ماضيع بيوت كثيرة غير انه مافيه كرامة بين الزوجين
لا فيه كرامة
لما الزوج نفس الشي مايدقق على التوافه ولا يكبر الامور وقتها نقول صحيح مافيه كرامة بين الزوجين
اما لو شخص دايما يغلط ويتوقع الطرف الاخر بيجي ويستسمح منه ولا كانه شي
وهو لو غلط مستحيل يعتذر لا اسمحوا لي
حتى الطفل لتعودوه على الانضباط يعاقب ولو نفسيا
انا كنت ممن يقولون لا كرامة بين الزوجين
واكتشفت ان هذه اول خدعة تنسف الحياة الزوجية
من حقوق الزوجية ان الزوج يحفظ كرامة زوجته والزوجة تحفظ كرامة زوجها
وان مايتعدى احد على احد
وان يعتذر المخطا او على الاقل يقدم اعتذار ضمني
واذا كان الامر تافه يتغاضوا عنه ويكبروا عقولهم
لكن معا
وليس طرف على حساب الاخر
وكلامي هذا حتى للرجل الذي يتزوج بزوجة متعبة وعنيدة ومتسلطة
كثير رجال ايضا يكبرون عقولهم ويطنشون لحد مالزوجة تتمادى وتصدق نفسها
وتكبر المشاكل خصوصا لو الزوج عنده كرامة
يمكن يتغاضى مرة ..مرتين
يطنش لاجل موقف لاجل فلان وعلان لاجل الابناء
لكن ان يستمر وضع سيء لانه مافيه كرامة بين الزوجين
وبعدا بيجي يشكي الحال والكل بيقول له ليتك وقفتها عند حدها من البداية
وللزوجة ايضا يقال لها ليتك وقفتيه عند حده من البداية
بقول لك ايضا تجربتي ومن واقع
زوجي عملها لي
اول مرة طنشت وزعلت لكن راضاني بانه قال لا تطلعي مثل صديقتك بالضبط
ورضيت بنفس مبدا لا كرامة بين الزوجين وكلام غضب
بعدين احلوت الكلمة بفمه وصار يستسهلها
يوم طلعت من البيت وكبرت الامور وقتها فقط وعى ان الكلمة هذه مابتمشي له
وكثير مواقف
كل وحدة اعرف الناس بزوجها
وهي تقدر تقدر الكلمة هذه من غضب وهو احمق
وهل تراجع عنها بشكل مرضي او لا
لو انا منها لانها اول مرة وانه كانه استسمح منها
تقوم بكل واجباته وتحط له اكله حتى وتبات معه بغرفته لكن ماتكلمه ولا كلمة وتبين انها زعلانة لحد مايراضيها وتعاتبه
وتقولها له صريحة ان كلمتك لي جارحة
كيف تطردني من بيت الزوجية
حتى لو انت تهورت وحمقت لو اني بعد تهورت وحمقت وسمعت كلامك واخذتني العزة وعلمت اهلي بالامر
كيف حيكون وضعنا
مافكرت بعيالنا
لا تسكت عنه
خله يتادب ويعرف حدوده
بنات الناس مو لعبة
وصدقيني يااختي انا ندمانة اني لاني كنت ايضا ضحية لكثير من النصائح التقليدية
والوم نفسي قبل لا الوم زوجي
لان زوجك لين ماتعوديه
والزوجة اللي تعلم زوجها وتوقفه عند حده انه مايغلط عليها تحفظ خط الاحترام بينهم
لكن النصائح الدائمة واقولها لك اهيل وامي واخواتي ينصحوني بنفس النصائح اقول لك الرجال انواع
فيه رجل تاخذيه بالطيبة
وفيه رجال مايجون الا بالشد وتوقفهم المراة القوية اللي عارفة حقوقها
وفيه رجال تجيهم بالسحر الحلال والحيلة
كل زوجة عارفة زوجها اكثر من اي شخص ثاني
وخويتك هي اعرف بظروفها
انصحيها ترد بيتها بهدوء لان البعد يولد الجفاء
ومرة ثانية لو قال اطلعي بيت اهلك تقول له مثل مااخذتني من بيتهم تردني انت بنفسك
لهم
لكن الحين بيقول هي طلعت من نفسها وترد من نفسها
خليها ترد بحجة العيال
والافضل انها تتلكك يعني تقول العيال محتاجين شي معين وترسل له رسالة لاجل يجي هو وياخذها بنفسه
التعديل الأخير تم بواسطة عبـدالعـزيز ; 30-09-2007 الساعة 01:22 PM
السبب: دمج