداايه ..

كاان قبل لا تروحين بدل ما تقولين له وده أهلك وإلا وده أهلي .. كاان راايحه لبيتكم ومنزله الولد عند أهلك نتي و راايحه للي تعرفينهاا وإنتهى الموضوع داام إن بيوتكم جنب بعض ..

ويا داار ما دخلك شر ..

لكن الحين صار اللي صاار .. زيدي الدلع وهو يبي يتغلى يطول وإلا يقصر ينصهر ويرجع مثل أول وأحسن ..

تشكرااتي ..

__________________

االدنيـــــا مســـــأله حساابيه ..

خذ من االيـــــــــــووم عبـــــره .. وخذ من الأمـــــــــس خبـــــره ..

ااطرح منهاا االتعــــب والشقـااء .. وااجمع لهاا االحـــــب والوفاااااء ..

.. .. M A X .. ..

عزيزتي الانسان يتعلم من المواقف.. المرة القادمة خذيه لبيت اهلك اولا ثم اخرجي..

وتعلمي ان زوجك لن يستطيع تحمله على الاقل في هذا السن لربما اذا كبر سيود الخروج معه اكثر..

هم هكذا الرجال.. لاتتضايقي ياقلبي.. عرفتي ليش الجنة تحت اقدام الأمهات؟ لان مااحد يتحمل الاولاد

مثل الام..

انتي لاتناقشيه في الموضوع.. هو الان معصب اتركيه و اذا قالك غلطانة قولي خلاص المرة الجاية اتعلم

من غلطي..وبس..

ربي يسعدك ويهديه

أختك

حائزة

__________________

الله يجزاكم خير
هو احيانا يقول ابي اخذه معي وانا ارفض اخاف يبلشه بس هالمره اخذه بعدين غير رايه
الله يسخره لي والمسلمين
اميــــــــــــــــــن

أسمعي حبيبتي

داااااائما لاتقولين له خله عندك أو وش رأيك تمسكه أو تبيه عندك ولا بوديه بيت أهلي

لا لالالالالالا ياالغلا

قوووووولي ..أنا بوديه بيت أهلي ..إذا قالك بخليه عندي ..ذيك الساعه عادي لأنك مو انتِ اللي قايله خله عندك

فماراح يزعل منك لأنه هو اللي طلب ..

وبعدين معليك ..بيزعل شوي بعدين بيرضى ..بس لاتحاولين تتأسفين كثير

لأنك الإعتذار الكثير ..يسير يركب رأسه ويزعل على كل شئ

أنت تعاملي معه زين وأشتغلي في البيت ..وحاولي ماتتكلمين عن اللي سار ..حتى لو حاول يلمح لك

لأنه بعد فتره بيحس إن زعلته مالها داعي وبيقول في نفسه (أنا قاعد أخرب الجو ..والسالفه ماتستاهل)

وبيرجع الوضع عادي

لأن الإعتذار بيخليه يحس إنك فعلا غلطانه ..والصدق مانك غلطانه

مثل ماقلت لك تعاملي بإحترام ..وتصرفي ولا كأن سار شئ ..لانه بعد فتره بيتفشل من نفسه

..

والله يوفقك دنيا وأخره ويسعدك ..أنت وزوجك ..

وطمنينا عليك ياالغاليه

__________________

الله يعينك...لو من البدايه حطيتيه عند أهلك .. افضل ....

لان بعض الرجال مزااجيين ... في ثواني يغيرون رايهم .....

دعواتي لكِ

__________________
............................................

ولا تزعلي ولاشي مصيره يرضى انتي بس ادلعي عليه واستسمحي منه
وعادي ترى الموضوع مايحوج

والله اختي انا ما اشوف ان له حق يزعل
لأن أنتي وياه اتفقتوا على شيء وهو رضى
الا اذا فيه شيء ثاني مضايقه ويمكن نفسيته تعبانه
حاولي تراضينه بس لاتحسسينه انك خلطانه
يعني راضيه ووضحي له انه هو اللي غير كلامه